برجاء نصيحة ماقبل الشراء بساعات (رجاء الدخول للاهمية من الخبراء) ربنا يبارك فيكم

[VAN_XP]

السلام عليكم ورحمة الله

ان شاء الله انا استخرت ربنا فى شراء السيراتو وبعد تفكير وبحث قررت ان الشراء يكون من احدى تلك المعارض

1- اوتو سمير ريان
2- ناشيونال موتورز
3- جابر عبد الشهيد
3- المحمل موتورة

برجاء افادتى بالتالى:-
1- اى المعارض هى الافضل لشراء السيراتو الخليجى؟
2- ماهى المواصفات المهمة خصوصاً انى عايز اعلى فئة فى السيراتو الهاى لاين.
3- هل هناك اى زيادات لازم تكون موجودة؟
4- افضل شركة تأمين اية؟ وافضل نظام للشراء؟
5- قرأت اعلان مرة بس مش فاكر اسم المعرض انة فية سيراتو هاى لاين نازل على الرخصة بتاعتها زجاج فيمية ملون ؟ حد يعرف ازاى ده او اجيبها منين؟
6- السعر كام للفئة الاعلى؟


خصوصاً ان الجرنال بتاع ملحق السيارات الجمعة وبتاع اخبار السيارات السبت نازل فية كلام ومواصفات كثيرة ... وانا حاسس انهم حيضحكوا عليا ..

برجاء النصيحة

[Samir_Adel]

مبدئيا جابر عبد الشهيد هو ملك العربيات الخليجي و ناس محترمة اوي و اوتو سمير ريان سمعتة زي الفل. بالنسبة للمواصفات فا ارشحلك احسن مواصفات و هي اكتر مواصفات متداولة و هي السعودي و اعلي فئة فيها بتكون 122 او 123 ألف حاجة كدة.. بالنسبة للزجاج الملون لا مفيش دة كلام فاضي عشان بكل بساطة الفابريكة معملتش فيمية فابريكة حتي للمواصفات الأوروبية, بالنسبة للكماليات في اعلي فئة بتكون جلد طبيعي, تكييف تاتش, طارة متعددة الوظائف, فتحة سقف, جنط 17, اوكر نيكل, مفتاح بصمة و باركينج سنسور. بالنسبة لموضوع التأمين فا انا اسف معنديش اي معلومات بخصوصة, و مبروك مقدما.

[alzwawy]

بص يا باشا
كل المعارض الي انت قلت عليها معارض محترمه بس انا معرفش حاجه عن
المحمل بس ممكن تجيب من عند جابر عبد الشهيد علشان هو المستورد بتاعها اصلا
وموضوع الفاميه ده لو ليك واسطه و انت بترخص بترخص ب فاميه وبعد
كده تروح تفيم زي ما انت عاوز انما العربيه مفيش ولا فئه بتنزل ب فاميه خالص
وبص يا سيدي انت عاوز امكانيات الهاي لاين الي هي زي الي معايا
تاكيف تاتش-جلد طبيعي-طاره متعدده الوظائف-طاره جلد-فتحه سقف-5جنوط 17-مفتاح بصمه-اوكر نيكل-شكمان كروم-باركينج سينسور-مرايه تعتيم ودي اساسيه-ممكن كاسيت 6 سي دي لو لقيته لسه بينزل-طفايه حريق تحت الكرسي الي جمب السائق-مثلث عاكس في شنطه العربيه
وبس كده مبروك عليك يا باشا بس اهم حاجه تجبها سعودي مش كويتي ولا اردني ولا سوري

[mohamedwahid]

اوتو سمير ريان
وبالنسبة للنامين انا اعملهولك انا فى شركة مصر للتامين وانا تحت امرك ورقمى 0105472053 وتحت امر اى عضو فى نايل موتورز

[alzwawy]

ا\محمد انا معايا سيراتو و عاوز ائمن بس في خبطه صغيره في الباب الشمال الي ورا هل كده الباب ده يطلع بره التأمين ولا ايه

[timtim77]

اخى الفاضل
ان فاهم انك عايز مواصفه خليجى
شوف يا باشا
1- المجمل ده موزع معتمد للتوكيل اعتقد انك مش حتلاقى عنده خليجى
2- ناشيونال عربياتهم اردنى مش خليجى
3-جابر عبد الشهيد اكبر مستورد للكيا السعودى(ارشح لك الخليجى السعودى)
4 سمير ريان بياخد من ناشيونال وجابر
انا اشتريت عربيتى من معرض واخد من جابر هيه هاى لاين سعودى فيها
تاكيف تاتش-جلد طبيعي-طاره متعدده الوظائف-طاره جلد-فتحه سقف-5جنوط 17-مفتاح بصمه-اوكر نيكل-شكمان كروم-باركينج سينسور-مرايه تعتيم - كاسيت سي دي -بدلات نيكل
ده سعرها 121 الى 122
موضوع الفاميه حتلاقى فى الاردنى
علشان حضرتك تطمن ان العربيه سعودى حتلاقى على القايم الشمال مكتوب انها انتجت طبقا للمواصفه الخليجيه السعوديه

[mohamedwahid]

ا\محمد انا معايا سيراتو و عاوز ائمن بس في خبطه صغيره في الباب الشمال الي ورا هل كده الباب ده يطلع بره التأمين ولا ايه

بص يا باشا ورينى صورة للخبطة وانشاء الله خير وانا تحت امرك

[Cutevampire]

نصيحة لوجه الله
ايا كان المعرض اللي هتشتري منهم لان كلهم زي بعض
خد حد معاك بيفهم في العربيات و راجعوا العربية حته حته بالظبط كأنك بتشتري عربية مستعملة
لأن قصص الناس اللي بتشتري عربيات زيرو و تلاقي فيها حتت مرشوشة و خرابيش مش باينة قصص كتير

[timtim77]

اخى الفاضل
ان فاهم انك عايز مواصفه خليجى
شوف يا باشا
1- المجمل ده موزع معتمد للتوكيل اعتقد انك مش حتلاقى عنده خليجى
2- ناشيونال عربياتهم اردنى مش خليجى
3-جابر عبد الشهيد اكبر مستورد للكيا السعودى(ارشح لك الخليجى السعودى)
4 سمير ريان بياخد من ناشيونال وجابر
انا اشتريت عربيتى من معرض واخد من جابر هيه هاى لاين سعودى فيها
تاكيف تاتش-جلد طبيعي-طاره متعدده الوظائف-طاره جلد-فتحه سقف-5جنوط 17-مفتاح بصمه-اوكر نيكل-شكمان كروم-باركينج سينسور-مرايه تعتيم - كاسيت سي دي -بدلات نيكل-فرامل ABS -تحكم فى ارتفاع وانخفاض النور- عدادات رياضيه
ده سعرها 121 الى 122
موضوع الفاميه حتلاقى فى الاردنى
علشان حضرتك تطمن ان العربيه سعودى حتلاقى على القايم الشمال مكتوب انها انتجت طبقا للمواصفه الخليجيه السعوديه

[mohamedwahid]

نصيحة لوجه الله
ايا كان المعرض اللي هتشتري منهم لان كلهم زي بعض
خد حد معاك بيفهم في العربيات و راجعوا العربية حته حته بالظبط كأنك بتشتري عربية مستعملة
لأن قصص الناس اللي بتشتري عربيات زيرو و تلاقي فيها حتت مرشوشة و خرابيش مش باينة قصص كتير

الرجل دة بيتكلم صح

[د.محمود صلاح]

ربنا يفك أزمة صيانة الخليجي في التوكيل على خير وكل الامور بعد كده سهلة ان شاء الله

[ALSHARIEF]

السلام عليكم و رحمة الله و بركاته ...........

مبدئيا ربنا يوفقك حبيبى فى الله و يتمملك على خير بإذن الله و يكفيك شرها و شر ما صنعت لها و يعطيك خيرها و خير ما صنعت لها .

بص يا باشا حضرتك قدامك أوتو سمير ريان أو جابر عبد الشهيد بس أنا أعتقد إن جابر عبد الشهيد أكبر مستورد للكيا الخليجى و سمير ريان بياخد منه .

المهم إن جابر عبد الشهيد عمل حاجة حلوة ( عرض جديد ) لما حضرتك تشترى أى عربية خليجى من عنده هتاخد شهادة من المستورد تثبت إن العربية ذات مواصفات خليجية سعودية 100 % .

وبرده لازم حضرتك تاخد معاك حد فاهم زى حضرتك علشان تفحصوا العربية كويس جدا و ربنا يتمملك بخير إن شاء الله

[NoRmAl]

بص طبعا الناس اتكلموا أحلى كلام
كل الى عايز أقلهولك
أبعد عن المحمل دا علشان دول حراميه بمعنى الكلمه
وربنا معاك ونباركلك قريب على العربيه

[M7amD_7amDy]

مفيش حاجة أقولها زيادة :)

بسم الله ماشاء الله الرجالة قامت بالواجب وزيادة

ومبروك مقدما :))

[VAN_XP]

بجد انا بشكر كل واحد دخل الموضوع وكتب وان شاء الله ربنا يوفقكم كلكم ... وانا حتوكل على الله وحطلع على جابر