أنا ضيف جديد عندكم ولجأت ليكم بعد حيره من أمري

[syr_eyes]

السلام عليكم ورحمة الله
أرجو من حضراتكم افادتي
انا فعلا محتار بين الكيا ريو 2010 وبين النيو اكسنت وتقريبا سعرهم متقارب جدا
وفعلا مش عارف الاختيار
بارك الله فيكم

[medo_sirion]

ياراجل دة كفايا شكل النيو اكسنت بجد حاجة فظيعة الشكل

[flawerblue]

شكل الاكسنت الجديد روعة ولكن ضمان لك الكيا ريو2010 لان المحرك فيها جديد نوع ما وقد ازداد عدد الاحصنة وعلى العموم الريو فيها تغيير للشكل ويبقى الاختيار لك ياصديقي

[M.ABDEEN]

ريو افضل كتوكيل وتقفيل وصالون اوسع نسبيا

[د.محمود صلاح]

لعلمكم syr_eyes ده اخويا المهندس عبدالله / مهندس كيميائي بشركة اسمنت بالمنيا

وشرحت له كل حاجة

وحابب يسمع منكم

ازيك يا عبدالله

لعلمك يا عبدالله الموضوع ده تحطه في قسم المقارنات لأنك لو حطيته في كيا هيقولوا كيا ولو حطيته في قسم هيونداي هيقولوا هيونداي وكلهم على حق لأن للحقيقة اكثر من وجه ..


من رأيي يا عبدالله 128 هي اللي تنفع في مصر ومطباتها


,, وأخيراً انضميت لنايل موتورز !!

[syr_eyes]

السلام عليكم ورحمة الله وبركاته
أولا وقبل أي شيء أشكركم على الافادة وفعلا شرف عظيم اني انضم الى منتديات وأصدقاء نايل موتورز ..

بالنسبة لي فانا مايل على الكيا لاسباب كثيره تتعلق باصدقاء ليا معاهم النيو اكسنت وبعض المشاكل الي بيعانو منها وتتلخص كالاتي

1- العفشة ناشفة
2- خفيفة على الطرق السريعة وخصوصا بعد 140
3- معاملة الوكيل ( مراكز الصيانة ) الي كلهم اجمعو انها معاملة لا تليق بسمعتهم بالعكس تماما من سمعة مراكز صيانة كيا

انا بصراحة كان نفسي اسمع مشاكل الريو 2010 بس واضح انها تحت التجارب او ان مشاكلها لم تظهر بعدد

هتوكل على الله وهشتريها باذن الله

واشكرك يا دكتور محمود على تقديمك الرائع
بس للاسف الواحد لازم ينضف شوية من 128 :)

ون شاء الله هنضم لجروب كيا نايل موتورز بس يارب بدون مشاكل :)

[syr_eyes]

ومتنساش يا د / محمود العصفورة الاصيلة يعني انت اكتر حد تشجع اني اشتري كيا
والف سلامة عليك

[د.محمود صلاح]

ومتنساش يا د / محمود العصفورة الاصيلة يعني انت اكتر حد تشجع اني اشتري كيا

الكيا برايد 97 جلست معي 7 سنوات بدون مشاكل نهائي .... فقط غيرت كوبلن واحد قبل بيعها بشهر ..

خلاص طالما ميال ليها فتوكل على الله ..آدي لنك فيه آخر الاخبار عنها والأسعار

http://www.nilemotors.net/Nile/148702-2010.html

[د.محمود صلاح]

والف سلامة عليك

الله يسلمك ,,,,

لأني عملت عملية جراحية دقيقة في الرقبة منذ 3 أيام والحمد لله تمت بفضل الله بمضاعفات بسيطة والحمد لله على كل شيء

[elassar2010]

كيا افضل فى كل حاجة واهم حاجة التوكيل
حضرتك ادخل قسم هيونداى هتلاقى مشاكل بالكوم والتوكيل ولا بيعمل اى حاجة وبيطلعم غلطانين

[ابو ليلى]

الله يسلمك ,,,,

لأني عملت عملية جراحية دقيقة في الرقبة منذ 3 أيام والحمد لله تمت بفضل الله بمضاعفات بسيطة والحمد لله على كل شيء

انا اسف لصاحب الموضوع بس مقدرش اشوف جملة زى دى واعديها كده انت متعرفش قدر الدكتور عندنا ايه .

الف مليون سلامة عليك يا دكتور وحمدا لله على سلامتك وتكون بصحة وعافية يارب ....امين

[د.محمود صلاح]

انا اسف لصاحب الموضوع بس مقدرش اشوف جملة زى دى واعديها كده انت متعرفش قدر الدكتور عندنا ايه .

الف مليون سلامة عليك يا دكتور وحمدا لله على سلامتك وتكون بصحة وعافية يارب ....امين

ألف شكر لحضرتك وجزاك الله خير

[ahmedegypt]

حضرتك ممكن توسع اختياراتك يعنى ممكن فى رنج ال 80 الف

عندك اوبترا صنى النترا موديل 2008 مثلا

و دايما اليوزد صفقة رابحة اكتر من الزيرو

[night_phoenix]

كيا افضل فى كل حاجة واهم حاجة التوكيل
حضرتك ادخل قسم هيونداى هتلاقى مشاكل بالكوم والتوكيل ولا بيعمل اى حاجة وبيطلعم غلطانين

انا طبعا سيراتاوي ومن قرب سنه كده
انا اكيد برشح الكيا بس اسمحلي اعترض علي جمله السيد الطاهر الباهر اللطيف الوكيل ......


سامحني اصل انا كياوي سيراتاوي خليجي