ربع عربية ؟

[wahba87]

السلام عليكم

واحد صاحبى عمل حادثة جامدة من كام يوم بعربية kia rio 2 2004 فضى

الحادثة دمرت اكصدام و كابوت و رادياتير و صدر و فانوس و رفرف , ربنا ما يوريكم


المهم بعد ما سأل على قطع الغيار , لقى كل حاجة ما عدا الاكصدام

و السمكرى نصحه انه يسافر بورسعيد و يجيب ربع امامى من هناك , و هو كلمنى من هناك و مش لاقى للاسف عشان العربية مش منتشرة

السؤال , هل افضل يجيب ربع امامى و لا يجيب قطع منفصلة ؟ , و فين ممكن يلاقى الاكصدام ؟ , و هل ممكن يكون فى ربع امامى هنا فى القاهرة ؟ , فين ؟

و ربنا يحفظنا جميعا ان شاء الله

[SAMEH_FOUAD]

اهم حاجة اية اخبار الشاسية والسلاحين لو جرالهم حاجة يبقى يجيب ربع امامى احسن
لكن لو سلام حرام يقطع فى العربية يدور على الاكصدام احسن مية الف مرة
ولو مش لاقية يجيب الصدر كامل وياخد منة الاكصدام والحاجات المتبقية يخليها عندة قطع غيار

[wahba87]

اهم حاجة اية اخبار الشاسية والسلاحين لو جرالهم حاجة يبقى يجيب ربع امامى احسن
لكن لو سلام حرام يقطع فى العربية يدور على الاكصدام احسن مية الف مرة
ولو مش لاقية يجيب الصدر كامل وياخد منة الاكصدام والحاجات المتبقية يخليها عندة قطع غيار

انا مش فاهم اوى بصراحة و مش عارف ايه السلاحين , بس اعتقد الشاسيه مخبوط , على العموم دى صور العربية و حضرتك تحكم :

[ahmed2y]

باشا هو السمكرى قال كلامة دة بعد ما فك العربية ولا لا لان العربية كدة منظرها مش وحش قوى هو المفروض يشيل الكبوت ويفك الصدر ويشوف الخبطة وصلة لحد فين بالضبط فى القنطرة والشاسية العربية على كدة مش محتاجة ربع ولا حاجة هى شكلها كدة هتحتاج صدر+ راديتير + وسبربنتينة تكيف+ رفرف يمين لو مش عاوز تسمكر دة مع انة يمشى وحاجات بدل الى اتكسرت اناكد من السمكرى انة كويس

[ahmed2y]

اة والاكصدام كمان

[wahba87]

شكرا يا باشا على الرد , بس المشكلة ان هو مش لاقى الاكصدام , ولا الاكصدام بييجى مع الصدر الكامل , طب ممكن يلاقيه فين فى القاهرة ؟

[romeo_6887]

لا حول و لا قوه الا بالله
ربنا يستر طريقنا جميعا

[SAMEH_FOUAD]

انا مش فاهم اوى بصراحة و مش عارف ايه السلاحين , بس اعتقد الشاسيه مخبوط , على العموم دى صور العربية و حضرتك تحكم :

شوف ياباشا اللى عليهم الدايرة الحمراء دول السلاحين واللى لو جرالهم حاجة هتبقى السيارة غير مظبوطة بس انا شايف انهم الحمد لله سلام ومافيهمش حاجة وبكدة يبقى حرام اصلا انك تغير ربع

[Ahmed Galal]

الكلام مظبوط بس انت سالت فى الحرفيين و لا لأ؟

[D . a .\ AYMAN]

أنا شايف من الصور برضه إن العربية مش محتاجة تغير ربع ولا حاجة ... بس برضه الكلام من الصور ماينفعش


أنا شايف إنك تروح لسيادة العقيد خالد في الحرفيين والموضوع بتاعه هنا
http://www.nilemotors.net/Nile/118993-a.html

[aymenseef]

انزل الحرفيين فى كذا واحد بتاع كوري وكمان فيه واحد متخصص اكصدامات وعنده معظم الانواع
الاكصدام سهل يا باشا يعنى لقيت الصدر والاكصدام لأ
حتى لو هتستنى عليه شويه مش مشكله
والحمد لله ان الخبطه مش قويه وفرد الشاسيه سليمه

[Col. Eng. Khaled]

أنا شايف من الصور برضه إن العربية مش محتاجة تغير ربع ولا حاجة ... بس برضه الكلام من الصور ماينفعش

أنا شايف إنك تروح لسيادة العقيد خالد في الحرفيين والموضوع بتاعه هنا

http://www.nilemotors.net/Nile/118993-a.html

مشكور يا فندم

http://www.nilemotors.net/Nile/129752-2009.html

[wahba87]

شطرا يا جماعة على كل الردود , و انا هقول لصاحبى على كل الكلام اللى اتقال هنا

و يا ريت اى حد عنده اى معلومة ميبخلش علينا

[Conspirator]

فى الحرفيين اسأل على العقيد خالد وهو ان شاء الله هيظبطهاله

كان فى واحد عامل موضوع هنا فى المنتدى انه معاه كيا ريو وعمل بيها حادثه اكبر من دى وظبطها عنده

[Ahmed Samy]

عليك و على العقيد خالد و ريح نفسك

بيعمل كل حاجة زيك تمام و بيدور على القطع الكويسة و الرخيصة
و اللي يتصلح بيصلحه
و بيصورلك العملية خطوة خطوة يعني ممكن تتابع العربية من على المنتدى من غير ما تروح