اتصدمت فيكى يا كيا

[carfreak92]

المنتدى العزيز
والله انا كنت ناوى اشترى كيا سيراتو كوبيه بعد كام شهر
بس الحمد لله رجعت فى قرارى
اللى حصل ان واحد صاحبى اشترى عربيه كيا سيراتو كسر زيرو خليجى قعدت معاه لغايه حالن 3 اسابيع. وانا راكب معاه لازم ياخد مطبات غصب عنه
بس مش بياكلها على سرعه كبيره دا احنا بنبقى على الهادى
المقصات بدأت تزيأ بعد كام مطب
وراح كشف على العربيه وعايزه تتغيرلها مقصات او حاجه كدا
وللعلم كان معاه قبل العربيه دى citreon وكنا مبهدلين العربيه ولا سمعنا صوت تزييق فى المقصات ولا يحزنووون
وربنا يستر ومش عارفيين هنشوف ايه بعد كدا
دلوقتى هو دا طبيعى يعنى تاكل كام مطب بالعربيه تقوم المقصات بايظه ؟!

[kasten]

يمكن تكون حاله نادره
وبعدين دى كسر الزيرو يعنى مش واخدها من التوكيل
الله اعلم صاحبها كان عامل فيها ايه
اكيد الاخوه هيفيدوك

[Hosam_Optrawy]

صاحبك شارى العربيه مستعمله يعنى ماتضمنش ايه اللى فيها

احنا بقينا فى زمن الزيرو احتمال مايبقاش مضمون مابالك المستعمل ؟؟

[adfarouk]

طالما العربية مستعملة حتى لو كانت كسر زيرو فمش مضمون أتعمل فيها أية ........... متقدرش تحكم بالموضوع ده علي كل السيراتو

[Mshawky]

ماهو واضح الى كان معاه العربيه بيسوق زى صحبك فمتستغربش من حاجه تحصل فى العربيه

[Atrees]

طالما روحتوا كشفتوا عليها وقالكم المقصات كلها عايزة تتغير يبقي اكيد المقصات دي كان فيها حاجة - او المالك الاول كان خاربها

[aminibrahim]

الراجل ده كلامه صح انا اول مره اسافر بالعربيه من اسوان للغردقه والطريق من سفاجه كله مطبات صناعي وعىون قطط ومش معقول افضل اعديهم ع الهادي وبعد التجربه مش مرتاح للعربيه مع العلم العربيه انا شاريها زيرو وبحسس عليها بفكر اغير

[elassar2010]

اكيد المالك الاول طلع عنيها وبعها

[medoghaly]

جايز تكون حالة فردية فعلا او العربية صاحبها الاول بهدلها قبل ميبعها

[Ahmed Samy]

الراجل ده كلامه صح انا اول مره اسافر بالعربيه من اسوان للغردقه والطريق من سفاجه كله مطبات صناعي وعىون قطط ومش معقول افضل اعديهم ع الهادي وبعد التجربه مش مرتاح للعربيه مع العلم العربيه انا شاريها زيرو وبحسس عليها بفكر اغير

حضرتك للعلم ...عفشة السيراتو الأمامية = عفشة الالنترا الأمامية يعني لا مقصات و لا مساعدين يقرقوا مللي

لو في حاجة بتضايقك في عيون القطط هاتبقى التعليق الخلفي المتصل ودي حقيقة ممكن تضايق

لو زهقان من العربية و هاتبيع اشتري عربية تعليقها من ورا متعدد الوصلات يعني بلاش برافو بلاش ميجان ممكنتفكر في تويوتا أو النترا


__________________
لصاحب الموضوع ...العيب مش في كيا

العيب في اللي باعلك

خلينا منطقيين و ناخد الموضوع بالتسلسل الطبيعي

[hobiko]

حضرتك للعلم ...عفشة السيراتو الأمامية = عفشة الالنترا الأمامية يعني لا مقصات و لا مساعدين يقرقوا مللي

لو في حاجة بتضايقك في عيون القطط هاتبقى التعليق الخلفي المتصل ودي حقيقة ممكن تضايق

لو زهقان من العربية و هاتبيع اشتري عربية تعليقها من ورا متعدد الوصلات يعني بلاش برافو بلاش ميجان ممكنتفكر في تويوتا أو النترا

ولا كمان كورولا تعليقها الخلفي torsion beam زي ال-cerato

[NoRmAl]

ولا كمان كورولا تعليقها الخلفي torsion beam زي ال-cerato

+1


على فكره أنا مش بهدى فى عيون القطط دى
مش فاهم
أنا مبعاملش العربيه معامله غريبه...زيها زى أى عربيه
لو ماشى هادى أكيد مش هخدها بسرعه...لو راكب 128 مش هعمل كده
ولو ماشى بسرعه أكيد مش ههدى فيها!!
أى واحد بيعرف يسوق بيعرف أن العربيه كل متزيد سرعتها كتلتها تقل "دى قاعده فيزيائيه" يعنى لما تعدى عليها ببطء شديد زى مطير من فوقيها

[medo_elgezy]

شكلك بتفهم يا نصة

[carfreak92]

شكلك بتفهم يا نصة

التعليق دا ايه علاقته بالموضوع اصلا ههههههههههههه انا فطسان على نفسى من الضحك لما شفت الكومنت دا

[bassemforever]

وارد جدا انه يكون فى عيوب صناعة ودى بتروح التوكيل زى البيه وتغيرهم وانت قاعد ودة فى اى نوع مش كيا بس يعنى ممكن فى كل 100 عربية واحدة يكون فيها عيب صناعة واحدة عفشة وحدة مشكلة فى الكهرباء واحدة التكييف دة طبيعي ووارد حتى فى الفئات العالية من السيارت بس النسبة بتقل طبعا كل مالسعر بيعلى لكن مستحيل توصل لصفر وهنا فايدة الضمان الى بيده التوكيل ضد عيوب الصناعة لكن بما انك بتشترى عربية خليجي يبقى انت وحظك وكمان كسر زيرو يبقى تشك فيها ان صاحبها بايعها لية بدرى كدة ملحقش يعنى يستعملها دة بالنسبة للتزيق ودة ممكن تروح التوكيل وتشوف المشكلة فين تصلحها وانت مرتاح ودة الحب الوحيد او انك تبيع العربية ودة هيبقى صعب لانك تانى مالك وحتى الى هيجربها هيسالك عن السبب . نصيحة صلحها واستمتع بيها والى وفرته فى كسر الزيرو هتطر تدفعة معلش بقى ربنا معاك