قراءة العداد مع تغيير الجنط

[elmihy]

في حالة تغيير جنط النيو سيراتو من 17 الى 16 حد يعرف الفرق في قراءة السرعة يتحسب ازاي يعني لو مثلا السرعة في العداد 100 كم/ساعة يكون الفعلي كام وجزاكم الله خيرا.

[ابو ليلى]

اعتقد ان مافيش حاجه هتتغير نفس السرعه وممكن حد من الاعضاء يفدونا اكتر

خش على الموضوع ده يمكن تلاقى اللى حضرتك بدور عليه

http://www.nilemotors.net/Nile/110592-17.html

ياريت تفكر بصوت عالى علشان نعرف انت ليه عاوز تعمل كده ؟؟؟

( وفين التورته والحاجه الساقعه )

[elmihy]

ياريت تفكر بصوت عالى علشان نعرف انت ليه عاوز تعمل كده ؟؟؟
أنا مش عاوز أعمل كده ..أنا خلاص عملت كده
( وفين التورته والحاجه الساقعه )[/QUOTE]
يا باشا عينيا ليك قولي بس فين وإمتى وأنا أنفذ على طول

[Hosam_Optrawy]

الفرق مش هايبقى كبير

العداد بدل ما يقرا 100 هايقرا 99

ياريت تفاصيل اكتر ياباشا انت بدلت الجنط بتاعك بجنط 16 ولا بعت بتاعك وجبت 16 ؟

وجديد ولا مستعمل ؟

[elmihy]

الفرق مش هايبقى كبير

العداد بدل ما يقرا 100 هايقرا 99

ياريت تفاصيل اكتر ياباشا انت بدلت الجنط بتاعك بجنط 16 ولا بعت بتاعك وجبت 16 ؟

وجديد ولا مستعمل ؟

يا باشا انا غيرت الجنط في التوكيل قبل ما أستلم العربية ودفعت بس اوعى تزعل مني 1000 جنيه بالعافية وكانوا مش راضيين كمان حكم القوي بأه لكن ياريت توضحلي كلامك اكتر بخصوص عداد السرعة تقصد حضرتك ان السرعة الفعلية للعربية اللي الرادار حيكشفها مثلا تكون 100 كم/ساعة وتكون ظاهرة عندي 99 كم/ساعة.

[ابو ليلى]

ياريت تفكر بصوت عالى علشان نعرف انت ليه عاوز تعمل كده ؟؟؟
أنا مش عاوز أعمل كده ..أنا خلاص عملت كده
( وفين التورته والحاجه الساقعه )

يا باشا عينيا ليك قولي بس فين وإمتى وأنا أنفذ على طول [/QUOTE]

ابقى ابعت التورتة على الميل وانا هتصرف اما الحاجه الساقعه فبلاش الميل علشان عقبال ما تيجى هتكون وقعت كلها

كده انت عليك حق عرب لانك معانا من فترة والناس اللى هنا ليها حق عليك لاازم تقولنا ايه اللى حصل وليه عملته ونتيجته كانت ايه والخطوات ايه... زى ما فى استفادة من المنتدى لاازم يكون فى افادة برضه افتح موضوع جديد اكون شاكر المنتدى

(ومش شاكر وبس لا كمان سعيد ومسرور واحمد وعلى وووووو)

[heha]

أعتقد إنها مش هتفرق

[MMamdouh]

لو القطر الخارجى للكاوتش واحد فى المقاسين يبقى مفيش فرق فى العداد

اكتب مقاسات الكاوتش اللى على الجنط ال 16 و ال17 و انا اقولك فيه فرق ولا لا

MMamdouh

[Hosam_Optrawy]

يا باشا انا غيرت الجنط في التوكيل قبل ما أستلم العربية ودفعت بس اوعى تزعل مني 1000 جنيه بالعافية وكانوا مش راضيين كمان حكم القوي بأه لكن ياريت توضحلي كلامك اكتر بخصوص عداد السرعة تقصد حضرتك ان السرعة الفعلية للعربية اللي الرادار حيكشفها مثلا تكون 100 كم/ساعة وتكون ظاهرة عندي 99 كم/ساعة.

تصدق زعلتنى :(

بس مازعلتش منك انت زعلت منهم هما

لان انا كان من ضمن خططى لما اجيب سيراتو ان شاء الله

انى اجيب Sx واحاول مع الوكيل اخدها بجنط 16

يقوم يقوللى ادفع ؟ دا المفروض هو اللى يدفع

مش الجنط ال 17 اغلى من ال 16 ولا ايه ؟

عندك فكره سعرهم كام جداد فى التوكيل ؟

وبخصوص فرق السرعه

لما تبقى سرعتك الحقيقه اللى الرادار يكشفها 100 العداد هايبقى قارى 99

لو القطر الخارجى للكاوتش واحد فى المقاسين يبقى مفيش فرق فى العداد

اكتب مقاسات الكاوتش اللى على الجنط ال 16 و ال17 و انا اقولك فيه فرق ولا لا

MMamdouh

المقاسات 215/45/17 و 205/55/16

[MMamdouh]

المقاسات 215/45/17 و 205/55/16

المقاس 205/55/16 حيدى 1 كيلو زيادة فى قراية العداد عن مقاس 215/45/17

MMamdouh

[elmihy]

يا جماعة انا متشكر على الردود وبالنسبة للتفاصيل هي اني اشتريت العربية من معرض محمد زكي اللي في القطامية وهي sx فضي وسألتهم عن مشاكل الجنط ال17 فأكدوا لي فعلا صحة الكلام اللي بيتقال ومضوع البلالين والقصص دي فسألتهم ان كان ممكن اغير الجنط ال17 بجنط 16 فقالولي انه صعب لكن حنحاول وبعدين ردوا عليا انه ممكن بس مقابل 1500 جنيه وحيعملوا واجب معايا ويدفعوني 1000 جنيه وكنت اخدت رأي الأعضاء في المنتدى وكلهم قالولي خسارة لكن انا استخرت وخلصت الموضوع وحاسس ان العربية كويسة معايا لكن انا الحقيقة مجربتش الجنط ال17 علشان اقارن لكن في المجمل العربية كويسه والحمدلله يعني هي لا في نعوميه الياباني ولا نشوفية الألماني حاجة وسط يعني وحاسس ان الثبات بتاعها كويس وكله تمام ودلوقتي اتفضلو التورته والحاجه الساقعه.

[IMG]file:///E:/ELMIHY/nilemotors/car%20cake.jpg[/IMG]

[MMamdouh]

بصراحة دى اسمها سرقة... يعنى انزل من جنط 17 الى 16 و ادفع فلوس كمان؟؟

طيب لو واحد معاه جنط 16 و عايز يركب 17 حيدولة 1000 جنية فرق؟؟؟؟؟؟؟؟؟

MMamdouh