ارجو الافاده السريعه لو سمحتو sx OR ex

[midotefa11]

يا جماعه انا محتار بين الفئه ال ex و الsx مش عارف اختار ايه بجد انا قربت اتجنن تقريبا ياريت الافاده مع العلم اني حشتري توكيل لان الناس قلتلي بلاش تكون العربيه خليجي عشان الضمان و كده و تسلمو.

[Ahmed Samy]

تتجنن ليه

معاك فلوس الحلوة هاتها طبعا

و بعدين مابتص على الخليجي برضه
انت ممكن تركب أعلى عربية بسعر واحدة من دول

[alzwawy]

ايه الي هيحيرك يا مان لو معاك حق ال اس اكس هاتها يا مان علي طول دي مفيهاش كلام وبلاش وكيل علشان هتستني كتيييييييييييييييييييييييييييييييييييير الا لو ليك سكه تستلم بسرعه او تدفع اوفر برايس

[midotefa11]

تتجنن ليه

معاك فلوس الحلوة هاتها طبعا

و بعدين مابتص على الخليجي برضه
انت ممكن تركب أعلى عربية بسعر واحدة من دول

ايه الي هيحيرك يا مان لو معاك حق ال اس اكس هاتها يا مان علي طول دي مفيهاش كلام وبلاش وكيل علشان هتستني كتيييييييييييييييييييييييييييييييييييير الا لو ليك سكه تستلم بسرعه او تدفع اوفر برايس

المشكله اني عايز الوكيل عشان الضمان بس الفئه ال sx ملايانه الكتونيكس وانا بقلق من الكترونيكس في عربيه كوري انا كنت عايز الفئه ال ex بس ركبت ال sx انهارده و عجبتني جدا و خصوصا ان فيها مؤشر حراره

[Ahmed Samy]

المشكله اني عايز الوكيل عشان الضمان بس الفئه ال sx ملايانه الكتونيكس وانا بقلق من الكترونيكس في عربيه كوري انا كنت عايز الفئه ال ex بس ركبت ال sx انهارده و عجبتني جدا و خصوصا ان فيها مؤشر حراره

مليانة ايه حضرتك !!

العربية بسيطة جدا و مافيهاش أي حاجة مكلكعة دي موتور معروف للكل
و فتيس تيبترونيك مش جديد أساسا
و عفشة معروفة و قطع غيار كل حاجة موجودة
و طوب الأرض بيفهم فيها

و الحمد لله ولا عضو قابلته مشكلة كبيرة تحتاج الضمان لأن العربية فعلا بسيطة

أنا من رأيي تشوف الخليجي السعودي الأول و عيد حساباتك من غير خوف


أنا فكيت عربيتي كلها و ركبتها تاني بدون مشاكل تذكر


بس الوكيل (حتى الأن) رافض صيانة الخليجي

لو حضرتك خايف بجد قوي يبقى براحتك طبعا بس حاول تشتري بأوفر برايس من الأول لأنك لو حجزت مع الوكيل نفسه مش هاتشوف أكرتها السنة دي

[zahaan]

انا راى حضرتك تجيب الخليجى لان انا شايف ان مشكله الاس اكس وكيل الوحيده هى اللو بروفايل و ده طبعا مش مشكله العربيه ده مشكله بلدنا الجميله

انما الخليجى ممكن تجيبا فيها كل الامكانيات و بجنط 16 و انا شايف ان موضوع الضمان ده ميقلقش لان كل مراكز الخدمه فى القاهره بتفهم فى العربيه كويس جدا

[Cutevampire]

لو انت خايف من الالكترونيكس ... فالفئتين تقريبا واحد
الحاجات الزيادة في ال sx ( حساسة ركن، شاشة معلومات للسائق .......) متعملش المشاكل اللي انت متخيلها ..
اللي ممكن يخليك تبعد عن ال sx هو موضوع الجنوط و نشوفية العفشة

[Amr A.salam]

لو مصمم تجيب وكيل يبقى هات Sx علشان فيه فرق كبير في الأوبشنز بين الEX والsx

وسيبك من موضوع الالكترونكس دة ......أوبشنز زيادة مع ضفيرة كهرباء وكنترول أكبر وخلاص

[mameen]

انا مجبتش sx وجيبت ex عشان حاسس اني مش محتاج الزيادات الموجودة
لذلك احتياجاتك هي اللي تحدد ومتنساش ان في فرق 7 الاف جنية
انا عربيتي وكيل

[M7amD_7amDy]

ياباشا خليك فى التقيل لو الميزانية تسمح

عشان لو جبت ال ex وركبت بعدها ال sx هتتضايق وتندم حتى لو شوفتها معدية من جنبك هتتغاظ بجد

وزى ماقال دكتور أحمد لو خايف من التوكيل بخصوص صيانة الخليجى فمفيش حل غير انك تشترى وكيل بالأوفر برايس :(

انا لو مكانك أستنى شوية لما الأمور توضح وأن شاء الله الحق هيرجع لصحابه والعربيات الخليجى هتخش هتخش الصيانة :))

[yoko]

الsx طبعا كفايا الabs والإرباجز

[madoo_600]

انا ممكن اسلمك sx او ex بالرسمي وكيل وفورا بدون انتظار ولا اوفر برايس

[midotefa11]

تسلمو يا رجاله والله احلى منتدى سيارات شاركت فيه و انا قررت على ال Ex ان شاء الله وكيل

[Ahmed Samy]

انا ممكن اسلمك sx او ex بالرسمي وكيل وفورا بدون انتظار ولا اوفر برايس

تسلمو يا رجاله والله احلى منتدى سيارات شاركت فيه و انا قررت على ال ex ان شاء الله وكيل

يارب يوفق و ألف ألف مبروك مقدما

[HyundaiAgain]

Ex Is best value for money, ها أرخص يوم السبت
العربية موجودة وكيل بالضمان في ياسين روكسي بالسعر الرسمي مفيش زيادة ناس محترمين و عنده SX بالسعر الرسمي
الجنط ال 16 احسن