صيانة ال20 ألف للبيكانتو

[mohamed2015]

أول مرة أذهب ألى أبو رواش مكان eit ممتاز الصيانة تمت بخير بس هناك مشكلة صغيرة
هى أن مهندس الأستقبال مش عارف أزاى يكتب المشاكل و بعد لما السيارة خلصت لم ياتى الفنى القائم بالعمل فى السيارة لكى يقول لى هل المشاكل التى فى السيارة تلافت ام لا و كيفية تلافيها
و لم يأتى لى الا لما طلبت هذا
طبعا الغسيل زى الزفت مع انى مش دافع قليل و التكلفة 545 جنية مصرى فقط لا غير و أشتريت تيل أمامى 275 و سوف أقوم بتركيبة خارج التوكيل
ممكن أعطىهم 5 من 10 مفيش فى مصر توكيل كويس

[asd_asd]

الف مبروك ياباشا على الصيانه وعقبال ال100000بس ايه رايك فى البيكانتو

[YaSSerwIN]

واية أخبار الفرامل معاك الصبح بدرى بتبقا ضعيفة ولا كويسة

[mohamedhamam]

ألف مبروك و عقبال صيانة الـ 100000 و ربنا يكرمنا و يجى يوم نلاقى فيه مراكز الخدمة فى مصر محترمة و تحترم عملائها

[mohamed2015]

الفرامل كويسة فى أى وقت بس شوية تلاقى الدواسة واطية و شوية تلاقيها عالية و طبيعية و قلتلهم فى الصيانة قالو لازم تغير التيل و بعدين نشوف بس أشتريت التيل من التوكيل و أن شاء اللة هركبة برة

[tamer51177]

واية أخبار الفرامل معاك الصبح بدرى بتبقا ضعيفة ولا كويسة

ايه حكاية الصبح بدري دي، انا لاحظت الموضوع ده بس قولت اكيد انا بيتهيئ لي

[sergiooo128]

مساء الخير ياجماعه مدام الكلام على البيكانتو انا بفكر اشتريها اليومين دول فعاوز اعرف كل المعلومات عنها. الناس كلها بتخوفنى من ضيق الصالون بتعها.

[YaSSerwIN]

ايه حكاية الصبح بدري دي، انا لاحظت الموضوع ده بس قولت اكيد انا بيتهيئ لي

انا الموضوع دة بيحصل معايا كتيير ساعات الصبح بدرى اول لما بطلع بالعربية بلاقيها فراملها ضعيفة جدا وبمجرد انى

ادوس فرامل مرتين ثلاثة على الطريق ترجع تتظبط بس بلاقى نفسى دايس اخر الدواسة والعربية بتهدى بس وبعد

كدة بتتظبط

بس هو الموضوع دة مبيحصلشى معايا غير لما العربية تبرد شوية غير كدة الفرامل مظبوطة مش عارف اية المشكلة بقا

[IAbdou]

وأنا بردة نفس الحكاية ياترا أة السبب

[M.ABDEEN]

مبروك يا باشا .....
بس في ابو رواش بقى الضغط جامد قوي عليه وزحمة ممكن فرع القطامية بيكون رايق شوية ما عدا يوم السبت .....
البيكانتو زي الفل سحب وتكييف وثبات ويعيبها
1- العفشة ناشفة شوية
2- الشنطة صغيرة

[YaSSerwIN]

مبروك يا باشا .....
بس في ابو رواش بقى الضغط جامد قوي عليه وزحمة ممكن فرع القطامية بيكون رايق شوية ما عدا يوم السبت .....
البيكانتو زي الفل سحب وتكييف وثبات ويعيبها
1- العفشة ناشفة شوية
2- الشنطة صغيرة

طب مشكلة الفرامل اية رايك فيها ؟؟

[M.ABDEEN]

طب مشكلة الفرامل اية رايك فيها ؟؟

بص يا ياسر باشا الفرامل ملاحظتيش عليها حاجة وزي الفل وكويسة .........
العفشة هي اللي عملالي جنان بصراحة بحس بدبة النملة وانا ماشي فيها وكمان الرزع مع المطبات والتنطيط مع مطبات الهواء غير كده العربية زي الفل ......يا ترى ده اخباره ايه معاك