سخونه

[aminibrahim]

يا جماعه في سخونه بتبقي طالعه من الكبوت بتاع السيراطو ولا اجدع فرن

لان الكبوت بيبقي نار شمال ويمين والتكييف شغال بحس بالصهد لما افتح الباب وانزل هل ده عادي ؟عداد الحراره لمبه والميه مظبوطه

[morasystem]

عادى يا باشا خصوصا فى أيام حر زى دى ... المهم بس لما تييجى تشغل التكيييف ابقى افتح الإزاز الأول و خرج الهوا السخن علشان ده بيعمل حمل على التكييف

[aminibrahim]

دا احنا عندنا ف اسوان الحراره 45اطلع ايه والا ايه

[dr.amr]

دا احنا عندنا ف اسوان الحراره 45اطلع ايه والا ايه

يا نهار ابيض

الله يكون في عونكوا

ده احنا انهارده 36 وشويه وهنعيط من الحر

ده احنا في تعمه علي كده

بس حاول تبص علي المياه كل شويه

علشان الحر

[M!SHO]

متهيألى معظم العربيات كده وانا كمان بحس بالصهد فى أيام الحر وربنا يكون فى عونك فى السونه دى ...

[ghazy12]

لو الحراره من الجانبين... ده طبيعي جداا حتى لو في الشتاء على فكره

لكن مش المفروض لو واقف في ظل مثلا, يكون في حراره في نصف الكابوت او من فوق عموما
لأن في عزل حراري يمنع الحراره من الداخل الى الخارج, و العكس...

غير كده طبيعي و ماتقلقش طول ما مؤشر الحراره مظبوط و المياه تمام...

تقبل تحياتي...