سؤال لملاك الجميلة سيراتو عن الهدوء و صوت الماتور

[SAMEHNOSHI]

صباح الفل على اصحاب الذوق الرفيع ملاك الجميلة سيراتو
انا كان عندى سؤال بخصوص هدوء الكابينة, هل صوت الماتور بيعلى شوية فى فئة SX عن فئة EX عند الضغط على دواسة البنزين جامد بسبب الشكمان النيكل الموجود فى فئة SX علشان يديها الطابع الرياضى؟؟ ولا زى بعض و مفيش فرق؟؟
طبعا فى ناس بتحب صوت الشكمان الرياضى جدا...لكن انا عن نفسى مبحبش دة و احب اشغل الكاسيت واطى خالص و مسمعش اى حاجة تانى... فهل فعلا فى فرق فى هدوء الكابينة بين فئة EX - SX؟؟
يا ريت يا جماعة اللى يقول حاجة يكون متاكد منها و عن تجربة و متشكر جدا لكل واحد حيرد عليا.

[NoRmAl]

شوف أنا مش راكب sx
بس الى أعرفه حاجه
أن شكمان الكوبيه هو الى صوته ديفل كدا
مش الsx
هذا والله أعلم
المنتدى مليان بملاك الsx كلها حبتين ويردوا عليك :)

[SAMEHNOSHI]

شوف أنا مش راكب sx
بس الى أعرفه حاجه
أن شكمان الكوبيه هو الى صوته ديفل كدا
مش الsx
هذا والله أعلم
المنتدى مليان بملاك الsx كلها حبتين ويردوا عليك :)

متشكر يا باشا على الرد, طيب لحد ما ملاك ال sx يردو ممكن تقولى هدوء الكابينة عامل اية معاك فى ال ex؟؟

[alzwawy]

بص يا باشا طول ما انت معدتش 120 صوت الماتور عادي
لكن لما بتقلبها استيب ترونيك صوت الموتور بيعلي طبعا و بيبقي رياضي
ولو قافل الشباك لا هتسمع عند 120 ولا فوقيها ولا تحتيها سواء مشغل الكاسيت او لأ

[د.محمود صلاح]

ربنا يحفظهالكم من العين ومن شر الطريق

[MalakHassan]

الصوت فعلا مش بيبان لما تقفل الشباك

[NoRmAl]

متشكر يا باشا على الرد, طيب لحد ما ملاك ال sx يردو ممكن تقولى هدوء الكابينة عامل اية معاك فى ال ex؟؟

بص الزواوى معاه هاى لاين وقال الكلام الى أى مالك لأى فئه للنيو سيراتو عارفه
يبقى تقريبا كلامى صح أن الكوبيه بس هى الى بتعمل صوت ديفل
أنا كمان فاكر تقرير نادر نبيل عن الكوبيه أنه علق على صوت الشكمان وأنه مش شكل بس زى بقيت الفئات
خصوصا أن نادر ركب الsx فى التقييم المعروف من رجال المنتدى
لكن للتأكد أكثر وأكثر نستنى بردو ملاك الsx والهاى لاين والكوبيه كمان يأكدوا كلامى

بخصوص سؤالك عن الex
العربيه تقفيلها ممتاز بدرجه كبيره طالما مزودتش عن 120
ويقل عزل الصوت "صوت المتور مش أصوات الشارع" الى جيد جدا بعد ال120
يعنى لو سواقتك هاديه ومعظمها مدن يبقى مش هتسمع صوت المتور خالص
لو بتشد أو بتسافر كتير وبتعدى ال120 دائما هتسمع صوت المتور
مش بالشكل المزعج ولا صوته وحش
هو صوته حلو للى بيحب هدير المحركات لكن فى ناس زيك كدا مش بيحبوا اى صوت
فى المجمل العربيه عزل صوتالمتور فيها ممتاز تحت 120 جيد جدا فوق ال120

[SAMEHNOSHI]

بص يا باشا طول ما انت معدتش 120 صوت الماتور عادي
لكن لما بتقلبها استيب ترونيك صوت الموتور بيعلي طبعا و بيبقي رياضي
ولو قافل الشباك لا هتسمع عند 120 ولا فوقيها ولا تحتيها سواء مشغل الكاسيت او لأ

متشكر على رد حضرتك...انا بتكلم على السرعات الهادية داخل البلد, يعنى فى السرعات تحت 100 هل لما تقرص على الماتور(من غير كيك داون) بيبقى مش مسموع خالص؟؟؟ يعنى هادى زى الالنترا ولا بتسمعة زى الفيرنا؟؟ و هل فى فرق بين sx و ex فى النقطة دى؟؟

[alzwawy]

متشكر على رد حضرتك...انا بتكلم على السرعات الهادية داخل البلد, يعنى فى السرعات تحت 100 هل لما تقرص على الماتور(من غير كيك داون) بيبقى مش مسموع خالص؟؟؟ يعنى هادى زى الالنترا ولا بتسمعة زى الفيرنا؟؟ و هل فى فرق بين sx و ex فى النقطة دى؟؟

عاوز افهم حاجه بس مش مقتنع بيها في كلامك يعني ايه تقرص من غير كيك داون علشان اعرف ارد بس عليك

[SAMEHNOSHI]

بص الزواوى معاه هاى لاين وقال الكلام الى أى مالك لأى فئه للنيو سيراتو عارفه
يبقى تقريبا كلامى صح أن الكوبيه بس هى الى بتعمل صوت ديفل
أنا كمان فاكر تقرير نادر نبيل عن الكوبيه أنه علق على صوت الشكمان وأنه مش شكل بس زى بقيت الفئات
خصوصا أن نادر ركب الsx فى التقييم المعروف من رجال المنتدى
لكن للتأكد أكثر وأكثر نستنى بردو ملاك الsx والهاى لاين والكوبيه كمان يأكدوا كلامى

بخصوص سؤالك عن الex
العربيه تقفيلها ممتاز بدرجه كبيره طالما مزودتش عن 120
ويقل عزل الصوت "صوت المتور مش أصوات الشارع" الى جيد جدا بعد ال120
يعنى لو سواقتك هاديه ومعظمها مدن يبقى مش هتسمع صوت المتور خالص
لو بتشد أو بتسافر كتير وبتعدى ال120 دائما هتسمع صوت المتور
مش بالشكل المزعج ولا صوته وحش
هو صوته حلو للى بيحب هدير المحركات لكن فى ناس زيك كدا مش بيحبوا اى صوت
فى المجمل العربيه عزل صوتالمتور فيها ممتاز تحت 120 جيد جدا فوق ال120

متشكر جدا يا استاذ نورماى...كدة انت جاوبت على سؤالى ان العربية هادية جدا داخل البلد و تحت سرعة 100 مش بتسمع اى صوت لشكمان او ماتور فى فئة ex.
و الاستاذ زاواوى اكد نفس الكلام فى فئة sx يعنى كدة ان شاء الله ممكن اشترى فئة sx و انا مطمن.
متشكر مرة تانية ليك يا استاذ نورماى و متشكر للاستاذ الزواوى على الرد الوافى.

[NoRmAl]

متشكر جدا يا استاذ نورماى...كدة انت جاوبت على سؤالى ان العربية هادية جدا داخل البلد و تحت سرعة 100 مش بتسمع اى صوت لشكمان او ماتور فى فئة ex.
و الاستاذ زاواوى اكد نفس الكلام فى فئة sx يعنى كدة ان شاء الله ممكن اشترى فئة sx و انا مطمن.
متشكر مرة تانية ليك يا استاذ نورماى و متشكر للاستاذ الزواوى على الرد الوافى.

العفو يا باشا أى خدمه ومبروك مقدماً :)

[SAMEHNOSHI]

عاوز افهم حاجه بس مش مقتنع بيها في كلامك يعني ايه تقرص من غير كيك داون علشان اعرف ارد بس عليك

يعنى تسارع عادى... بمعنى ادوس على دواسة البنزين دوسة متوسطة مش للاخر تخليها تشد بدون متعمل كيك داون.
عموما انا خلاص وصلت لاجابت سؤالى منك انت و استاذ نورماى و هى ان العربية ملهاش صوت (ماتور او شكمان) خالص فى السواقة العادية تحت 100 و ان مافيش فرق بين فئة ex او sx فى النقطة دية.
متشكر لحضرتك مرة تانية

[alzwawy]

يعنى تسارع عادى... بمعنى ادوس على دواسة البنزين دوسة متوسطة مش للاخر تخليها تشد بدون متعمل كيك داون.
عموما انا خلاص وصلت لاجابت سؤالى منك انت و استاذ نورماى و هى ان العربية ملهاش صوت (ماتور او شكمان) خالص فى السواقة العادية تحت 100 و ان مافيش فرق بين فئة ex او sx فى النقطة دية.
متشكر لحضرتك مرة تانية

العفو يا باشا احنا هنا كلنا اخوات وفعلا تحت 120 الصوت هادي والصوت ملهوش علاقه ب الفيرنا خالص الفيرنا صوت الموتور وحش اصلا مش صوت رياضي خالص في فرق شاسع و الالنتر مسوقتهاش ف مقدرش احكم علي صوت الموتور بتاعها

[M7amD_7amDy]

طبعا نورمال وزواوى جابولك من الأخر :)

بس انا هقولك برده واهو زيادة الخير خيرين :))

انا معايا الهاى لاين

بالنسبة لصوت الموتور فهو صوته عالى بطبيعته بس مش مزعج

و مع التسارع الصوت مش هااادى او ناعم لآ هتلاقى فى صوت طالع بس مش مزعج برده عشان السير جنزير مش كاوتش زى الألنترا

انا شايفه صوت عادى ومش بيضايق وطبيعى والعزل بتاعها جيد جدااا ومرضى جدااااا

انا لما بركب الجين 2 بحس فعلا بصوت الماتور لأنه واااااضح جدااا

ومع التسارع عاااااالى وخشن ومسموع بس تقول ايه بقه الحلو مايكملش بس حلوة وإمكانياتها كويسة على قد فلوسها :)

لما أرجع أركب السيراتو أحس إنى راكب عربية من غير صوت , طبعا عشان الجين 2 صوتها عاااالى

بس متقلقش ومتخافش صوتها عادى وطبيعى مش قلق يعنى ومبروك مقدما