التسخين ... التسخين ... التسخين

[arafahafez]

الاخوة الاعضاء كثر الكلام فى الفترة السابقة عن ... تسخين السيراتو ... وخلاصة الكلام البسيط ... لابد من تسخين السيراتو عند بداية الدوارة فى اى وقت ولمدة لا تزيد عن ثلاث دقائق باى حال من الاحوال بعدها تستطيع التحرك بالسيارة والجرى بها وعمل اى من حركات شباب الايام دى وستجد ان الموتور يستجيب تحت قدمك فى اى موقف صعب مثل التجاوز او عمل الغرز اما فى حالة عدم التسخين فلن تجد الاستجابة المناسبة من الموتور بالاضافة الى زيادة استهلاك البنزين ... اذا التسخين لضمان تمدد اجزاء الموتور المختلفة الى الحدود التصميمية له ولان موتور السيراتو من الالمنيوم فهو لايحتاج الى وقت طويل ... ونصيحة هامة جدا ... بعد وصولك الى المكان المطلوب يجب عدم اغلاق المحرك مباشرة بل يفضل تركه يعمل لمدة دقيقة حتى تهدأ حركة البساتم مما يساعد على طرد حرارة المحرك ... حاجات بسيطة تطيل عمر الموتور وتحافظ عليه فى احسن حالاته .

[macdiv]

طب معندكشي طريقه نقدر نحافظ بيها على البودي من التجريح و اللط اليومي

[د.محمود صلاح]

في الخليج التسخين شيء مهم عندهم لحد 5-10 دقائق كمان ( يمكن عشان مشوايرهم طويلة ) وبيعيبوا عليما احنا المصرييين اننا بندور ونمشي

[macdiv]

في الخليج التسخين شيء مهم عندهم لحد 5-10 دقائق كمان ( يمكن عشان مشوايرهم طويلة ) وبيعيبوا عليما احنا المصرييين اننا بندور ونمشي

لا يا دكتور هما مش بيسخنوا ،،هما بيستنوا لما التكييف يشد و يسقع العربيه و برده بيبقوا مستنيين بقيت العائله لغايه متنزل

[aymanyouness]

الف شكر على المعلومة

[adelahmed007]

الاخوة الاعضاء كثر الكلام فى الفترة السابقة عن ... تسخين السيراتو ... وخلاصة الكلام البسيط ... لابد من تسخين السيراتو عند بداية الدوارة فى اى وقت ولمدة لا تزيد عن ثلاث دقائق باى حال من الاحوال بعدها تستطيع التحرك بالسيارة والجرى بها وعمل اى من حركات شباب الايام دى وستجد ان الموتور يستجيب تحت قدمك فى اى موقف صعب مثل التجاوز او عمل الغرز اما فى حالة عدم التسخين فلن تجد الاستجابة المناسبة من الموتور بالاضافة الى زيادة استهلاك البنزين ... اذا التسخين لضمان تمدد اجزاء الموتور المختلفة الى الحدود التصميمية له ولان موتور السيراتو من الالمنيوم فهو لايحتاج الى وقت طويل ... ونصيحة هامة جدا ... بعد وصولك الى المكان المطلوب يجب عدم اغلاق المحرك مباشرة بل يفضل تركه يعمل لمدة دقيقة حتى تهدأ حركة البساتم مما يساعد على طرد حرارة المحرك ... حاجات بسيطة تطيل عمر الموتور وتحافظ عليه فى احسن حالاته .:ob_mak1[1]::ob_mak1[1]::ob_mak1[1]::b4_611:

كلامك مظبوط 100% وفعلا انا من زمان وانا بعمل كده .. وشكرا على النصيحه

[aymanelshazli]

ازاى يا جماعة الكلام دة؟ لما مكتوب فى كتالوج العربية ان مفيش حاجة اسمها تسخين فى الموديلات الجديدة دى؟

[morasystem]

[أحمد كمال]

التشغيل البطئ لمدد طويلة مش صح عشان بينتج عنه غازات كبريتيه و بخار ماء و اتحادهم بيكون حمض كبريتيك بيسبب تآكل للموتور

الصح هو التسخين حتى 30 ثانية ثم التحرك ببطء بدون قرص (2000 rpm) لحين وصول مؤشر السخونة للمنتصف

[rouaame]

طبعا كلام الكاتلوج أصح من أى كلام تانى

[flawerblue]

ممكن حد بيرسل صور طريقة فتح مصابيح اضاءة لوحة الارقام

[behman]

فعلا موضوع التسخين ده خلاص انتهي في العربيات الجديد كلها تقريبا .... واللي بيعوض كده هو فتح الكونتاكت لمده 10 ثواني تقريبا قبل التشغيل
و زي ماقال اخونا المحترم و طبعا كتر خيره علي الافاده و مساعده الاخر .... موضوع التبطيل علي طول بعد ماتكون ضارب مشوار جامد فعلا مش كويس ... لازم تسيب العربيه دايره شويه

[hhhggg]

الغرض الاساسى من التسخين وصول الزيت لكل جزء من المحرك و ده لا يتطلب اكثر من 15 ثانيه و البدايه بسرعات هادئه لمدة 3 دقائق عندها يكون المحرك وصل الى درجة الحراره المثاليه و طبيعى بعد اى مشوار طويل او حتى مش طويل ترك السياره على السلانسيه بعد غلق المكييف من نصف الى دقيقه واحده و يفضل عدم ادارة السياره الا بعد فتح الكونتاكت 10 ثوانى و الاداره بدون الضخط على بدال البنزين و فى المانيوال يفضل ضغط الدبرياج عند الاداره .

[ahmad--ezzat]

الكلام دة لاى عربيه مش للسيراتو فقط