هل السيارات الكوري تعتبر معمرة .... برجاء المساعدة

[karemof]

بقالي فترة كبيرة بفكر أغير عربيتي و بفكر جديا في السيراتو أو الكارينز, لكن هل تعتبر السيارات الكوري وخصوصا الكيا سيارات معمرة, طبعا مش قصدي انها تعيش 20 أو 30 سنة زي العربيات القديمة ده خلاص ما بقاش موجود.
لكن أكيد الواحد بيكون عنده التزامات تانية في الحياة, ممكن يكون صعب الواحد يغير عربيته كل سنتين أو تلاتة, يبقى أكيد المفروض العربية تعيش على الأقل من 5 ل 6 سنين انشاء الله قبل لما أضطر أغيرها, بالبلدي كدة قبل لما العربية تفتح بقها
كنت عايز من حضراتكو و خصوصا اللي جرب العربيات الكوري من زمان أنه يفيدني برأيه ولكم جزيل الشكر.

[karemof]

أرجو من الادارة غلق أو حذف هذه النسخة من الموضوع حيث حدث اضافة لنسختين من نفس الموضوع عن طريق الخطأ

[HSultan]

الدليل هو سيارات البوني (هيونداي) التاكسي إلي في الشوارع من سبعينيات القرن الماضي
وأنا بعت ڤيرنا مو ٢٠٠٣ السنة دى ٢٠١٠ ومنقدرش نقول إنها كانت فتحت بقها

[hugan]

الدليل هو سيارات البوني (هيونداي) التاكسي إلي في الشوارع من سبعينيات القرن الماضي
وأنا بعت ڤيرنا مو ٢٠٠٣ السنة دى ٢٠١٠ ومنقدرش نقول إنها كانت فتحت بقها

الواحد زهق من الموضوع ده كوري صيني ماليزي ياباني اوروبي اي عربيه في الدنيا استعمال محترم صيانه جيده ها تعيش انما لو معاك عربيه مدرعه اهملتها ها تفيص علي طول الا نوس قاربت علي 15 سنه وشغاله وبيعها زي الصاروخ النغمه دي غريبه فعلا وكل واحد دفع 15000 او 20000 في عربيه يقنع نفسه انها هاتغيش مدي الحياه واي عربيه تانيه اخرها 5 سنين والا تنين في اول حادثه شديده لا قدر الله مع السلامه العربيات اي كان نوعها غير زمان غير ال24 1300 ال28 كلها تقريبا زي بعض الصيانه والمحافظه تعمر وتعيش ومع ذللك العربيات القديمه لسه عايشه مع انها كانت اقل في الجوده والتكنولجيا

[mohamedwahid]

الواحد زهق من الموضوع ده كوري صيني ماليزي ياباني اوروبي اي عربيه في الدنيا استعمال محترم صيانه جيده ها تعيش انما لو معاك عربيه مدرعه اهملتها ها تفيص علي طول الا نوس قاربت علي 15 سنه وشغاله وبيعها زي الصاروخ النغمه دي غريبه فعلا وكل واحد دفع 15000 او 20000 في عربيه يقنع نفسه انها هاتغيش مدي الحياه واي عربيه تانيه اخرها 5 سنين والا تنين في اول حادثه شديده لا قدر الله مع السلامه العربيات اي كان نوعها غير زمان غير ال24 1300 ال28 كلها تقريبا زي بعض الصيانه والمحافظه تعمر وتعيش ومع ذللك العربيات القديمه لسه عايشه مع انها كانت اقل في الجوده والتكنولجيا

خير الكلام ما قل ودل عندك حق فى كلامك