حكاية مركز تكنو وان وصور وحوش السيراتو

[ابو ليلى]

فى البداية ارجو كل من يقرا الموضوع ان لايضع مركز تكنو وان فى مقارنة مع التوكيل حتى ترى الموضوع بشكل اوضح واسف على التاخير ولكن مشاكل رفع الصور هى السبب .
نبدا على بركة الله :

تم الاتفاق بينى وبين د / احمد سامى ومحمد حمدى على الذهاب للمركز كما اوضحو فى تقاريرهم السابقة.


لم يكن هناك حجز مسبق لدخول الصيانة فعندما اتصلت قبلها جاء الرد حضرتك تشرف المركز ويفضل ان يكون فى الصباح وبالتالى لا يوجد حجز .


سبب ذهابى الى المركز هو وجود مشكلة فى السيارة وليس صيانة لانى عملت الصيانة بالفعل فى التوكيل وكانت صيانة الف والسيارة الان 3200 ك والمشكلة سيكون لها موضوع اخر لانها تستحق ان يكون لها موضوع

استقبلنى المهندس احمد الشحات وعرفته بنفسى وبالمنتدى وعرف المشكلة وامر بادخال السيارة الى المركز بعد عمل امر شغل بالعطل وبالفعل فى خلال دقائق معدودة كانت السيارة مرفوعه ومهندس يفحص السيارة رغم وجود عمل بالفعل يقوم به تركه من اجل سيارتى .

وفى اثناء ذلك وصل د / احمد سامى ومحمد حمدى الى المركز فى عاصفة تسمى عاصفة السيراتو وبالفعل تم عمل اومر شغل ودخلت سيارة د / احمد فى البداية وبعدها بنص ساعة سيارة محمد

(كفاية بقى كتابة فصحى وخلينا بالبلدى )

حسيت ان فى اهتمام غير عادى من كل الناس عربيتنا كانت هى اللى عليها العين المهندس احمد الشحات
شخصية جميلة على طول الابتسامة على وشه فاهم هو بيعمل ايه عنده تجارب كتيره من الاخر تطمن ان العربية فى ايد حد فاهم بيعمل ايه

المركز يعتمد عليه فعلا مجهز وواسع بس محتاج عناية شويه يعنى تورته بس معروضه بره الازاز


كنت حاسس اننا اصحاب المركز كان فى حرية للمشى فى كل مكان واى مكان حتى الممنوع اننا نكون فيها بنصور كل حاجه والناس فكرانا صحفيين او من مركز هيونداى بنفتش على المركز

جميع العربيات موجوده جوه المركز كل الماركات لان اللى جوه فاهمين ولو فى مشكلة عاوزك تتاكد انها هتتحل بالطول والعرض هتتحل . ياجماعة احنا رحنا المركز ب3 مشاكل غير بعض ودى حاجه مهمة ومفيدة للتقيم.

كل اللى اقدر اقوله ان المركز يعتمد عليه وبالنسبة للاسعار هى هى اللى فى التوكيل انا فى صيانة الالف فى التوكيل دفعت 500 ج بالضريبة ومحمد حمدى دفع فى المركز برضه نفس المبلغ وقل بعد الخصم ولكن ......

فى فرق كبير هنا حسيت انى مختلف حسيت ان فى حد بيسمعنى ومهتم بيا بتتكلم وتناقش وحد بيرد عليك
فى فرق لما تشوف عربيتك وهى بيتعملها صيانة بنفسك وبين انها فى مكان مش عارف اللى بيجرى فيها
حتى اللى مكنتش عارفه فى العربية سالت ..دى ايه وبتعمل ايه كل ده وحد بيجاوبك انا قعدت فى المركز ده يومين بسبب مشكلة عربيتى .

انا شايف ان الوقت الى بتتصين فيه العربية مناسب جدا وفى حاجه غايبة عن اللى بيتكلم اليوم اللى رحنا فيه كان يوم الاتنين والاحد كان اجازة وبالتالى كان فى ضغط اليوم ده دخل المركز 36 سيارة وتم عمل جميع الصيانه لها فى اليوم التانى دخل المركز 14 سيارة شفته الفرق علشان كده يستحسن اللى يروح يكون هناك يوم لاقبل ولا بعد الاجازة .المهندس احمد الشحات مكنش مصدق اننا كده بالتواحد ده كل واحد فينا كان بيسال على عربية زميله مش عربيته مش مقتنع ان المنتدى ممكن يجمع ناس بالشكل ده وفهمته يعنى ايه منتدى وبنعمل ايه وعلى فكرة هو متبعنا وشايف كل اللى بيكتب بصراحه شخصيه جميله مريحه للكلام شفته امبارح بيخصم لواحد يوم وبيقولها وبرضه الابتسامة على وشه وهتشوفو بعد كده ايه اللى عمله معايا . عارفين احنا ليه اتعملنا كده علشان احنا من نايل ماتورز .وياريت كل وحد فينا يعرف انه ينتمى لمكان وكلنا نستفيد منه وبالعكس مش بنفيده فى حاجه .
عربية الدكتور احمد سامى


عربية محمد حمدى



حبيبة قلبى يا عينى امها مرفوعه




وتشكيلة صور للعربيات .





وده هيموت ويعرف سر السيراتو

تقيمى للمكان هيكون فى التجربة العملية فى مشكلتى هيبان فعلا وانتو احكمو بنفسكم




مقابلة وحوش السيراتو

اول ما شفت احمد سامى وعرفته من نمرة العربية اخده فى حضنى حسيت انه اخويا وصحبى من 20 سنة ( حضن اخوى يعنى مش حاجه تانية ) ونزل بعديه البرنس راغب علامة ( حمدى ) المشكلة انه كان معاه 2 صحابه مين فيكم م حمدى لقيته رفع ايده كانه واقف قدام ظابط انا وبالحضن كانه راجع من الجيش

وجلنا بعديها عمرو عبد السلام بعروسته البيضه شخصيه محترمة تحس معاه انه اخوك وحب يعمل واجب مع المركز قام رايح ظبط زوايا
بقينا كام يا ولاد دلوقتى 4 ركز يا نورمال ومن بعيد كده بكيلو حسيت مرة واحده ان الشمس هتغيب بضرب عينى على اخر الشارع لقيت طائر الرخ جى عاليا مين ده يا جدعان قالو ده المفروض الزواوى ومعاه محمد الجيزى ومش عارف مشين ازاى جنب بعض الزواوى متعرفش تحضنه غير من بطنه ولو حبيت تبوسه استنى لما ينزلك بس ربنا يديله الصحه محمد الجيزى شاب زى السكر تحب تتكلم معاه

بقينا كام ياولاد دلوقتى 6 ركز يا عتريس وجه بعد كده العريس يشوف عروسته السيراتو

كلكم عرفينه طبعا بس اللى متعرفهوش انه غير اللى بتشوفه فيه وهو بيكتب خالص ياجماعه الراجل ده همه فى المرتبة الاولى هو المنتدى بس من خلال كلامنا عرفت مين هو كربم منير لو عندك مشكلة كلم كريم وتاكد انه هيحلها ربنا يبارك فيه يارب .وقف مع كل واحد فينا ويوصى المهندس احمد الشحات عليه مع العلم انه ميعرفنش بس كفاية اننا من نايل ماتورز .

بقينا كام ياولاد دلوقتى 7 كل ده واحنا واقفين قدام المركز بنضحك ونهرج مع ان كل واحد عنده همومه بس وسط الجو ده فى احترام للكل احترام للصغير قبل الكبير احترام لاى حد بيتكلم الكل يسكت ويسمع جو جميل وغريب فى نفس الوقت لما كان الواحد بيدور على صاحب بيلقيه بعد معانه فى 5 دقائق بقى ليك 6 اصحاب
عارفين ايه السبب علشان المنتدى نجح انه يجمعنا .

طبعا مقابلة كانت على الماشى انا وائق اننا هنتجمع تانى وتالت عارفين هنكون كام يا ولاد


من اليمين د/ احمد سامى ابو ليلى محمد حمدى


من اليمين محمد الجيزى طائر الرخ الشهيرباسم (زواوى ) عمرو عبد السلام احمد سامى والعريس كريم منير ابوليلى محمد حمدى

فى صور لسه كتير اوعى حد يغير المحطة

استنونى فى موضوعى القادم بأذن الله و

( اخطر مشكلة فى السيراتو وحلها مع بائعه البخور )

[hamada_8383]

[overline]
ما شاء الله ربنا يباركلكم , انا ليا الشرف انى اكون اول واحد يرد على الموضوع وشجعتونى انى اشترى خليجى ان شاء الله قريب
[/overline]

[max_ziro]

يا بختكوا يارتنى كنت اعرف ابقى معاكو ..

[medo_elgezy]

[overline]
ما شاء الله ربنا يباركلكم , انا ليا الشرف انى اكون اول واحد يرد على الموضوع وشجعتونى انى اشترى خليجى ان شاء الله قريب
[/overline]

ان شاء الله يا حمادة تنضم للمنتخب كيا القومى

[Amr A.salam]

أبو ليلي .......تسلم أيدك

كان يوم جميل جداً بصحبتكم طبعاً

والله فرحت جداً النهاردة لما قلت لي ان عربيتك اتظبطت

مستني موضوعك اللي هتحكي فيه التفاصيل

ومستني أكتر مقابلة جامدة زي دي و يكون فيها بقية الشباب

[ابو ليلى]

مكان الاستراحه فى المركز واحمد سامى بيقول فى سره ياترى الفلوس اللى معايا هتقضى ولا ايه



المهندس احمد الشحات وجهاز كشف الاعطال فى عربية م حمدى


مواعيد العمل فى المركز




عربية احمد سامى وهو بيغير الطنابير وبيركب تيل فرامل


الصورة من الاستراحه وواضح عربية م حمدى ونفسى اعرف الراجل ده بيدور على ايه

[medo_elgezy]

تقرير اكثر من رائع وكان ليا الشرف انى اتعرف على حضرتك وعلى باقى العصابة و انت الى يتحب يتكلم معاه يا صاحب الزوق الرفيع مع الكلام البديع

[ahmed_su]

تقرير مميز ...

مبروك الصيانة يا ابو ليلى

وشكرا على الصور والتقرير .. :-)

[NoRmAl]

موضوع مميز كالعاده يا أبو ليله والصور جميله جدا
منتظر بقيه التفاصيل والصور وموضوع المشكله
ومن هنا ورايح أنا مش ناوى أزعل الزواوى خالص وكل كلامه يمشى يا جدعان الواحد مش مستغنى عن عمره :))

[ابو ليلى]

عربية عمرو ع السلام ولو تلحظو معاها برضه المهندس احمد الشحات



والمفاجاة سيراتو زيرو من اليمن من غير نمر



سالت المهندس قلى فى واحد اشتراها على كده




بدون تعليق



عربية باسات وفيها شغل سمكرة



السيراتو من الداخل





سيراتو يمنى




باسات واثر الايرباج بعد ما اتفتح

[medo_elgezy]

ومن هنا ورايح أنا مش ناوى أزعل الزواوى خالص وكل كلامه يمشى يا جدعان الواحد مش مستغنى عن عمره :))

لا متخفش يا نورمال زواوى اليف انا قعدت معاه فترة طويلة طيب جداااا و هادى اوى وكان نفسى اشوفك بس انت كان عندك امتحان و عتريس كنا مستنيين منه تليفون بس متكلمش

[NoRmAl]

لا متخفش يا نورمال زواوى اليف انا قعدت معاه فترة طويلة طيب جداااا:b4_611: و هادى اوى:10d5c8w1107: وكان نفسى اشوفك بس انت كان عندك امتحان:s_thum1[1]: و عتريس كنا مستنيين منه تليفون بس متكلمش

لا بردو الامر ميسلمش يا محمد أهو الزواوى دا الى يتقله أحنا آسفين يا صلاح :))
وأنا والله كان نفسى أبقى موجود وأتشرف بمقابلتكم بس الله يقطع الامتحانات
وطبعا معروف عتريس مجاش ليه هو هربان من ساعه الحديث عن الارباح بس أنا مش هسيبه

[medo_elgezy]

ونفسى اعرف الراجل ده بيدور على ايه

يا ابو ليلى الراجل ده الى كان قاعد بيجرى وارانا و بيهشنا من الورشة ده ملوش حل وكان مستقصد د احمد وقاعد يجرى وراه ده طلع يجرى ورايا سخصيا بس انا سبته

[ابو ليلى]

كارثه كانت فى عربية احمد سامى شايفين الطنابير كانت مربوطه بايه المسمار اللى بالحجم الصغير



د / احمد هيعلق على الصورة دى

[Ahmed Samy]

كارثه كانت فى عربية احمد سامى شايفين الطنابير كانت مربوطه بايه المسمار اللى بالحجم الصغير



د / احمد هيعلق على الصورة دى

قبل ما أعلق على الصور دي لازم أعلق على الراجل ده




يا اخواننا دي صورة من وقفة الراجل أكتر من تلات أو أربع دقايق على الحال ده ...

واقف ورا العربية و قاعد يبص على العفشة الخلفية كأنه بيبص على وحدة دفع غواصة نووية

والله

قمة في الدهشة و كل شوية يمشي ...ويغير رأيه و يرجع يبص

كان نفسي أقوله اسألني و أنا أريحك ههههههههههه

هو كان تقريبا ده اللي دماغه )))))))))))))))))))))))