طلب مساعدة؟؟

[Tarek Gen 2]

انا عربيتى كيا سيراتو 2010 خليجى
عملت 4800 كيلو
عايز اعمل صيانة ال 5000
هل ينفع اعملها فى التوكيل ولا لا و لو اه هتفرق فى السعر ؟؟
و لو اعملها برة حد يعرف مكان كويس اتعامل معاه علطول؟؟
و ايه اللى بيتغير فى صيانة ال5000
ولو هروح التوكيل لازم احجز بالتليفون ولا اروح علطول عادى و اسبقية الحضور
و لو فالتوكيل ينفع اقوله يعمل الصيانة دى عادى بدون بند تغير الزيت عشان صاحبى عنده محل اغير عنده ببلاش بقى
ولا لازم الصيانه كلها عندهم و بكام صيانة ال5000 لية كعربية خليجى

[amr mokhtar]

صيانة ال5000 كيلو مفيش فيها اى تغيير او قطع غيار
كل الحكاية بيعملوا فحص للفرامل و العفشة و الموتور و لو فيه عندك مشكلة بيبصوا عليها
و المفروض إنها مجانية

بالنسبة للإستفسارات بتاعة الخليجى فأنا معنديش فكرة

بس هل حضرتك عملت صيانة ال1000 و غيرت الزيت؟؟

[alzwawy]

صيانه ال 5000 مش بيتعمل فيها حاجه لا تغير زيت ولا تغير اي قطع غيار هي تربيط علي العفشه و لو بتشتكي من حاجه و قياس السوائل و كده
بس في حاجه انت متعرفهاش انت خليجي مش هيدخلوك الوكيل علشان تعمل صيانه

[Samir_Adel]

خليجي للأسف, التوكيل مانع صيانة الخليجي منعا باتا!
بالنسبة لصيانة ال 5000 كيلو بتكون تربيط عفشة و تنظيف التيل و صنفرتة و رجلاش الفرامل الخلفية و عمل فحص علي جميع السوائل الموجودة في العربية و تنظيف فلتر الهواء و عمل اللازم عموما يعني بس هي مش صيانة رسمية هي صيانة دورية بس اللي هي كل 5000 كيلو. بس كل 10,000 كيلو بتكون صيانة رئيسية و مهمة.. و اللينك دة هيفيدك في موضوع الصيانة برة التوكيل للعربيات الخليجي.

http://www.nilemotors.net/Nile/140086-a.html

[د.محمود صلاح]

هو موضوع الخليجي لسه ما اتحلش ؟

[Tarek Gen 2]

الف شكر يا رجالة انا هاشوف مركز امير و جوزيف ده سمعت عنه انه كويس
بس هو حد عارف مكانه بالظبط ؟؟؟

[Samir_Adel]

بس هو حد عارف مكانه بالظبط ؟؟؟

مكانة في مدينة نصر.. شارع ابو داود الظاهري متفرع من مكرم عبيد.

[mohamed_7amo]

مفيش حاجة اسمها انت خليجة ومينفعش تدخل التوكيل لاء انتا خليجى وهتدخل التوكيل بس المصنعية والاسعار هتزيد 30% هو ده الى اقدر افيدك فية

[alzwawy]

مفيش حاجة اسمها انت خليجة ومينفعش تدخل التوكيل لاء انتا خليجى وهتدخل التوكيل بس المصنعية والاسعار هتزيد 30% هو ده الى اقدر افيدك فية

لا يا باشا مش هيدخل الصيانه علشان خليجي مفيش 30 % ده كان زمان دلوقتي الخليجي ممنوع صيانه

[Tarek Gen 2]

لا يا باشا مش هيدخل الصيانه علشان خليجي مفيش 30 % ده كان زمان دلوقتي الخليجي ممنوع صيانه

يا باشا واحنا مش عايزين منهم حاجة احنا كمان
يغرقوا فى داهية
وشكرا ليك يا جميل و للاخ اللى قاللى العنوان

[alzwawy]

انا بس كنت بوضحلو
وبعدين شكر علي ايه يا باشا احنا اخوات و ده واجبنا تجاه بعض

[mohamed_7amo]

يانهر ابيض الخليجى مش هيدخل دول بيسهبلو