عملت حادثة ....

[A.Saad]

اليوم
وانا ماشى فى شارع المطبعة فى فيصل
سواق - تيت ابن تيت وستين تيت - الله يلعنه بتاع نص نقل
راكن العربية بزاوية مايلة فى الشارع
ومخللى الشارع حارة واحدة
استنيت اللى جاى من الناحية التانية
واحد تانى فى المقابل كان جاى بلانسر - قلبت نور وابتديت اعدى
هوة كمان - حسبى الله ونعم الوكيل فيه - كان كابس جامد وانا مكنتش مركز
ومبصتش فى المرابا وهوب
اسمع صوت خبطة من ناحية التيت بتاع النقل
نزلت
لقيت الرفرف الخلفى يمين







الخبطة كمان مسمعة من جوة شوية
وطبعا شايفين الصاج
بليسيه ولا القماش


اللى يتعمل فى الصاج ده بقى

[NoRmAl]

أولا الحمد لله وقدر الله وماشاء فعل والحمد لله أنك سليم
بيتهيألى لازم يتغير لأنى مش مستوعب دا يتعمل أزاى دا
أصلها مش فتحه صغيره ممكن تتلحم دى بتاع 15 سم
لكن إن شاء الله خير والحمد لله

[3ateef]

يا باشا قدر الله وماشاء فعل....
جفت الاقلام ورفعت الصحف....
وان شاء الله تتصلح علطول...

[nomercy22]

معلش قدر الله ماشاء فعل

[Mzeid]

ألف حمد على سلامتك الاول
و قدر الله و ما شاء فعل
و بإذن الله يكون لها حل

[omar-saad]

الف سلامة ليك
واللى يجى فى الريش بقشيش
وانا شايف انك تغيرة احسن

[Eng_Mostafa_89]

الف سلامة عليك
وان شاء الله بسيطة وتتصلح وترجع احسن من الاول

[ابو فرح]

الحمد لله وقدر الله وماشاء فعل اهم حاجه انت بخير

[M.Osman]

قدر الله و ماشاء فعل...

[HeMa_LanCeR]

قدر الله وماشاء فعل
والحمد لله بسيطه
هو هيقطع الحته المكشكشه دي
ويحط صاجه مكان الفتحه ويلحمها ويصرواخها وهتبقي تمام
ماتقلقش
او ممكن يفردها ويلحم حواليها

[Khaled_Nowaihy]

الحمد لله على كل حال ... أهم حاجة انك بخير
دى ممكن السمكرى يعمل لها مرمة .. بس لازم تشوف سمكرى ايده نظيفة

[jojooo]

الحمد لله بسيطة
انا شايف انها تتصلح عادى السمكرى بيقطع الجزء دة وبيفصل بحتت صاج ويلحمها ويظبها كويس بس محتاج سمكرى شاطر دة افضل من انك تغيرة علشان دة رفرف خلفى (حايقطع من عند القايم)

[mada121977]

الف حمدلله على سلامتك يا احمد بيك
وفداك العربيه لوالحمدلله القطع بسيط والسمكرى زى ما الافاضل قالوا هيلحم حته صاج مكان القطع ويصنفرها بالصاروخ وهتبقى زى الاول ان شاء الله

[د.محمود صلاح]

تتصلح ومش مكلفة ان شاء الله ,, بالرغم من صعوبة مكان الخبطة

[A.Saad]

ان متشكر ليكم كلكم على الردود
وسعيد باهتمامكم
مستنى تفاعل باقى الاعضاء