لماذا يتعامل معنا توكيل كيا على اننا متخلفين عقلياّّ

[timtim77]

طب هوا انهو وكيل ف مصر بتنزل تشترى سيارة وتستلم فورى ؟

اما بالنسبة لموضوع انهم مش ادها بجد انتا مش متخيل عدد السيارات الكيا اللى اتباعت خلال السنة

وخلى بالك بردو من نقطة لازم ناخدها ف اعتبارنا وانا عارف ان ملكش زنب

محمد نصير كان راجل انا ف حياتى مشفت بنى ادم زيه

بعد وفاته الله يرحمه الدنيا مبقتش زى مهوا كان موجود طبعا مش لازم توضيح اكتر من كده بس

باختصار المركب ام ريسيين ...؟

بس حاول تفكر من نحيته هوا مش من نحيتك

يعنى فكر لو هوا سلم كل العربيات اللى محجوزه دى هيكسب كام واحد رجع فلوسه

وبعدين غير موضوع الافراج احنا مرتبطين بمورد بيجيب السيارات دى بحصص يعنى هوا بتنتجلى 1000 عربية مثلا كل شهر مواصفات مصرية الزاى اطلب انا منه 5000

اكيد الدنيا مش سهلة كده

انتا لو مضحى بالضمان والمواصفات فيه خليجي ارخص بفارق كبير واككتر ف الكماليات

بس طبعا انتا وخظك ونصيبك

يعنى الواحد لما بيقع ف مشكلة مع الوكيل مش بيعرف ياخد حق منه ولا باطل مبالك بقا معرض
مهما كان شهرته هتروح تقوله ايه

وبعدين لو eit توكيل مش محترم وبيفكر ف الربح بس مكنتش هتلاقى النظام ده ف خدمة ما بعد البيع وتشوف رغم العدد المبالغ فيه من الصيانات للكيا الموجودة الموظين صدرهم شرح

مفيش حد طماع بيفكر ف تحسين خدمة ما بعد البيع باستمرار وكل يوم

هبيع واجرى بقا زى منصور وعز العرب وغيره 0دول ولا فيه صيانة عدلة ولا فيه حاجة اسمها ضمان وخش على اى موضوع يخص توكيلا تاخرى وشوف اللى بيحصل فيهها

اخر نقطة هتكلم فيها انا ممكن اكون بدافع عن كيا بس والله مش علشان انا شغال فيها
بس انا ممكن اكون شايف الموضوع من جانب اخر مظلم غير مرئى

وعمتن انا بردو معاك ف ان ده بردو مش زنبنا بس نعمل ايه لا مفر هذه بلدنا

انا مختلف معاك يا باشا
وشايف ان الخسران الاكبر الوكيل اللى معندوش قدرة على مجارة متطلبات السوق هو طمعان فى المكسب وبيستفيد فى استخدام الفلوس لمده 3 او 4 شهور فقط
وفى الاخر 90% من العربيات الكيا اللى ماشيه فى الشوارع خليجى !!!!! طبعا اذا تابعت حتعرف عربيات الوكيل من الخليجى والقله دائما وكيل
انا شخصيا فكرت فترة انى اجيب الوكيل علشان الضمان وبعد كده غيرت رائى
علشان كان لازم استنى 4_5 شهور على ما الوكيل تجيله عربيات و بعدين انت وحظك فى مساله الالوان تحجز اسود والدفعه مفيهاش اسود تاخد اخضر
طيب لما هو وكيل جامد وقال السنه اللى فاتت انا حخلى الشعب كله يركب كيا ليه مزودتش النسبه بتاعته المطلوبه من الشركه الام!!!!
اذا كانت الشركه ده معاها توكيل زى سبارو عربيه كويسه بس تقيله فى بيعها وشراء فى السوق المصرى كان عامل ايه !!!! يسلم كل 9 شهور
هو معاه توكيل عربيات بايع نفسه ومغرق السوق وهو بيبع بالحجز امتى حيكون عندك بضاعه حاضرة !!!!!!!
علامات استفاهم كتيرة!!!!
وبردوا هو الخسران
كان معايا قبل السيراتو كيا شوما الحاجه الوحيده اللى غيرتها فالضمان كان الاريال الكهرباء
قطع غيار العربيه الاورجينال كانت موجوده وبروح للميكانيكى يغيرها طبعا ده بعد 3 او 4 سنين لما الضمان خلص . على فكرة الشوما كانت خليجى والتوكيل كان بيعها فى مصر.
انا بصراحه فضلت المواصفه الخليجيه علشان معروفه انها مواصفه جيده بتروح لبلاد محترمه.
موضوع الضمان انا جيبت ضمان من شركه ........ سنتين او 40 الف ك ب 1500 ج
كنت بصراحه فكروا اشتغله بس لسه واحد اعرفه كان معاه بيجو خليجى وبعد شهرين حصلت مشكله فى الجير بوكس وقامت شركه الضمان بشراء من التوكيل وتركيبه على حسابهم .
طبعا العربية بتاعتى اشتريتها فى نص ساعه وهى واقفه فى معرض دفعت الفلوس وخدت العربيه ومشيت.
بالنسبه للصيانه ممكن تشوف الرابط ده http://www.nilemotors.net/Nile/139579-1000.html (عملت صيانه 1000 ك)
وهناك مراكز كتير اخرى شغاله فى صيانه الخليجى هى فى الاخر مش حتبقى عربيه اكثر تعقيد من الالمانى مثلا الناس كلها شاريه الجيتا والاوكتافيا خليجى وبيصلحوا عرباتهم وعايشين
الوكلاء بتوع الفولكس و الاوكتافيا شاربين من نفس الكاس بس هما مش زى التوكيل بتاع الكيا اللى مش عايز يجيب عربيات ويبيع

[Ahmed Samy]

انا معاك ان موضوع حجز واستلام بعد 3 شهور دى مملة جداا ومستفزة

بس مع احترامى لكل كلامك شركة زى شركة eit مش شركة لعربيا كيا بس دى شركة من مجوعة شركات ليها اكتر من 30 توكيل عالمى

فالموضوع مش بسيط كده زى مانت شايفه

الموضوع منظم بس للاسف على حسابانا احنا

يعنى ممكن تكون السول دى فعلا موجودة ف المنطقة الحرة بس بس الطلب كبير جداا على العربيات

فلو خصص كل السيولة لتخليص السيارات من المنطقة الحرة يبقا باقى التوكيلات مش هتشتغل

فالعملية متقسمة مثلا ان كل شهر يتم الافراج مثلا على 50 سيراتو و 50 سول و 50 كارنز الخ


يارب تكون فاهمنى

مش من مصلحة التوكيل انه يوجه العملاء نحية الخليجى طبعا ده من اكتر الحجات اللى بتخسره مش بتكسبه

وبعدين انت بتقارن واحد عنده معرض شغال ف عربيات بس بشركة زىeim او eit او الكان لمحمد نصير.


اقولك الفاجعة بقا لو هيا بالسهولة اللى انتا شايفها دى يبقا انا لما اكون شغال ف التوكيل انزل انقى عربية واخدها من غير حجز

انا حجزت واستلمت بعد 65 يوم وعلشان كنت مستعجل على الاستلام اخترت اللون الموجود ف الدفعة اللى خرجت ومكنش محجوز اللون ده لحد فخته وهوا كان الميتال برونز

يارب تكون فهمتنى

اللي حضرتك بتقوله ده ببساطة كده

ماليش فيه

انا ماليش دعوة بالسيولة و لا المجمد و لا 30 ولا الـ50 شركة بتوعه

انا اعرف حاجة و احدة ...هادفع كام ...استلم ايه ...وامتى

اللي يديني احسن صفقة في التلاتة على بعض أشيل منه

انما لو هاتقارن جابر عبد الشهيد بألكان .....جابر برقبتهم

[shiko85]

اللي حضرتك بتقوله ده ببساطة كده

ماليش فيه

انا ماليش دعوة بالسيولة و لا المجمد و لا 30 ولا الـ50 شركة بتوعه

انا اعرف حاجة و احدة ...هادفع كام ...استلم ايه ...وامتى

اللي يديني احسن صفقة في التلاتة على بعض أشيل منه

انما لو هاتقارن جابر عبد الشهيد بألكان .....جابر برقبتهم

والله هو دا الكلام الصح, مشاكله هو حر فيها و مش قد الحاجه سبها

[sherifmrabie]

للأسف الوكيل شركة مصرى بما تعنيه هذه الكلمة!

السيد ahmed1718

حضرتك من الوكيل؟
أصل الكلام اللى بتقوله حضرتك مالوش علاقة بالعميل. العميل له خدمة مقابل السعر أما مسألة السيولة والتخليص الجمركى والكلام ده دى أشياء داخلية الشركة هى المسئولة عنها والعميل ليس له علاقة بها. والإعتماد على سياسة تخويف الناس من الخليجى على أساس إن مافيش ضمان ولا صيانة دى سياسة تدل على الفشل لأن فى الأول والاخر دى عربية كيا وسمعة كيا هى اللى فى المحك والوكيل هيكون هو المتسبب فى إلحاق الضرر بسمعة الشركة. وكمان النهارده فى شركات بتقدم خدمات الضمان والصيانة للخليجى على أفضل ما يكون والدليل على ذلك مبيعات الخليجى فى إزدياد والوكيل هو الخاسر نتيجة إتباع سياسات خاطئة وعدم إحترام العميل.