استشارة فنية بخصوص كماليات الكيا سيراتو

[dr_romio25]

لو سمحتم انا كنت عاوز اجيب الحاجات دي للعربية كيا سيراتو sx وحابب استفيد نصيحتكم فيها

1-فرش جلد
2-جهاز انذار
3-اربع دالايات للعجل
4=ستاير كبس

عاوز اعرف الفرش الجلد لو جبته من برة ينفع اروح اركبه في التوكيل عشان انا خايف من حكاية ان اي صنايعي برة يلعب في العربية وخصوصا انه هيفك في الكراسي وكدة (مع اني معجب جدا بصراحة بالفرش الي الاخ Atrees كان مركبه في العربية ومصوره هنا-مشاء الله- ربنا يباركله فيه)

بالنسبة لجهاز الانذار انا هجيبه من برة هل لازم ابعت الايميل لشركة كيا الام الي في كوريا عشان اركبه في الوكيل ولا الموضوع ممكن يتعمل لو قولتلهم اني عضو في نايل موتورز او بالاستيكر

بالنسبة للدالايات عاوز اعرف انا لو ركبت الداليلات دي هخرم في العربية ولا هي فيها اماكن زي مثلا مكان لوحة النمر ورا كدة يعني محفورة فيها جاهزة ؟ و لو هيستدعي اني اخرم عشان اركبها هل في امكانية اني اجيبها من برة واروح اركبها في الوكيل برده؟

اخرحاجة ستاير الكبس هل متوفر ستاير كبس للكيا جر؟ يعني بتتجر بتلف على تحت كدة

معلش طولت عليكم... وشكرا مقدما

[Atrees]

لو سمحتم انا كنت عاوز اجيب الحاجات دي للعربية كيا سيراتو sx وحابب استفيد نصيحتكم فيها

1-فرش جلد
2-جهاز انذار
3-اربع دالايات للعجل
4=ستاير كبس



اولا صباحك فل وربنا يحرسلك السنيورة :)

عاوز اعرف الفرش الجلد لو جبته من برة ينفع اروح اركبه في التوكيل عشان انا خايف من حكاية ان اي صنايعي برة يلعب في العربية وخصوصا انه هيفك في الكراسي وكدة (مع اني معجب جدا بصراحة بالفرش الي الاخ Atrees كان مركبه في العربية ومصوره هنا-مشاء الله- ربنا يباركله فيه)

الفرش مش محتاج لعب في العربية وعلي رضا جيد جدا في الموضوع دة متخفش من حاجة
الفرش ب 550 جنية بالتركيب في حوالي ساعتين بس - حتي فك الكراسي في السيراتو سهل جدا جدا ومش محتاج صنايعي يعني :)

بالنسبة لجهاز الانذار انا هجيبه من برة هل لازم ابعت الايميل لشركة كيا الام الي في كوريا عشان اركبه في الوكيل ولا الموضوع ممكن يتعمل لو قولتلهم اني عضو في نايل موتورز او بالاستيكر

مقدرش افيدك في دي - بس انت عندك ريموت اعتقد - لية بقي الانذار ؟


بالنسبة للدالايات عاوز اعرف انا لو ركبت الداليلات دي هخرم في العربية ولا هي فيها اماكن زي مثلا مكان لوحة النمر ورا كدة يعني محفورة فيها جاهزة ؟ و لو هيستدعي اني اخرم عشان اركبها هل في امكانية اني اجيبها من برة واروح اركبها في الوكيل برده؟

الدلايات بتركب في التوكيل بسهولة ومن غير تخريم ب 300 جنية تقريبا

اخرحاجة ستاير الكبس هل متوفر ستاير كبس للكيا جر؟ يعني بتتجر بتلف على تحت كدة

لا طبعا مفيش ستاير كبس رول بينزل زي ما بتقول - لانها كبس علي الزجاج علي طول ودي بتيجي ظهر وجنبين وبتتركب علي داير الزجاج وبتتفك اي وقت - انت بتشيلها وبتحطاها بايدك عادي - في حدود 60 ل 100 جنية حسب الجودة

معلش طولت عليكم... وشكرا مقدما

[dr_romio25]

الف شكر يا عتريس باااشا

بس الدلايات غالية اوي عليها 300 جنية بصراحة مدام مش هتخرم ولا حاجة انا كان في واحد قالي عليها ب85 هبقى ابص عليها كدة

والانذار انا عاوزه عشان الامان ووحدات الرفع

الفرش انا كل الي مخوفني انه هيفك الكراسي دي حاجة تقلق بصراحة ولو فرق السعر في التوكيل بسيط هعملها هناك

وعموما متشكر جدا ياعتريس باشا وبارك الله فيك

[Atrees]

الف شكر يا عتريس باااشا

بس الدلايات غالية اوي عليها 300 جنية بصراحة مدام مش هتخرم ولا حاجة انا كان في واحد قالي عليها ب85 هبقى ابص عليها كدة

والانذار انا عاوزه عشان الامان ووحدات الرفع

الفرش انا كل الي مخوفني انه هيفك الكراسي دي حاجة تقلق بصراحة ولو فرق السعر في التوكيل بسيط هعملها هناك

وعموما متشكر جدا ياعتريس باشا وبارك الله فيك

بص يا معلم - الدلايات عند ارابكم ب 90 جنية بالتركيب وجيدة جدا

بالنسبة للانذار ووحدات الرفع بلاش عشان السيراتو حسساسة جدا للعب في الكهرباء - ممكن تعمل مشاكل - لو التوكيل وافق يبقي علي بركة الله

صدقني انا بخاف اكتر منك في موضوع الفك والتركيب دة - ياراجل دا انا مش عايز اركب فيمية :)
متخفش بجد - كراسي السيراتو انا ممكن افكها بنفسي واركبها تاني من سهولتها - علي رضا خلية بس لما يفك يركب ويقرط علي المسامير - وانا اهو بقالي 9 شهور مركبة ولا في حتي زنة من الكراسي الحمد لله

بالنسبة لفرش التوكيل مش حتلاقية بجودة اللي انا جبتة وانا متاكد من كلامي 150%


لو انت ساكن في مدينة نصر ممكن تنقابل عند علي رضا وتشوف الفرش عندي علي الطبيعة قبل ما تركب :)

[dr_romio25]

الف شكر ياباشا متشكر جدا على اهتمامك خلاص على بركة الله انا هركب عند علي رضا وان شاء الله هبقى اعرفك قبل مروح هناك ويكون ليا الشرف اني اقابلك ياباشا

[yasserelsayad]

شوف الدلايات هنا http://www.nilemotors.net/Nile/141698-a.html

[BoOoning]

بالنسبة لجهاز انذار

السلام عليكم
بالنسبة لجهاز انذار أنا لسه مركبه عند ادريان الهرم spy 2 way في اتنين سيراتو EX والتركيب تكلف 75 جنيه لكل عربية واحده وكيل وواحده خليجي , وتم تأمين الشنطة في الاتنين ولكن الشنطة في الخليجي ممكن تفتح من الريموت علي عكس الوكيل لأن ما عنديش ريموت أصلا ولكنها متأمنة ضد أي خبطة والحمد لله
التركيب ماخدش اكتر من ساعة , وركبت معاهم وحدات رفع الزجاج ودي مهمه جدا بالنسبة لي بتتوصل في الباب او فوق دواسات البنزين وهيا وظيفتها قفل الزجاج اوتوماتيك في حالة نسيانه مفتوح بعد قفل السيارة بالريموت , وتكلف الاربع أبواب حوالي 150 جنيه والنوع تايوان وعليها ضمان سنة من أدريان
بصراحة ادريان دول ناس محترمة قوي , والتقفيل حلو جدا أقدر أقول انها اتقفلت تاني طبق الاصل ولا كأن ركب حاجه

والجهاز انا اشتريته من التوفقية بمبلغ 360 جنيه من محل اللواء احمد اللي هايدلك عليه محل غريب اللي في اخر الشارع بس المشكلة ان غريب مش بيبيع غير بالجملة يعني لازم تاخد 3 او 4 حتت وداه أقل شئ وسعره الجملة هناك 330 جنيه

[A.Saad]

غريب ليه محل تانى بيبيع قطاعى ب 330 سعر الجملة
وكمان 360 قطاعى كتير
ممكن تلاقى اقل