الكاريــــــــنز - تركيب الفوج لايتس

[Khaled_Nowaihy]

السلام عليكم ورحمة الله وبركاته
هذه أول تجميعة من مواضيع الكارينز الموجودة فى مجموعة Carens Owners
وسوف نوافيكم بالمواضيع الأخـرى تباعــاً

---

#0022ff

السلام عليكم ورحمة الله وبركاته
تركيب الفوج لايتس فى أبو رواش ب1550 شاملة كل حاجة
بيغيروا كمان دراع النور بوحد فيه زراير الفوجات وأصلى

---

#0022ff

كتير اووووى لية يعنى 1550 واعتقد ان انهم مش زينون كمان

---

#0022ff

علي فكرة أنا هأركبة برة ومش حايتكلف أكثر من 600 جنية إن شاء الله
وسوف أوافيك بالجديد إن شاء الله.

---

#0022ff

اوك يا استاذ احمد محفوظ بس انا عرفت ان تركيبه بره التوكيل يخرج الضفيرة من الضمان

---

#0022ff

خد بالك علشان لازم تغير مفتاح النور ومش هتعرف تجيب الأصلى
الموضوع فيه تفصيل كثير بلاش مخاطرة

---

#0022ff

فى الغالب حا يركبوا مفتاح منفصل للفوجات فى أى مكان فاضى من أماكن ال options اللى ما نزلتش بيها العربية

---

#0022ff

ده لو ركبوا برة
لكن أنا سألت فى التوكيا قالوا لى بيغيروا دراع النور نفسه بواحد أصلى
فكدة طبعا هيكون نضيف جدا
أعتقد دى حاجة شائكة وفيها تفاصيل كثير فأنصح اللى مهتم بالموضوع يعملوا هناك أحسن
سعر قطع الغيار 900+ والباقى مصنعية
كثير بس نضيف

---

#0022ff

ولو انى مقتنع تماماً بوجهة نظرك يا استاذ هشام الا انى متهيأ لى ان دراع النور حايبقى معقد قوى:
هو حالياً فيه:
اشارات (فوق-تحت)
+نور تابلوه (أول سنة)
+نور واطى (تانى سنة)
+نور عالى مستمر (الى الأمام)
+نور عالى متقطع (الى الخلف)
حانزود عليهم كمان الفوجات ؟؟؟ يمكن ده اعتراضى الوحيد
ما رأيكـــــم ؟

---

#0022ff

السلام عليكم
اذا سمحتم لى بالانضمام الى الحوار
انا ركبت الفوجات فى التوكيل فعلا وهما غيروا دراع النور وهو سهل جدا وكمان غيرت الكلاكس وكنت رايح 8 الصبح فمن قدر ربنا انى قابلت الاستاذ خالد مدير المركز وهو راجل محترم جدا وشعلة نشاط فى مكانه وصدره بيتسع لمشاكل العملاء وهو اللى اقترح نوع الكلاكس فى ام تقريبا وبصراحة اتصلوا بيا كمان بعدها بيومان بيطمئنوا ان كث شىء تمام واى تفاصيل اخرى تحتاجهوا تحت امركم

---

#0022ff

غيرت الكلاكس ليه؟
بالنسبه للفوجات, انا لسه كنت سايق سيراتو بتاعت واحد صاحبى و فيها فوجات(العربيه من جوه بالظبط زى الكارنز). الفرق ان دراع النور فيه زى رينج بتلف عشان تنور الفوجات... مش معقدة اوى

---

#0022ff

أكيد طبعا أسهل وأحسن حاجة إنها تبقى فى دراع النور
وهى موجودة فى الكاتلوج لو عايز تشوف شكلها

---

#0022ff

الكلاكس القديم ضعيف جدا بيدينى احساس انى راكب فسبا او توك توك

---

#0022ff

أنا حبيت أنقل لكم هذا الموضوع

http://www.nilemotors.net/Nile/140286-a.html (فوجات الكارينز)

وعلي فكرة المستورد لها هو علي رضا وبيبعها ب 800 جنية

أنا ركبتهم فعلا بالمفتاح الأصلي وطلع لهم وصلات موجودة .
بمجرد ماركبت المفتاح فيه لمبة خضراء نورت في التابلوه كمؤشر لإنارة الشبورة.

---

#0022ff

10-04-2010 06:17 PM
المستورد الاصلي لهذه الكماليات هو علي رضا خلف جنينه مول بمدينة نصر و السعر عنده 625 جنيه لطقم الفوجات و كل ما دفعه تنزل عنده تخلص بعدها بيومين و خلال ايام هيكون موجود الكونسول

---

#0022ff

الحقنا بالكونسول يا باشمهندس والنبى لحسن انا باحس انى حاقع من الكرسى وانا قاعد ومش عارف اودى ايدى اليمين فين !!!!
حضرتك اخذت تليفوناتهم علشان نتابع معاهم أول ما تنزل ؟

---

#0022ff

السلام عليكم انا كنت اخدت رقم تليفون واحد شغال هناك اسمه رمضان و لسه مكلمه انهارده و قالي ان في دفعه تانيه نازله من الفوج لايت الطقم الاصلي الكامل و كمان الكونسول و حاجات تانيه للعربيه كمان خمس ايام و ان شاء الله يكون كلامه صدق ويوفي بوعده و ده رقمه: 0165363255

---

#0022ff