صوت تزيق بسيط جدا جدا من الطارة - نيو سيراتو - انا السبب

[Atrees]

صباحكو فل يا عصابة

انا كل اللي اشتكيت منة في السيراتو صوت الصفارة الغريبة لما بهدي - ودي عند ناس كتير ومن الشكمان - ههههههه


المهم - من اسبوعين كدة حصل موقف نرفزني وروحت رازع ايدي علي الكلاكس جامد جدا لدرجة اني قولت الفيبر اتكسر - المهم

من حوالي اسبوع كدة بقي في تزيقة خفيفة قوي لما الف الطارة يمين او شمال - رخمة جدا رغم ان صوتها يكاد يكون مسموع - بس انا سامعة


انا شاكك انه سوستة الاير باج - بس انتو اية رايكم ؟؟؟

ولو حد عنده الصوت دة ميخافش -يقول- محدش يستجري يعيب في السيراتو تاني خلاص :)

[ghost1900]

هو انت على طول مبوظ حاجاتك كده ، أنا غلطان أنى بسيبك تسوق لوحدك هههههههههههه .

فى أى مشكله فى لمبه الايرباج يعنى منوره على طول مثلا، ممكن يكون صوت احتكاك الطاره بالتابلوه يعنى صوت عادى من الاول وأنت مخدتش بالك.

عموما هشوف النهارده عربيتى وأركز معاها وأقولك، وأن شاء الله تطلع تهيؤات متقلقش.

[NoRmAl]

فعلا أنت متأكد أن الصوت مش من الاول
لو فضل كده
ياريت تزور التوكيل علشان الايرباج مفهوش هزار
شيك و طمنا

[M7amD_7amDy]

ايه ده يازعيم حد يعمل كده فى السيراتو أخص عليك :)

ان شاء الله حاجة بسيطة متقلقش وهبقى أشوف كده برده وأقولك لو فى حاجة :))

[Atrees]

ههههههههههههههه صباح الفل علي الرجالة :)

ايوه كدة مش مهم العربية المهم اني كلمتكو - وحشتوني والله :)

الصوت متهيالي مش قديم وهوا فعلا صوت عامل زي احتكاك الجلد في التابلوة - ولمبة الاير باج سلمية وتمام التمام - بس حاسس ان طبة الكلاكس سايبة شوية ومش عارف دة جديد ولا هيه كانت كدة وانا مش واخد بالي :)


عموما انا اكيد حقولهم عليها في التوكيل - بس انا مش لاقي وقت اروح اصلا

قولت اسالكم لحسن الهسهس يرجع تاني - الواحد مصدق يتعالج - ههههههههههههههههه


تسلموا يا رجالة والله انتوا اجدع ناس جوست وحامدي ونورمال

[NoRmAl]

الله يخليك يا عتريس والله واحشنى و وحشتنى السيراتو الالمانى :))

[ghost1900]

تسلم يا عتريس والله واحشنى جدا أنت وباقى الوحوش والسيراتو ال 248 حصان ههههههههههههه

[M7amD_7amDy]

إحنا أسرة فى بعضينا على رأى خالد الصاوى فى فيلم الباشا تلميذ ههههههه

وانتوا كمان واحشننى والله وفى إنتظار الدفعة اللبنانى عشان الصيف داخل والألواااااانات وإللللللللللللللعب -:)