استفسار

[matrriixx]

انا كنت ناوي اجيب عربية
واستقريت على كيا سيراتو 2010 Lx
بس ناس كتير قالتلى بلاش ال LX علشان ناقصة كماليات كتير
بصراحة اترددت جدا
حبيت اسالكوا
هل فعلا ال Lx ناقصة كتير ؟ ولا الفرق بينها وبين ال Ex عادي

[Amr A.salam]

لأ يا باشا مش عادي خالص

الفرق كبير جداً في الكماليات

وناس كتير معانا اشتروا LX وبعد كدة داخوا علشان يركبوا كماليات أعلى زي الكاسيت الMP3 والفوجات والجنوط وكدة

لو عند حضرتك مقدرة انك تجيب Ex هيبقى أحسن بكتير

وممكن حضرتك تنزل معرض وتركب الاتنين وتقرر

[matrriixx]

ممكن فى ايجاز تقولي ايه الفرق بين ال 2 ؟
+
وبالنسبة لل ex و ال sx الفرق كبير بردو ؟
+
انا سمعت ان ال ex و ال sx مالهمش ريموت
صح ولا غلط ؟
وشكرا على اهتمامك
وفى انتظار ردك

[NoRmAl]

السيراتو : 6 فئات ( مانيوال Lx - اوتوماتيك Lx - اوتوماتيك Ex - اوتوماتيك Sx - أوتوماتيك Sx فتحة سقف - اوتوماتيك Sx هاى لاين )

المانيوال : تكييف - كاوتش 15 ( 195/65 ) - باور - سنتر لوك - 4 زجاج كهربا - مرايات كهربا - سى دى اوديو

السعر : 96 الف

اوتوماتيك Lx : تكييف - كاوتش 15 ( 195/65 ) - باور - سنتر لوك - 4 زجاج كهربا - مرايات كهربا - سى دى اوديو

السعر : 103 الف

اوتوماتيك Ex : تكييف - ايرباج - جنوط سبور 16 ( 205/55 ) - باور - سنتر لوك - 4 زجاج كهربا - مرايات كهربا - ضبط ارتفاع الكرسى - مسند يد امامى وخلفى - حامل اكواب - طى الكنبه الخلفيه - راديو سى دى Mp3 مع فتحة Aux - تحكم فى السى دى من الطاره ( ملتى فنكشن ) - زجاج ملون - فوج لايت - نور قراءه - جراب نظاره - فتيس كروم - طاره جلد - مقابض الابواب مطليه بطلاء معدنى

السعر : 109 الف

اوتوماتيك Sx : تكييف اوتوماتيك - 2 ايرباج -جنوط سبور 17 ( 215/45 ) - فرامل Abs - باركنج سنسور - اضاءه اوتوماتيك - باور - سنتر لوك بريموت - 4 زجاج كهربا - مرايات كهربا - طاره جلد - الفتيس وفرامل اليد كروم - مقابض الابواب مطليه بطلاء معدنى - عجلة قياده مطليه بطلاء معدنى - المقابض الداخليه والخارجيه كروم - ضبط ارتفاع الكرسى - مسند يد امامى وخلفى - حامل اكواب - طى الكنبه الخلفيه - راديو سى دى Mp3 مع فتحة Aux - تحكم فى السى دى من الطاره - عدادات رياضيه وكمبيوتر للسائق - مسند رأس قابل للتعديل - زجاج ملون - فوج لايت - نور قراءه - جراب نظاره

السعر : 116 الف

اوتوماتيك Sx : نفس كماليات Sx + فتحة سقف

السعر : 120 الف

اوتوماتيك Sx هاى لاين : نفس كماليات Sx + فتحة سقف وسمارت كى وفرش جلد

السعر : 126 الف

الريموت فى الهاى لاين فقط
وأنصحك بلاش lx هات ex وأنت طالع والفرق يستاهل بجد

[Hosam_Optrawy]

ممكن فى ايجاز تقولي ايه الفرق بين ال 2 ؟
+
وبالنسبة لل ex و ال sx الفرق كبير بردو ؟
+
انا سمعت ان ال ex و ال sx مالهمش ريموت
صح ولا غلط ؟
وشكرا على اهتمامك
وفى انتظار ردك

الفرق بين ال Lx وال Ex كبير ويستاهل فرق الفلوس واكتر

والفرق برضه بين ال Ex وال Sx كبير ويستاهل الفلوس واكتر

كماليات ال Ex الزياده

1 ايرباج - جنوط سبور 16 - سى دى Mp3 مع وحدات تحكم من الدركسيون - فوج لايت - مقابض داخليه معدن - كروم فى الفتيس وفرامل اليد - عجلة القياده مطليه بطلاء معدنى - ضبط ارتفاع الكرسى - طى المقعد الخلفى - مسند يد امامى وخلفى وحامل اكواب

وعلى فكره الكروم والمعدن بيفرقوا اوى فى الشكل الداخلى ومعاهم طبعا السى دى 2 DIN

كماليات ال Sx الزياده

تكييف اوتوماتيك - 2 ايرباج - ABS - باركنج سنسورز - اوتو لايت - جنوط 17 - ريموت - عجلة قياده جلد - عدادات رياضيه وكمبيوتر سائق - مسند رأس قابل للتعديل - مقابض كروم - دواسات البنزين والفرامل كروم

وفى فرق كمان فى نوع الفرش بين ال Ex وال Sx

نوع الفرش فى ال Sx أفضل

[matrriixx]

حتى مينفعش يتركب ريموت للعربية ف التوكيل ؟؟
+
الفرق كبير فعلا اوي بين ال lx و sx

[Hosam_Optrawy]

الريموت فى الهاى لاين فقط
وأنصحك بلاش lx هات ex وأنت طالع والفرق يستاهل بجد

ياريتنى كنت شفت مشاركتك بدرى كنت وفرت على نفسى اكتب دا كله :):)

[NoRmAl]

ياريتنى كنت شفت مشاركتك بدرى كنت وفرت على نفسى اكتب دا كله :):)

هههههه نصيب
بس كويس أنك كتبت بردو علشان صححتلى معلومه
الsx فيها ريموت فعلا ومشاركتى فيها خطأ

[Hosam_Optrawy]

حتى مينفعش يتركب ريموت للعربية ف التوكيل ؟؟
+
الفرق كبير فعلا اوي بين ال lx و sx

ممكن تركب ريموت فى التوكيل ب 500 جنيه تقريبا وبيديلك 2 ريموت

[night_phoenix]

انا معايا LX ومش شايف ان حاجه نقصاني
وكان الفلوس علي الاد
بصراحه لو ملكش في الحركات او الزياده
تكون lx معقوله جدا جدا