النيو سيراتو زجاج ملون - مراية تعتيم من نوع جديد ... بالدليل و الصور

[morasystem]

بسم الله الرحمن الرحيم

تحية لكل الأعضاء و حوش السيراتو و زى ما السيراتو عودتكم دايما إن فيه كل يوم جديد

انا اكتشفت اكتشافين كدة فى السيراتو و عايزكم تساعدونى فى مزيد من البحث فى سياراتكم

الاكتشاف الأول: الزجاج الملون

طبعا حكاية الفاميه دى لاعبة فى دماغنا أغلبية مالكى السيراتو و كل يوم أشوف واحد بيفيم العربية ... بصراحة ببقى عايز أعمل زيه بس بخاف

و علشان تركب فاميه فى بلدنا دى قدامك طريقة من 2

الطريقة الأولى: إنك تظبط بتوع المرور و ده حل مش عاطفى مطلقا
الطريقة الثانية: إنك ترخص العربية على إنها "مصرح بزجاج ملون" و ده حل أفضل بس ازاى

طبعا أغلبيتنا تابعوا موضوع الأخ الفاضل Mshawky عن زجاج السيراتو الملون .... و انا انهاردة جايبلكم الدليل على صدق كلام الراجل ده ...

بالصدفة دخلت على موقع http://www.kia-hotline.com/ و جبت بيانات العربية بتاعى عن طريق ال VIN بتاع العربية و فوجئت بإن الإزاز بتاع عربيتى ملون أو Tinted يعنى غامق و ده اللى انا ملاحظه من يوم ما اشتريت العربية بس قلبى مش مطمن إنى أقول إن عربيتى متفيمة غير لما أتأكد الأول



الإزاز الخلفى و ال4 أبواب الإزاز بتاعهم Tinted لكن الإزاز الأمامى عادى و فيه Sunvisor اللى هو الشريط الأزرق اللى فوق ... السؤال بقى : ليه المرور مرخصهاش على إنها فاميه مع إن هى أصلا فاميه حتى لو كان فاميه خفيف جدا

الإجابة: الله أعلم

يا ريت كله يدخل يشوف عربيته و يقولنا لقى ايه؟؟

بالمناسبة انا سألت على الفاميه اللزق أخف درجة ... كنت قلتلكم إنى هجيبلكم عينة و الأسعار
أدى العينة و السعر 70 جنيه لل4 أبواب



الإكتشاف التانى: مراية تعتيم من نوع جديد
انا مش عارف حد تانى غيرى عنده الحكاية دى ولا لأ ... بس انا من ساعة ما اشتريت العربية دى و عملت بيها 8000 كيلو و سافرت بيها أكتر من مرة بالليل إلا إنى مش بستعمل زرار القلاب بتاع مراية الصالون كتير ... على عكس ما كنت بعمل فى عربيتى القديمة ... دلوقتى لما حد يضرب نور عالى مش بحس بيه أوى !!!!!

مكتوب على نفس الموقع بتاع كيا ... فى البيانات ... الى هو المربع الأصفر إن المراية D/NIGHT يعنى Dimming Night اللى هو تعتيم ليلى !!!!! هل ده نوع ثالث من المرايات فى السيراتو ولا ايه

و مين تانى عنده الحكاية دى .... افيدونا أفادكم الله

[masryxt]

اعتقد ان D/Night معناها DAY/Night
ودة علي اساس ان فية حركتين في المرايا

انا علي فكرة باعمل ابحاث عن كايداهم بقالي فترة والليلة هاستلم باذن الله

[iCeY]

انا دخلت الموقع و دخلت رقم العربيه و قالي لازم ادفع علشان اشوف :d

ما اتفهمني اعمل الحوار ده ازاي

[Mshawky]

انا عن نفسى ياجماعه اتصلت فعلا بالراجل اللى باعلى العربيه وكان معاه الورق فى المعرض وقالى لا مش مكتوب فى الافراج زجاج ملون فمش عارف الكلام عند مين يعتبر لسه موصلتش لحل

[morasystem]

انا دخلت الموقع و دخلت رقم العربيه و قالي لازم ادفع علشان اشوف :d

ما اتفهمني اعمل الحوار ده ازاي

بص يا باشا الخطة كالتاتى:

[د.محمود صلاح]

لنك الموقع من فضلك ..

[morasystem]

لنك الموقع من فضلك ..

http://www.kia-hotline.com/

مكتوب فوق فى الموضوع على فكرة

[waleedelpiloot]

ممكن بعد اذنك تقول بعمل registration ازااااااااااااى؟؟؟؟؟؟؟؟

[Mshawky]

انا فعلا يامورا كل مااسيرش بعد ماسجلت مش عايز يعرض التكنيكال ديتالز الا لما ادفع غريبه ديه

[alzwawy]

عندي نفس الي عندك ب الظبط و برضه مكتوب زجاج ملون

[Mshawky]

ده اللى قدرت اوصله لكن كل التفاصيل زى اللى انت حاططها مش راضى يطلعها الا بالفلوس تقريبا الموقع ده اتعدى من مصر

[yasserelsayad]

ده اللى قدرت اوصله لكن كل التفاصيل زى اللى انت حاططها مش راضى يطلعها الا بالفلوس تقريبا الموقع ده اتعدى من مصر

دوس على العلامة اللى جنب engine no. هيجبلك الاوبشنز كلها بس بطريقة مختلفة بس مفصلة اكتر شوية
لو عاوز تشوف الاوبشنز بنفس الشكل اللى فى الموضوع هنا ادخل على kia-hotline.com ودخل الvin بتاعك فى المكان المخصص ليه بدل ما تدخل parts catalog

[am79]

علي حد علمي انه لازم يكون مكتوب في الافراج الجمركي ان العربيه زجاج ملون

[Amr A.salam]

أنا برضه عندي مكتوب في السايت tinted

بس مافيش حاجة في الافراج الجمركي خالص عن الزجاج الملون

ايه العمل ؟؟؟؟

[morasystem]

ممكن بعد اذنك تقول بعمل registration ازااااااااااااى؟؟؟؟؟؟؟؟