عفشة السيراتو

[popoooo]

يا جماعه ايه موضوع العفشه اللى بتدب فى السيراتو عرفونى علشان عايز اشتريها افادكم الله

[NoRmAl]

مع وجود التعليق الخلفى المتصل
والمساعدين الغاز
والجنط ال17 مع الكاوتش اللو بروفيل
العربيه بتدب فى النقر لو خدتها بسرعه
المشكله بتقل مع الجنط ال16 وكذلك تقل أكتر مع ال15
أيضا تظبيط الهوا ووضع نيرتروجين بيقلل من الدبدبه لكن لا يمكن تلاشيها تماما
على الجانب الاخر لنفس الاسباب العربيه ثباتها ممتاز
لو هتشترى العربيه يستحسن تأجرها وتجربها
أو تعملها تست درايف وتحكم بنفسك
ربنا معاك

[popoooo]

ليه بتبخلو على بالرد يا رجاله ارجوكو ساعدونى انا محتار بين السيراتو والانترا

[ابو ليلى]

استاذى الفاضل اولا واخيرا الاختيار لك فى النهاية ولكن فى موضوعات كتير جدا فيها كل ما يخص السيراتو ولكن محتاجه منك انك تقراها فى الاقسام المثبتة فى اول الصفحة يعنى مثلا ده لينك ممكن تتطلع عليه http://www.nilemotors.net/Nile/22740-a.html

ولكن لكى تكون المقارنة نجاحة اكتر من الافضل انك تسال فى قسم المقارنات حتى يكون الراى محايد
اما بخصوص العفشة الاستاذ نورمال اجابك على كل التفاصيل ومعتقدش هتلاقى بعديه اضافه من اى عضو واعضاء كيا سيراتو فى خدمتك فى اى سؤال بس عذرا ممنوع تكرار المواضيع حتى نحافظ على شكل القسم ولك التحية

[alzwawy]

العفشه مش ناشفه ولا حاجه هي بس وانت بتاخد نقره لو بتجري اكيد هتدبدب و هتحس بيها بس لو مشيت بيها براحه علي النقره مش هتحس بحاجه خالص هي دي كل الحكايه و كل القصه ومتستناش حد تاني يرد انا و نورمال ادينالك الجواب المفيد ونفس الكلام و علي فكره انا الي معايا جنط 17 هاي لاين كل الكماليات يعني محدش هيقولك اكتر من الي اتقال وهاتها و متخافش

[mohamed_7amo]

انا شا يف انك هتحس باى نقرة لو انتا بتجرى لكن لو ختها براحة هتحس بيها برضو بس احساس بسيط الى هو العادى يعنى وده طبيعى بس الجنط الجنط ال 17 عايز معاملة تكون براحة شوية فى النقر والمطبات بس هتحس فى المقابل بثبات رائع