أعمل ايه في معاد صيانة 20000 ؟؟؟

[Tamer86]

سلام يا سيراتوية

معاد صيانة 20000 قرب عندي
و هم في البرنامج بتاع الصيانة كاتبين ان صيانة 20000 تتضمن
(يالاضافة لغيار الزيت و تنضيف المحرك و الشييك العام للكهربة و دارة البنزين و الفرامل)

تبديل البواجي و الكوليات

يا ترى لازم ابدلهم حتى لو لسه ما خلصش عمرهم و لا خليهم أحسن؟؟
أصلهم بتاع العربيه الأصلي اللي بيجو معاها

[ehab_osman]

جدول الصيانة

انت راجل متلزم بجدول الصيانة ........ يبقي التزم بكل حاجة فيه ؟؟؟؟؟؟؟؟؟؟ عايز تخد البوجيهات القديمة خدها خليها معاك ......... بس غيرهم بنوع اصلي ... واصلي فقط فقط فقط

[MOSTAFABASAL]

انت لو هتعمل الصيانه سواء وكيل او خليجي تاكد ان قطع الغيار اصليه و لو القطعه شايف انها كويسه ما تغيرهاش زي تيل الفرامل مثلا لو شايف ان سمكه كويس خليه ما تغيروش اما عن البوجيهات فتغييرها مصلحه للعربيه مش حاجه وحشه

[ابو ليلى]

سلام يا سيراتوية

معاد صيانة 20000 قرب عندي
و هم في البرنامج بتاع الصيانة كاتبين ان صيانة 20000 تتضمن
(يالاضافة لغيار الزيت و تنضيف المحرك و الشييك العام للكهربة و دارة البنزين و الفرامل)

تبديل البواجي و الكوليات

يا ترى لازم ابدلهم حتى لو لسه ما خلصش عمرهم و لا خليهم أحسن؟؟
أصلهم بتاع العربيه الأصلي اللي بيجو معاها

ياجماعه تامر حبيبنا ومراسل السيراتو من سوريا يعنى مش مصر

تامر البوجيهات مش بتتغير دلوقتى لسه قدامك لحد ال 40000 الف انما الكوليات دى بقى مش عارف انت تقصد بيها ايه انا رائى مدبدلش حاجه دلوقتى العربية لسه بتقول يا هادى .

[Tamer86]

ياجماعه تامر حبيبنا ومراسل السيراتو من سوريا يعنى مش مصر

تامر البوجيهات مش بتتغير دلوقتى لسه قدامك لحد ال 40000 الف انما الكوليات دى بقى مش عارف انت تقصد بيها ايه انا رائى مدبدلش حاجه دلوقتى العربية لسه بتقول يا هادى .

على راسي والله حبيب قلبي أبو ليلى

و الله انا حبيت الجو بتاع كيداهم هنا معاكم
و مش قادر غير أتابع اخباركو اول بأول أصل ارتحت معاكم كلكم
و برضو السيراتو غالية عليه بس اتمنى اني ما كونش غلس عليكو أو حاجة(تقيل دم)

تقبلو تحياتي أحلى شباب و أحلى منتدى

الكوليات هنا عندنا معناها الفحمات بتاع الفرام اللي تلقط الديسك معرفش اسمها ايه فمصر بصراحة

مصفاية البنزين اظن كمان صار وقتها مش كده

ايه كمان لازم ؟؟



متشكر قوي للمرور و النصيحة