مشكلة فى استهلاك الوقود للنيو سيراتو

[sam_y]

مساء او صباح الخير
الى جميع السادة السيراتوية او غير السيراتوية اصحاب الخبرة
عندى مشكلة فى استهلاك البنزين وعايز اعرف هل هذا شىء طبيعى ولا لا ؟
عربيتى استهلاكها فى 20 لتر - 160 كيلو الكلام دة داخل المدينة ( القاهرة )
مع ان كل شىء ماشاء الله زى الفل وطبعا هى لسة جديدة كل اللى ماشياة 700 كيلو فقط
يعنى لسة ماكملتش ال 1000 علشان اعمل صيانة وهى خليجى !!!!
ارجوكوم اللى قابلتة حاجة زى دى يعرفنى لاننى سمعت فى المنتدى ان الاستهلاك فى المدينة
حوالى 200 كيلو لكل 20 لتر - اية دة بسم الله ماشاء الله وايه الله ممكن يكون عندى
مع انى لسة ماشغلتش المكيف ابدا وسواقتى عادية جدا وكما علشان لسة فى التلييين
ارجوكم - الرد - اخوكم Sam_Y

[PoweRPassioN]

متقلقش
اي عربيه مينفعش تحكم على استهلاكها غير بعد 2000 - 3000 كم
وهي المفروض بتتزبط
ممكن علشان تبقى مطمن كمان تتأكد ف صيانه الالف

[morasystem]

طبيعى جدا .... داخل المدينة متوسط الاستهلاك على الأقل 10 و نص فى ال100 كيلو .... لو زحمة أوى بقى زى ايام الاربعاء و الخميس و حضرتك مش بتمشى بسرعة أو بتمشى فى طرق بطيئة هتلاقيها 12 لتر فى ال100 كيلو

يعنى مثلا هنفترض حضرتك أخدت كوبرى اكتوبر و بعد كدة المحور لأخره و الطريق سالك و عملت 60 كيلو هتلاقى متوسط الاستهلاك قول مثلا 9 لتر \ 100كم إنما لو الطريق واقف ممكن يبقى 10 لتر \100كم

احنا معندناش هنا فى اكتوبر اشارات ولا زحمة ولا حاحة و بتبقى 10 و نص ... و لما بمشى كتير فى القاهرة بتبقى 11 و بتقل كل ما تمشى على سرعات أعلى لمسافات طويلة

[adelahmed007]

استهلاك البنزين كده عادى جدا فى اول 2000 كيلو وممكن يزيد عن كده كمان .. المهم بعد ال2000 كيلو تعرف استهلاكها كام وعلى فكره كل العربيات كده ف مرحله التليين

[Ahmed Samy]

هي كده في الأول

ممكن تلاقي الاستهلاك 10-11 لتر لكل 100 كم

وبعدبن تظبط

عربيتي دلوقتي بتعمل على الطريق 6.9 لتر لكل 100 كم
باروح مصر و أرجع من المنصورة بصفيحة تقريبا (المشوار بس طبعا)

[sam_y]

[QUOTE=sam_y;3872628425]



اخوانى اصحاب الردود الجميلة والمطمئنة اصحاب المعالى والبكوات

Ahmed Samy

adelahmed007
morasystem
PoweRPassioN
مش عارف اقول اية ربنا يبارك لى فيكم كلكم ريحتو قلبى بردودكم الحبوبة الدالة على كرمكم
ربنا يجعلكم زخرا للمنتدى ومصرنا الحبيبة

اخوكم SAM_Y