استلمت الريو يا اخوانا هيه لونها غريب شوية بس كله بيروح في الغسيل

[syr_eyes]

السلام عليكم ورحمة الله

الحمد لله استلمت ورخصت الريو النهاردة

وطبعا ده من اعجابي الشديد بالكيا بصفة عامة

بس يا اخوانا ياريت اعرف نصائح ال 1000 كيلو الاولى

وهل بعد 1000 ك اروح على الصيانة ولا على 5000 ك

وطبعا لونها نحاسي وعلى راي صحابي ( وقعت في برطمان مسترده )

بس للاسف ( العفشة ناشفة حبه ) زي عفشة النيو اكسنت

دي الملحوظة الوحيدة الي حسيت بيها

اتمنى من حضراتكم بابداء نصائحكم

زي ما دبستوني في الكيا كملو معايا للاخر :)


وبجد شرف كبير ليا اني انضم ليكووووو


ويارب الاقي حد تاني اشتراها عشان مبقاش وحيد واغني ظلموووه :)

[max_ziro]

مبروك ربنا يديك خيرها و يكفيك شرها

اما بخصوص النصائح ف زى ما بيقولوا الشباب
حاول متعديش 3 اربى ام
متفضلش مدة طويلة على سرعة ثابتة
و دة الى انا فاكرة و بعون الله الشبابا يكملوا الباقى ..

[NOOR]

الف مبروك ومش هتندم صدقنى

[M7amD_7amDy]

الف مبروك :)

[NoRmAl]

مبروك يا باشا على العربيه
وأهم حاجه أن أنت الى تبقى متواجد :))
منعرفش حد معاه العربيه دى غيرك دلوقتى ومش هنسيبك
عيزين تقرير محترم بقى كدا على كام صوره على أنطباعك الشخصى :))
وعن نفسى مش هسيبك وهجاوبك على قد معرفتى
فى الالف الاولى متحرقش على الغيارات متعديش 3000 rpm
متعديش ال100 كم فى الساعه
متفضلش على سرعه واحده طول الوقت وخلى سرعتك متغيره طالع نازل
حسس على العربيه دلوقتى علشان قدام تعرف تاخد منها الى أنت عايزه
لازم تعرف من التوكيل فى صيانه الالف تيجى أمتى تانى ولا ون هما دايما بيحطوا زيت 10000
وحاول تجيب منهم جدول صيانه عربيتك
اللون النحاسى مميز والمفروض تبقى فرحان بكده
بخصوص العفشه شيك بردو على ضغط الهوا ممكن يكون منه.......أنت كنت راكب أيه قبليها؟
والف مبروك مره تانيه ونورت كيا

[M_Marwan]

ألف مبرووووك

[MOSTAFABASAL]

الف مبروك ربنا يديك خيرها و يكفيك شرها وشر عيون الناس وربنا يستر عليك من اول بوسه

[د.محمود صلاح]

م/عبدالله صاحب الموضوع هو شقيقي الأصغر ..

الف مبروك يا عبدالله ,,, ربنا يحفظهالك من السوء ومن شر الطريق ورادار المرور .

بس القسط زود كثيير على ثمن العربية ..

[M.ABDEEN]

مبروك يا باشا وربنا يديك خيرها ويكفييك شرها

[د.محمود صلاح]

" اول بني آدم في مصر يشتري الريو بسبب سعرها العالي بالمقارنة بالاكسنت .. "

اكتب تفاصيل يا عبدالله وصور العربية حته حته وصغر الصور باستخادم برنامج ACDsee
وارفع الصور على موقع رفع مثل TinyPic - Free Image Hosting, Photo Sharing & Video Hosting ويفضل تسجل فيه عشان الصور ما تتمسحش
( الموقع ده بيصغر الصور اوتوماتيك حسب اختيارك )
وبعدين تاخد نسخة من direct link for layout
وتحطه في صندوق المشاركة هنا في المنتدى " ادراج صورة " ( في أيقونه شبه الأهرامات كده )

مثال





ملاحظة : - حدث بياناتك الشخصية واكتب اسم العربية ووووو الخ

[tamernor]

يا باشا الف مبروك ومستنيين تقريرك وصور مميزة خاصة اللون المميز ال انت اختارته بنشوفة فى صور جرافيك ع النت نفسنا نشوفة ع الطبيعة
الف مبروك

[syr_eyes]

يا اخوانا الف شكر والله يبارك فيكم معلش سامحوني انا فعلا في حاجات كتيرة مش عارفها في المنتدى ووحدة وحدة هتعلم كنت زمان بتريق على اخويا انه في المنتدى وبيضيع وقته بس بصراحة انا عرفت قيمه الناس الحلوه الي هنا بجد ربنا يبارك فيكم يارب
وانا صورتها فعلا بس مش ناقص الا اتعلم ازاي اعمل ابلوود للصور

واشكرك يا دكتور محمود على نصائحك الظريفة وهحاول اتغلب على نظره الناس في لون العربية اني امتب عليها نبيتي وخلاص :)

[د.محمود صلاح]

صورها وابعتهالي أيميل من موقع رفع زي ميديا فير وانا أرفعهم لك هنا

[gablawy]

مبروك عليك ياباشا هى سعرها كام موديل اى سنة

[Hosam_Optrawy]

الف مبروووك