تقريرى الخاص عن السيراتو مقارنه بباقى سيارات امتلكتها

[Evo]

اعتقد معظم مقارنات العربيات بيكون مبنية من اختبار عربية زيرو ولسه جديده مع بقية الاعضاء يعنى مش حاجة جديدة
زى كدا لما تم تقييم السيراتو هنا من اعضاء المنتدى الكرام استاذ نادر واستاذ احمد وكانت العربية زيرو عاملة 9 كيلو بس وعادى مقولناش حاجة مع انهم مثلا اشادوا بفرامل العربية اللى هى تقريبا كان التيل لسه مطبعش على الطنابير .. فا ياريت ميكونش فى قوانين خاصة لازم تطبق على السيراتو عشان تثبت انها عربية حلوة لانها اثبتت دا بالفعل وشوف حواليك فى الشارع وانا الحمد لله عربيتى دلوقتى داخلة خلاص على 18 الف ولم يتغير شى فيها بل بالعكس اداء العربية ارتفع قليلا وشكرا.

في فرق بين تقييم عربية وعرض مواصفاتها في تقرير أول ماتنزل وفرق بين تقيم الأداء الحقيقي لعربية بعد الإستخدام لفترة كافية وهل استمرت على نفس الكفاءة ولا قلت

مستحيل كفاءة الفرامل هتكون على نفس مستوى أول شهر لان التيل والمكابس اداها بيختلف بعد 20 ألف كيلو وبتكون كفاءة زيت االفرامل ختلفت وده بيفرق من جودة من عربية لعربية تانية !

نظام التعليق أول شهر بيكون قاسي وده بيدي احساس بمستوى ثبات زائف عن الإستخدام بعد 20 ألف كيلو على اقل تقدير مثلا

وقيس على كده باقي اجزاء العربيه

طيب بس تقول بأمانة هل اداء ال 320 اللي معاك زي أول شهر جبتها فيه بلاش السيراتو.علشان ميبقاش هجوم عليها ونعمم الحديث
:

[M.ABDEEN]

الله ينور وشكرا يا باشا

[newdawn]

اولا: العفشة ناشفة علشان العربية لسا جديدة ممكن تتطرى عن كدة كمان
ثانيا: الثبات معقول
ثالثا: الخامات رديئة ..اتفق معاك
رابعا: الفرامل قوية و بتكلبش ...مهي لسا جديدة و ملهاش علاقة بabs لان هذا النظام يعني منع الانغلاق للمكابح اي يمنع التوقف التام للاطارات و بالتالي يمنع الانزلاق و تستمر القدرة على التوجيه و السيطرة على السيارة و لا يعني قوة او ضعف الفرامل
خامسا: التقييم العام ايجابي للسيارة و انتشارها يعطي ميزة اخرى...و شكرا

[M7amD_7amDy]

الف مبروك وربنا يديك خيرها ويكفيك شرها

مع تحفظى على وصفك بالخامات الرديئة

أنا بصراحة مش شايف اى خامات جوة رديئة

بالعكس شايفها جيدة جداا إن مكنتش ممتازة

[NoRmAl]

evo
20 ألف دا رقم كبير أوى أوى أوى
كان ممكن أقتنع بكلامك لما يكون 5000 مثلاً
أنما 20 حته واحده
هاتلى عربيه فى المنتدى لم يتم الحكم عليها إلا بعد 20 ألف...مدورش علشان مش هتلاقى
وبعدين الحكم على العربيه كأداء بيتم فى أى وقت
تتصور لو أنا بقيم عربيات مع مجله ولا جرنال مثلا
وعربيه نازله وقالولى قيمها أقلوهم لأ بس شويه كده تكون عملتلها كام كيلو!!
حتى مع الاعتراف بالتغير الطفيف الحادث مع زياده الكيلومترات إلا أنه زى مقلت "طفيف"
مش ممكن تكون عربيه أول 1000 جباره وبعدين على 20000 تريح
أنت مقتنع بالكلام دا!!!

[noda007]

رابعا : بالنسبه للتكييف اداؤه معقول بس مش بكفاءه الماتريكس
لا كلامك فى الحته دى مش صح تكييف الماتريكس تعباتن تعبان جداااا فى النهار كانك مولع مروحه انا كان معايا ماتريكس 2008 زيرو
والان مع عروستى الكارينز تكييف تلاجه

[adelahmed007]

Sorry بس التقيم المعقول والعادل لاي عربية بيكون بعد 20 ألف كيلو على الاقل مش في أول شهر

دي لو صيني هتكون تحفة وتعجب أي حد !!!

مش شرط انك تحكم على عربيه بعداد الكيلو لأنها بتفرق من استخدام شخص لشخص فمثلا ال20 ألف كيلو دول انا عملتهم بالماتريكس والعربيه كأنها زيرو وواحد تانى عمل 10 ألف كيلو ومع ذلك العربيه حالتها سيئه جدا ...وبعدين ده تقرير مبدأى اومال ال test drive تقول عليه ايه !!! .. وكمان انا بحكم على العربيه من واقع تجاربى مع عربيات ركبتها قبل كده وكانت زيرو برده يعنى المقارنه محدده بفتره زمنيه وهى شهر

[adelahmed007]

رابعا : بالنسبه للتكييف اداؤه معقول بس مش بكفاءه الماتريكس
لا كلامك فى الحته دى مش صح تكييف الماتريكس تعباتن تعبان جداااا فى النهار كانك مولع مروحه انا كان معايا ماتريكس 2008 زيرو
والان مع عروستى الكارينز تكييف تلاجه

بصراحه يا نودا اللى كانت معايا كان تكييفها تلاجه ...ممكن تكون عربيتك حاله خاصه لأنها موديل 2008 يعنى تقفيل تركى ,, او انك كنت بتشغل التكييف والعربيه كانت مركونه ف الشمس وده على فكره بيأثر كتييير على اداء التكييف .. وشكرا

[adelahmed007]

نظام التعليق أول شهر بيكون قاسي وده بيدي احساس بمستوى ثبات زائف عن الإستخدام بعد 20 ألف كيلو على اقل تقدير مثلا

على عكس كلامك تماما .. العفشه لما تلين والمساعدين تدى وتاخد مع المطبات العفشه بتريح والثبات بيبأه اعلى والكلام ده مع اى عربيه زيرو وعن تجربه

[adelahmed007]

ألف مليون مبروك يا زعيم.

الف مبروك ...

مبروك يا باشا ربنا يديك خيرها ويحميك من شرها

الف مبروك يا باشا.

الف مبروك علي العربية

الف مبروك وربنا يحفظهالك من العين واهلا بيك فى عائلة كيداهم

الله ينور وشكرا يا باشا

الله يبارك فيكم جميعا وربنا يدينا خيرها ويكفينا شرها ويبعد عنا العين الوحشه قولوا جميعا آميييييييييييين

[adelahmed007]

الف مبروك وربنا يديك خيرها ويكفيك شرها

مع تحفظى على وصفك بالخامات الرديئة

أنا بصراحة مش شايف اى خامات جوة رديئة

بالعكس شايفها جيدة جداا إن مكنتش ممتازة

الله يبارك فيك يا محمد .. وبالنسبه للخامات الرديئه انا بتكلم عليها مقارنه بأى عربيه تانيه فى نفس فئتها او مقارنه بسعرها .. بصراحه بخلوا عليها اوى فى الموضوع ده ولو شوفت خامات الدايو تقريبا هتلاقيها واحده وخصوصا الكونسول والابواب

[noda007]

بصراحه يا نودا اللى كانت معايا كان تكييفها تلاجه ...ممكن تكون عربيتك حاله خاصه لأنها موديل 2008 يعنى تقفيل تركى ,, او انك كنت بتشغل التكييف والعربيه كانت مركونه ف الشمس وده على فكره بيأثر كتييير على اداء التكييف .. وشكرا

انته عربيتك اكيد كانت كورى لان الناس بتشكر فى الكورى انما بتاعتى كانت تركى

[adelahmed007]

انته عربيتك اكيد كانت كورى لان الناس بتشكر فى الكورى انما بتاعتى كانت تركى

فعلا انا عربيتى كانت كورى ..... المهم ان انت دلوقتى راكب عربيه بسم الله ماشاء الله ربنا يباركلك فيها ويديك خيرها ويكفيك شرها

[adelahmed007]

الف مبروك وكلامك واقعي فعلا

الله يبارك فيك يادكتور .. انا سمعت عنك كل خير فى المنتدى هنا وشوفت ليك تعليقات كتير فادتنى فعلا ف قرار الشراء وانا بشكرك جدا

[yasserelsayad]

على عكس كلامك تماما .. العفشه لما تلين والمساعدين تدى وتاخد مع المطبات العفشه بتريح والثبات بيبأه اعلى والكلام ده مع اى عربيه زيرو وعن تجربه

+1

وزى ما قلت على السيراتو ان بقى فى تحسن فى العربية كمان عن اول شهر كمان البى ام ينطبق عليها نفس الكلام
اول لما البى ام جات وانا راجع من عز العرب جاى احساس ان العربية مش ثابتة لان المساعدين والعفشة كانت لسه متظبتتش كنت حاسس ان العربية بتعوم بعد ال130 140 كدا بس دلوقتى بسم الله ما شاء الله 40 الف والثبات بقى حاجة وهمية والعربية اداءها اتحسن عن اول شهر كتير