اسف اني شكيت في السيراطو

[aminibrahim]

يا جماعه انا مش كياوي ولا سيراطاوي-- ولكن تقريبا من كتر الكلام عن السيراطو بتحس ان جاللك هسس ودا مش حلو --- لكن لكن الامانه مطلوبه زي ما كنت قلت قبل كده اني عملت رحله بالسيراطو للغردقه من اسوان وضربت بيها حوالي 600 كم وانا قاصد امشي متواصل بدون ما قف مابين 120 150 عشان معايا الاولاد--- وقابلت عيون قطط باهبل ومطبات من الفسفوريه بعيدة المدي و الادهي قبل ما ادخل الجونه في شوية مطبات ياجماعه من الاسفلتيه تقطم اي عربيه ماكدبش عليكو اكلت منهم كتير وكنت حاسس ان العربيه خلاص لاني مكنتش بشفهم وكل مره اقول فيها مقص او زاويه والاكاده اني مانتش بتعلم لازم اكل منهم عدد بصراحه اصلهم كتير سواء وانت رايح ع الجونه او الغردقه كمدينه
وفي العوده جربت العربيه عليسرعات عاليه وصحراوي والحمد لله الزاوايا ولا الهوه والمقصات زي الفل ممكن يكون في الصحرا لما بيكون الهوي شديد لازم يكون في خلل بسيط لان في الاخر انت بتجري علي هوا 4 عجلات

مش تحيز للسيراطو ولا حبا فيها لان انا بقول اي عربيه بس تكون كويسه لكن يا جماعه في ملحوظه ان الكتابه الكتير علي العربيه بتخليك مركز في اي حركه وبتشك في اي شئ ودا عامل نفسي

علي فكره الجونه دي جنه (مجازا) انصحكو كانت رحله ممتعه

[mastr_n]

على فكرة كتير من الناس فاكرة ان العفشة الناشقة دية عيب بس والله عن تجربة قبل كدة لانى كان معاياة اوبل كورسا 2007 العربية دية عملت بيها اكتر من 120 الف كيلو مانزلتش مسمار من العفشة لحد مابعناها والعربية دية للعلم عاملة زى الزلطة على الطريق يا جماعة من الاخر العفشة الالمانى كلها ناشفة زالسياتو بردة اول لما جبتها فرحت جدا لانها زى الاوبل بالظبط
هاتحس بالامان وانت سايق فعلا وربنا يسترها معانا ومعاكواااااااااااااااااا يارب

[NoRmAl]

مفيش داعى للأسف ولا حاجه
وكويس أن ثقتك ذادت فى العربيه وأستمتع بيها

[Mshawky]

يا جماعه انا مش كياوي ولا سيراطاوي-- ولكن تقريبا من كتر الكلام عن السيراطو بتحس ان جاللك هسس ودا مش حلو --- لكن لكن الامانه مطلوبه زي ما كنت قلت قبل كده اني عملت رحله بالسيراطو للغردقه من اسوان وضربت بيها حوالي 600 كم وانا قاصد امشي متواصل بدون ما قف مابين 120 150 عشان معايا الاولاد--- وقابلت عيون قطط باهبل ومطبات من الفسفوريه بعيدة المدي و الادهي قبل ما ادخل الجونه في شوية مطبات ياجماعه من الاسفلتيه تقطم اي عربيه ماكدبش عليكو اكلت منهم كتير وكنت حاسس ان العربيه خلاص لاني مكنتش بشفهم وكل مره اقول فيها مقص او زاويه والاكاده اني مانتش بتعلم لازم اكل منهم عدد بصراحه اصلهم كتير سواء وانت رايح ع الجونه او الغردقه كمدينه
وفي العوده جربت العربيه عليسرعات عاليه وصحراوي والحمد لله الزاوايا ولا الهوه والمقصات زي الفل ممكن يكون في الصحرا لما بيكون الهوي شديد لازم يكون في خلل بسيط لان في الاخر انت بتجري علي هوا 4 عجلات

مش تحيز للسيراطو ولا حبا فيها لان انا بقول اي عربيه بس تكون كويسه لكن يا جماعه في ملحوظه ان الكتابه الكتير علي العربيه بتخليك مركز في اي حركه وبتشك في اي شئ ودا عامل نفسي

علي فكره الجونه دي جنه (مجازا) انصحكو كانت رحله ممتعه

الموضوع ده يدل على انك راجل محترم واحنا عايزين كده فى القسم اى حد يحس بمشكله يعرضها مش عيب علشان كلنا نستفاد والعكس صحيح برضه

[د.محمود صلاح]

شكراً لنقل التجربة ... وده المتوقع من أي عربية حديثة مش السيراتو بس ..

[Ahmed Samy]

تعديل حضرتك أحترمه

بس فعلا تجربة حضرتك برضه أقصر من أن تثبت ان السيراتو كويسة

اللي حصل هو ان حضرتك اقتنعت انها "مش وحشة" بس علشان تحس انها "كويسة" محتاج تجربها أكتر

تقبل تحياتي :)