خدمه بقدمها للاعضاء على مسئوليتى

[Mshawky]

السلام عليكم ورحمه الله
----------------

انا بقترح عليكم فكره واللى حابب يشاركنى فيها انا تحت امره لانى انا عن نفسى هعملها ان شاء الله

انا طبعا ليا بوكس فى امريكا خاص بيا وبجيب عليه طرود وحاجات من مواقع ومحلات داخل امريكا مفيش مشكله خالص
ففكرت ان فى مواقع كتير جدا ورسميه بتبيع اكسسوارات للعروسه بتاعتنا برخص التراب وفى نفس الوقت حاجه اوريجنال ونضيفه جدا زى مانتو عارفين

فعندنا مثلا مواقع كتير زى امازن واى باى وغيرهم بيبعوا حاجات كتير جدا جميله اوى وممكن متلاقيهاش فى مصر خالص

فانا بعرض عليكم الى حابب اعمله اوردر لاى حاجه من بره ولكن فى حدود الاكسسوارات بس طبعا مش هجيب قطع غيار والكلام ده انا تحت امره ولكن بشرط بسيط بس
هو ان كلنا نجمع طلباتنا علشان نستفاد بسعر الشحن والوزن لاكبر كميه لان الاكسسوارات زى مانتو عارفين خفيفه
وبالمناسبه انا بصيت على اسعار الزينون اللالمانى بره مصر فى المواقع الامريكيه لقيته بعد ضريبه المبيعات المصريه كمان ب 600 جنيه h7

وانا بكره هقولكم على باقى التفاصيل الخاصه بالجمارك والصريبه علشان نكون ماشين صح وعارفين الحاجه هتقف على كل واحد بكام ولو حتى الحاجه جبناها بسعرها هنا انت الكسبان برضه فى الاخر كواليتى وحاجه نضيفه وشيك فى نفس الوقت

مستنى ردودكم واقتراحتكم وانا تحت امركم فى اى شيىء

المهندس \محمد شوقى

[Mshawky]

وديه مواقع جمعتها على اد ماقدرت موقتا تشوفو منها اللى يعجبكو وكل واحد عايز حاجه يحط اللنك بتاعها

Korean Store
Amazon Store
AutoLamps store
Ebay Store
KIA Accessories Store global

[Ahmed Nouh]

خدمه اكتر من رائعه منك , ربنا يقدرك على فعل الخير

[MOSTAFABASAL]

تسلم و ربنا يديم بينا المعروف

[M7amD_7amDy]

ايه الحلاوة دى ياشوقى باشا :)))))

انت برنس والله وربنا يباركلك على المساعدة الجامدة دى

انا معاك طبعا وهشوف كده واتفرج واللى هيعجبنى هقولك عليه

أخييييييييييييرا ممكن نخلى البرنسيسة زى أختها بتاعت بره وندلعها :)))

[Mshawky]

يارجاله انا تحت امركم وانا بجبها باقل الاسعار لانى مبعملش شحن دولى من الموقع انا ببعتها على البوكس بتاعى فى امريكا عنوانى هناك يعنى وبجبها براحتى هنا كوزن فقط فعلشان كده هتلاقى الاسعار ان شاء الله جامده جدا وهتتمتعو بشويه حركات اخر حلاوه

[vodanet]

حضرتك ازاى تقدر تشترى من ايه باى معظم التجار بيستخدموا باى بال وده ممنوع فى مصر

[Mshawky]

حضرتك ازاى تقدر تشترى من ايه باى معظم التجار بيستخدموا باى بال وده ممنوع فى مصر

مش كل المعاملات بتتم عن طريق الباى بال فى معاملات تحويل بنكيه ومعاملات فيزا ومستر كارد وده كله متوقف على التاجر اللى عارض وكلن لو السلعه ديه سعرها كويس ومحتاجينها ضرورى وهو عايز الدفع بالى بال انا بتصرف وبزبطها لكن احنا غالبا فى موضوعنا ده مش هنعتمد على الحاجات المستعمله لانها فى الاخر اكسسوارت ومش غاليه للدرحه الى تخلينى اشترى مستعمل

وتحت امرك فى اى استفسار ولو عايز حاجه من اى بى اجبهالك عادى

[mohamedwahid]

ربنا يقدرك على فعل الخير

[magdy1963]

هى دى الرجالة ولا بلاش ربنا يجعلة فى ميزان حسناتك

[NoRmAl]

ربنا يكرمك يا باشا ويقدرك على فعل الخير
بس مفكرتشفى التركيب
الحاجات الى برا كويسه جدا لكن بردو معندناش هنا الناس الى تعرف تركبها
طبعا مش كل الحاجات
لكن الحاجات الى تستاهل معقده على الناس هنا

[Mshawky]

تحت امركم ياجماعه احنا كلنا اخوات مفبش فرق بينا

والى عايز يلا يبتدى يدور فى المواقع المعروفه ونجهز الاوردر بتاعنا ان شاء الله

[otefa]

فكرة حلوة.....بس خلي بالك من ريسك الشرا بدون ضمانات من الباي بال....لأن فيه عمليات نصب كتيرة بتحصل من بعض التجار علي المواقع الالكترونية.......سواء بعدم ارسال السلعة او ارسالها مش شغالة او بمواصفات غير الي كاتبينها.

[Mshawky]

فكرة حلوة.....بس خلي بالك من ريسك الشرا بدون ضمانات من الباي بال....لأن فيه عمليات نصب كتيرة بتحصل من بعض التجار علي المواقع الالكترونية.......سواء بعدم ارسال السلعة او ارسالها مش شغالة او بمواصفات غير الي كاتبينها.

احنا ان شاء الله اعتمادنا كله على المواقع الرسميه المضمونه فى البيع والشراء الاى باى ده من ضمن الاختيارات لكن مش اساسى وانا رافض اشترى حاجه اونلاين متسعمله لومكنتش جديده مش هعملهااوردر طبعا ولا الموضوع مستاهل الباى بال خالص

[otefa]

احنا ان شاء الله اعتمادنا كله على المواقع الرسميه المضمونه فى البيع والشراء الاى باى ده من ضمن الاختيارات لكن مش اساسى وانا رافض اشترى حاجه اونلاين متسعمله لومكنتش جديده مش هعملهااوردر طبعا ولا الموضوع مستاهل الباى بال خالص

يعني افهم من كدة ان وصول الحاجة هاتبقي علي ضمانتك والريسك كله عليك صح يعني هاتبقي زي الباي بال للمنتدي