مميزات وعيوب كيا ريو 2010

[just_meroo]

انا ملاحظ ان مافيش حد فى المنتدى بيتكلم عن الكيا ريو 2010 مانيوال او اوتوماتيك...ياترى العربيه وحشه للدرجادى ولا ايه السبب...عاوزين نعرف راى الاعضاء فى العربيه بموضوعيه...ياترى ايه رايكم فى العربيه مانيوال واتوماتيك وايه سبب عدم انتشارها فى مصر رغم ان المفروض ان كيا فى الفتره الاخيره مكتسحه السوق وياترى العربيه فيها عيوب ولا قطع الغيار غاليه ولا مش موجوده....انا عاوز اعرف رايكم وياريت لو حد اشتراها وجربها ويقولنا رايه فيها ايه.

[just_meroo]

مش معقول مافيش حد معندوش معلومات عن كيا ريو....فين الردود يا جماعه؟

[M.ABDEEN]

المشكلة من ايام زمان وهي ان التوكيل كان وحش وكمان ان سعر الريو كان عالي شوية والفرق بينها وبين السيراتو للشكل القديم كان مبلغ مش كبير بالاضافة انه التعديل في شكلها خلال الموديلات السابقة مجذبش الناس ......لكن اعتقد ان السبب هو كما ذكرت انه سعرها عالي ومبالغ فيه لكن عموما هي عربية محترمة وناس كتير شايفة وانا منهم انها احسن من اختها النيو اكسنت

[احمد عزت]

ياعم متزعلش نفسك اوى كدة

كل اللى اعرفو انها نسخة طبق الاصل من اختها الاكسنت اللى معايا مع اختلاف جودة التقفيل والخامات بمعنى
1:شكل التابلو فى الاكسنت احلى لكن الجودة فى الريو
2:نفس الموتور
3:العفشة انشف فى الاكسنت وتستحمل اكتر
4:العفشة انعم فر اليو ومريحة اكتر
5:الشكل ازواق والالوان بتفرق يعنى الفيرانى بتاعى والفضى بحسو اجمل فى الاكسنت باقى الالوان فيها وحشة
6:الذهبى والاحمر فى الريو تحفة
7:الضمان والتوكيل لصالح الكيا
8:قطع الغيار متقاربة اكيد
10:اعادة البيع لصالح الاكسنت اكتر
11:الوسع الداخلى واحد نفس الشاسية
12:الاكسنت موديلين مانيوال ب 78 واوتو 84 والاتنين 1600 الكماليات :
زجاج سنتر تكيف باور كاسيت سى دى ومفيش ايرباج ولا مرايات كهربا
13:الريو مانيوال 1400 ب 78 واوتو 1600 ب 87 ودة يزيد عن الاكسنت
بالمرايات الكهربا والفوجات واشارات بالمرايا .......

وفى النهاية لو عجباك اشتريها انا احيانا بحس انها افضل من الاكسنت بتاعتى بالذات لما بشوف اخواتى الاكسنتاوية بتتنطط عربياتهم على المحور من العفشة الرياضية اللى بلونا بيها دة

وسيبك انت اجمل حاجة الضمان والتوكيل والمعامل اركبها 5 سنين الضمان وبيع

[Hosam_Optrawy]

انا جربت الريو 1600 اوتوماتيك لمسافه صغيره وكانت لسه زيرو مكملتش 100 كيلو فعشان كدا مش هاقدر احكم عليها حكم كلى

لكنها لا تقل عن الأكسنت فى شئ ان زادت

وايه سبب عدم انتشارها فى مصر رغم ان المفروض ان كيا فى الفتره الاخيره مكتسحه السوق

العربيه فضلت 3 او 4 سنين بتنزل بموتور 1400 ودا مش مستحب للمستهلك المصرى + التوكيل جت عليه فتره واهتز وكان فيه مشاكل وقضايا لكن بعد ما نصير الله يرحمه مسك والسيراتو نزلت المبيعات انتعشت لكن الريو مباعتش برضه بسبب الموتور زى ماقولت وبسبب سعرها المبالغ فيه بعض الشئ + وجود منافس قوى جدا وأرخص وليه اسم فى السوق وهو النيو أكسنت

لكن العربيه ممتازه من وجهة نظرى ولا يعيبها سوى عدم وجود مرايات كهربا

وبرضه كان المفروض تنزل بريموت وانذار وكاوتش أعرض شويه

[ahmedezar]

طيب يا جماعة مفيش تقرير مصور أو أخبار تانيه
أنا حاسس أنها عربية كويسة وبفكر فيها بس مش قادر أخد قرار عشان المعلومات مش كفايه

[mtradwan]

لوسمحتم انا عايز حد يفيدنى فى المقارنة بين السيارات هذه:
1) كيا ريو مانيوال او اتوماتيك
2) نيواكسنت
3) شيفروليه اوبترا
4) رينو سيمبول
5) بريليانس frv
وشكرا ... ياريت حد يرد عليا بسرعة علشان عايز انزل اشترى عربية منهم ... ياريت ضرورى السبب ، وجزاكم خير الجزاء

[mtradwan]

ايه يا رجالة مفيش حد عايز يفيدنى ... الموضوع مهم

[wael2518]

الريو 2010

الريو عربيه محترمه قوى اشترى ال 2010 اوتوماتيك 1600
وربنا يكرمك

[wael2518]

انا كنت بفاضل بيناه وبين الاكسنت اخترت الريو للاسباب التاليه:
- التقفيل ممتاز انا شايفه احسن من السيراتو "يارب الناس بتوع السيراتو ميزعلوش منى"
- التوكيل طبعا احسن من غبور.
- الضمان خمس سنين او 100000 كم انما فى الاكسنت 3 سنين او 60000 كم.
- الريو كورى 100 فى ال 100
- الريو فيها مرايات كهربا انما الاكسنت لا.
- شكل الريو اشيك من الاكسنت."وجهات نظر"
- وطبعا استخرت ربنا وربنا وجهنى لل ريو

[just_meroo]

انا فعلا بحس ان الريو عربيه محترمه والتقفيل ممتاز.. بس عاوزين تقرير عن تجربه فى السحب والجرى والمطبات واستهلاك البنزين

[devilishtigers]

كل اللى اعرفو انها نسخة طبق الاصل من اختها الاكسنت اللى معايا مع اختلاف جودة التقفيل والخامات بمعنى
1:شكل التابلو فى الاكسنت احلى لكن الجودة فى الريو
2:نفس الموتور
3:العفشة انشف فى الاكسنت وتستحمل اكتر
4:العفشة انعم فر اليو ومريحة اكتر
5:الشكل ازواق والالوان بتفرق يعنى الفيرانى بتاعى والفضى بحسو اجمل فى الاكسنت باقى الالوان فيها وحشة
6:الذهبى والاحمر فى الريو تحفة
7:الضمان والتوكيل لصالح الكيا
8:قطع الغيار متقاربة اكيد
10:اعادة البيع لصالح الاكسنت اكتر
11:الوسع الداخلى واحد نفس الشاسية
12:الاكسنت موديلين مانيوال ب 78 واوتو 84 والاتنين 1600 الكماليات :
زجاج سنتر تكيف باور كاسيت سى دى ومفيش ايرباج ولا مرايات كهربا
13:الريو مانيوال 1400 ب 78 واوتو 1600 ب 87 ودة يزيد عن الاكسنت
بالمرايات الكهربا والفوجات واشارات بالمرايا .......

وفى النهاية لو عجباك اشتريها انا احيانا بحس انها افضل من الاكسنت بتاعتى بالذات لما بشوف اخواتى الاكسنتاوية بتتنطط عربياتهم على المحور من العفشة الرياضية اللى بلونا بيها دة

وسيبك انت اجمل حاجة الضمان والتوكيل والمعامل اركبها 5 سنين الضمان وبيع

بجد كلام تشكر عليه جدا ومحايد لأقصى درجة وانا فعلا بحب الريو اكتر خصوصا شكلا وتوكيل

[mtradwan]

الريو عربيه محترمه قوى اشترى ال 2010 اوتوماتيك 1600
وربنا يكرمك

على فكرة انا مش بحب الاوتوماتيك ... لكن هل المانيوال وحشة ... وشكرا

[mtradwan]

مفيش حد عايز يفيدنى تانى عن احسن عربية اشتريها من بين الخمس عربيات السابقين.... وشكرا

[Ahmed Galal]

توكل على الله و هات الريو عربية كويسة و المانيوال كويس ما فيهوش حاجة