المراياة الشمال اتكسرت

[ehab_osman]

الحمد لله علي اي حال .............. يا جماعة كنت راكن العربية في حتة زحمة؟؟؟؟؟ ساعتين اثنين ونزلت لقيت مراية الجنب اليمين وخده طوبة واتشرخت ؟؟؟؟؟؟؟؟؟؟؟؟؟؟ قولولي اعمل ايه ......

انا فاكر ان في موضوع مكتوب فيه عن المرايا ............... بس انا مش لاقيه ............ ياريت حد من الزملاء يقولي اعمل ايه .. او حد يدلنا علي الموضوع السابق ؟؟؟؟؟
+ عايزين أ. كريم منير يطور لنا الباحث شوية

[shod90]

هية المرايا اليمين ولا المرايا الشمال و اتكسرت ولا اتشرخت انا اتزاولت اساسا ههههه .. على العموم ربنا يعوض عليك و ان شاء الله التكاليف تبقى حنينة :)

[ehab_osman]

معلش المرايا اليمين

هية المرايا اليمين ولا المرايا الشمال و اتكسرت ولا اتشرخت انا اتزاولت اساسا ههههه .. على العموم ربنا يعوض عليك و ان شاء الله التكاليف تبقى حنينة :)

لا المرايا اليمين ... معرفتش اعدل رأس الموضوع .............. معلش حق علي ؟؟؟؟؟؟؟؟؟

عايزين نطور طرق البحث شوية في المنتدي الجميل بتعنا .............. او علي الاقل نعرف ازى ندور ونبحث في المواضيع ؟؟؟؟؟؟؟؟؟؟؟

[ehab_osman]

لقيت المشاركة وديه اهم ما فيها لتعم الفائدة

حتة إزاز بـ 800 جنيه
رابط المشاركة

واحد خبط المرايه اليمين بتاعتي بمرايته فالمرايه الدخليه (الازاز) عندي و عنده اتنطروا و اتفشفشوا المهم اتصلت بكيا اسأل على المرايه الازاز دي قالولي المرايا بتتباع كامله بكام بقى ... بـ 800 جنيه
وانا مش هادفع 800 جنيه عشان اركب حتة ازازه
حد عنده حل
المهم انا لحد دلوقتي باستغرب على رد فعلي لما المرايا اتخبطت كل اللي عملته نزلت اجيب المرايا لقيتها فتافيت رحت راكب عربيتى وقلت قدر الله و ما شاء فعل و مشيت مع ان العربيه التانيه صاحبها وقف

رابط المشاركة
ياباشا موجوده عند الوكيل في ابو رواش ب 90 جنيه انا كلامي على القمرايه اللي جوة


يا باشا المراية المحدبة مش اختراع .... الصنايعية بيعملو كل حاجة
روح انت بس لواحد كويس بتاع مرايات وهو ح يظبطلك الدنيا
فيه واحد كويس اسمه الشيخ سعيد ....وانت جاي من عند المنصة في شارع النصر عند مطلع كوبري اكتوبر تحت المطلع يمين قبل الشبراوي بتاع الفول .... وابقى قولنا ايه الاخبار
وان شاء الله تروح التوكيل تطلعلهم لسانك كده او كدة
رابط المشاركة
موجوده بتتياع لوحدها ب90 أو 100 مش فاكر عند (الوليد والباشا) في الخرفيين
رابط المشاركة
أهم حاجة اتأكد ان الكلبس اللي ماسك المراية من جوه
ميكونش اتكسر أو اتشرخ لأن في الحالة دي حتتطر
تغير المراية كلها فعلا لأنه صعب تلاقي زيه أو حتي
تلحمه صعب جدا..
اقتباسالمشاركة الأصلية كتبت بواسطة allinoneأهم حاجة اتأكد ان الكلبس اللي ماسك المراية من جوه
ميكونش اتكسر أو اتشرخ لأن في الحالة دي حتتطر
تغير المراية كلها فعلا لأنه صعب تلاقي زيه أو حتي
تلحمه صعب جدا..
للأسف المرايه و الكلبس اللي ماسك فيها الاتنين وقعوا ولما لقيت المرايا متكسره من غيظي رميت الاتنين و سبتهم و مشيت لكن بعد كده عرفت انه مهم جدا يبقى معاك الكلبس ده ، برده قدر الله و ما شاء فعل و يارب الاقي حل بسعر رخيص

رابط المشاركة
بما ان الكلبس بتاع المرايا اتكسر يبقى لازم تتلزق وممكن تشتغل عادى المهم تلاقى ازاز المرايا الاول ودة انا افضل ان حضرتك تشوف الازاز او حتى المرايا كاملة استعمال عند بتوع الاستيراد عند سوسو او فالوكالة ( ان كانت نفس المرايا )
ويفضل ان حضرتك اما تصلح الموجودة معك او تشترى الاصلية لانى سبق واشتريت مرايا لعربيتى الهيونداى ليست اصلية وكانت عند تشغيل التكيف والعربية متوقفة او عند بداية الطلوع بالعربية او عند القرص على العربية كانت الصورة فالمرايا بتكون مهزوزة ودة موضوع رخم شوية
وكمان لو هتلزق المرايا بلاش سليكون لانة بيبوظ المرايا بعد فترة وان كان لازم يبقى تحط شيكرتون ( البنى وليس الشفاف ) قبل وضع السليكون


أنا اسف يا باشا

المعلومة غلط

هوا غير المرايا الزجاج فقط

و سعرها 110 جنية ،،

من الجندي في شارع دمشق بمصر الجديدة

و بتركب كبس بكلبساتها من غير لزق سيلكون


رابط المشاركة
اذا كان كف المرايا (الزجاج) هو اللى اتكسر . روح لواحد فى اخر شارع الطيران محل اسمة اللورد حتلاقى عندة الكف بحوالى 120 جنية.


ان شاء الله حعملها واقول لكم عمات ايه

[د.محمود صلاح]

حصل خير وما تزعلش .. المراية الأصلية في التوكيل بتكون غالية .. ممكن تروح لحد بتاع زجاج أو تشتريها من برة التوكيل

[night_phoenix]

انا واحد من الي عملوا موضوع المرايا
ممكن اعرف ايه الي حصل بالضبط فيها
وانا تحت امرك

[mohamedwahid]

استاذ ايهاب ازيك اولا ربنا يعوض عليك وفداك مليون مرايا وعربية بص ياباشا انا عندى الكف بتاع المرايا اليمين خد طوبة واتكسر من شهر ولحد دلوقتى حتة الزجاج دى مش موجودة فى التوكيل الحل انك تروح لبتاع زجاج سيارات محترم يعملك واحد تانى بس شرط تبقى مرايا مقعرة مش عادية وكبيرها قوى 30 جنية وتبقى مؤقتة لغاية التوكيل مايجيب الاصلية ويمكن تعجبك وماتحتجش بتاعة التوكيل

[ابو ليلى]

ايهاب باشا ازيك وحشنى جدا

الحمد لله انها جت على قد كده والمفروض انك متوقع يعنى بص ده كاس داير على الكل

لاازم وحتما ولابد تطلع حاجه لله وتاكد انها كده اخدت الختم العينى .

[Khaled_Nowaihy]

فداك يا أستاذ ايهاب وقضاء أخف من قضاء ,,, خير باذن الله
هو مش عندك ماكينة ضم المرايات ضمن ال options الخليجى ، وهل هل بلون جسم السيارة وللا بلاستيك اسود ؟
واذا كانت الزجاجة فقط هى اللى انكسرت يبقة بسيطة ومقدور عليها ان شاء الله

[ehab_osman]

انا واحد من الي عملوا موضوع المرايا
ممكن اعرف ايه الي حصل بالضبط فيها
وانا تحت امرك

والله انا كنت راكن ... في عز الظهر وفي منطقة زحمة .... علشان الامان ؟؟؟؟ ساعتين ونزلت لقيت المراية اليمين .. زى ما تكون خدت طوبة او حد جاب زلطه وفى نصف المراية وراح كاسر ... فالمرايا اصبحت حتت مكسة .

استاذ ايهاب ازيك اولا ربنا يعوض عليك وفداك مليون مرايا وعربية بص ياباشا انا عندى الكف بتاع المرايا اليمين خد طوبة واتكسر من شهر ولحد دلوقتى حتة الزجاج دى مش موجودة فى التوكيل الحل انك تروح لبتاع زجاج سيارات محترم يعملك واحد تانى بس شرط تبقى مرايا مقعرة مش عادية وكبيرها قوى 30 جنية وتبقى مؤقتة لغاية التوكيل مايجيب الاصلية ويمكن تعجبك وماتحتجش بتاعة التوكيل

فينننن بتاع الزجاج ده ؟؟؟ دلني عليه

ايهاب باشا ازيك وحشنى جدا

الحمد لله انها جت على قد كده والمفروض انك متوقع يعنى بص ده كاس داير على الكل

لاازم وحتما ولابد تطلع حاجه لله وتاكد انها كده اخدت الختم العينى .

فينك ياراااجل ............ اخبار ايه .... انا لسه كنت حكلامك .......... ازى الحال والعربية ؟؟؟ والحمد لله ... لازم حاجة كده ...

فداك يا أستاذ ايهاب وقضاء أخف من قضاء ,,, خير باذن الله
هو مش عندك ماكينة ضم المرايات ضمن ال options الخليجى ، وهل هل بلون جسم السيارة وللا بلاستيك اسود ؟
واذا كانت الزجاجة فقط هى اللى انكسرت يبقة بسيطة ومقدور عليها ان شاء الله

االمرايات حركة كهرباء فقط .... تظبيط الاتجاهات كهرباء ......... وهي بلون العربية اسود .... هو الزجاجة الخارجية ال مكسورة وانا بعرف احركها وهي مكسورة ؟؟؟؟؟؟؟؟؟؟؟

[ehab_osman]

قولي عملت ايه

انا واحد من الي عملوا موضوع المرايا
ممكن اعرف ايه الي حصل بالضبط فيها
وانا تحت امرك

المرايا الشماااااال زى ما يكون واحد جاب زلطة وفي نصف المراية وراح خابط ؟؟؟؟؟؟؟ المراية اصبحت حتت ... وهي لسه شغالة بنسبة 40 % ....... بس ده ماينفعش خاصة وانا بعتمد عليها جدا في السواقة .
قلي أعمل ايه ؟؟؟؟؟؟؟ هل بتوع المرايات ... يعروف يعمل مراية بدل ال اتكسرت .................

[night_phoenix]

انا ركبت زجاج (مليت زجاج) للمرايه الشمال و مقعر و مجال الرؤيه فيه اوسع من الاصلي نوعا ما و كلفني 30 جنيه وماشي زي الفل ولا تفرقه عن الاصلي
بس مدورتش اوي ورا غطا المرايه من ورا لانه الله يكرمه الي كسرها طير الغطا
الراجل بتاع الزجاج في حلوان
لو انت حابب اديك رقمه او اعرفك توصله ازاي
و فداك يا باشا

[Khaled_Nowaihy]

عملت ايه فى موضوع المراية يا أستاذ ايهاب ... أرجوك طمئنا ....

[A.Saad]

فداك يا باشا اولا
البحث فى المنتدى فيه ايقونة اسمها البحث
ادخل على البحث المتقدم
ممكن تختار البحث فى العنوان يعنى اللى كتبته يكون فى عنوان موضوع
او فى المشاركات
يعنى مكتوب فى مشاركة
وممكن تختار مين اللى كاتبه او لا
برده سواء مشاركة او موضوع
وممكن تختار القسم او ما تختاروش

[night_phoenix]

لو محتاج مساعده انا موجود