مين دايس معايا فى المصلحة دى !!!!

[morasystem]

الموضوع ده كبر فى دماغى و ناوى أعمله زى لمبة الباب كدة بالظبط ...

عاجبانى أوى اللمبة الحمراء اللى فى العداد الرياضى ... اتصلت بالتوكيل علشان اسأل على سعرها ... طبعا قعدت كتير مستنى على ما عرفت أفهمهم أنا عايز إيه و قعدت مستنى أكتر على ما جابولى حد يعرف يرد عليا ... المهم فى الأخر قاللى 25 جنيه ... قلتله تركب لل EX الخليجى ... قاللى أه يا أفندم بس احنا مبندخلش خليجى ... قلتله المهم تركب لل EX قاللى أيوة ممكن

المهم انا كبر فى دماغى و هنزل أجيبها من عند بتاع قطع غيار كيا و هحاول أركبها عند الكهربائى بتاعى ... حد عنده اقتراح أو تحذير ؟؟؟ حد أصلا عنده فكرة هى بيتدخلها منين اللمبة دى... بس هى أكيد متجهزلها جوة ... علشان بس لو الموضوع ده فيه مخاطرة بلاش منه أحسن

[waleedelpiloot]

انتا متاكد من الى بتقولوا دةةةةةةةةةةةةةةةةةةةةة ان اكتر حاجة كنت زعلت عليها لما جبت الex ان مفهلش النور بتاع العداد دة
لا اكيد بتوع التوكيل بيسرحوا بيك او فهموا قصدك حاجة تانية
انا داااااااااااااااااااااااايس بس فى التوكيل مش برة عشان انا توكيل مش خليجى

[Ahmed Samy]

الموضوع مش مخيف

انى هاتفك العدادات

ممكن تلاقي ليها فيشة و مكان .....تركبها و دمتم

ملاقيتش مكان ...........

ركب العدادات تاني ودمتم برضه

[morasystem]

انتا متاكد من الى بتقولوا دةةةةةةةةةةةةةةةةةةةةة ان اكتر حاجة كنت زعلت عليها لما جبت الex ان مفهلش النور بتاع العداد دة
لا اكيد بتوع التوكيل بيسرحوا بيك او فهموا قصدك حاجة تانية
انا داااااااااااااااااااااااايس بس فى التوكيل مش برة عشان انا توكيل مش خليجى

متأكد و الراجل فهمنى تماما و كانت طريقة كلامه بتدل على إنها حاجة سهلة يعنى مش صعبة ... بس هو اللى محيرنى إنه إزاى النور الأحمر اللى فى الArch الفوقانى هيطلع من ورا العدادات و هو أصلا مفيش مكان تطلع منه ... أكيد العداد ده ليه قاعدة مثلا بتتلف و ترجع لورا سنة صغيرة... لو لاحظت كمان إن العدادات فوق نفس حجم العدادات تحت تماما مفيش أى فرق فى الحجم ... حاجة كمان و هى النور الأحمر اللى فى نص العداد اللى على شكل دايرة حوالين المؤشر بتاع السرعة ... لو بصيت حضرتك على العداد بتاع ال EX هتلاقى فعلا إن فيه مسافة النور بيطلع منها بين الدايرة دى و العداد نفسه

انا متحمس جدا للموضوع و ياريت حد من الاخوة اللى معاهم SX يبصلنا على العداد بتاعهم كويس و يقولنا النور ده طالع منين لأنه على ما يبدو إن اللمبة دى لمبة حمراء عادية مش على شكل هلال ولا حاجة ... لو كان كدة أنا اروح أشتريها من التوكيل و أركبها برة

[waelaam]

انتا متاكد من الى بتقولوا دةةةةةةةةةةةةةةةةةةةةة ان اكتر حاجة كنت زعلت عليها لما جبت الex ان مفهلش النور بتاع العداد دة
لا اكيد بتوع التوكيل بيسرحوا بيك او فهموا قصدك حاجة تانية
انا داااااااااااااااااااااااايس بس فى التوكيل مش برة عشان انا توكيل مش خليجى

نفس اللى انا بفكر فية بالضبط

انا دايس و راشق كمان بس في التوكيل و الف شكر لصاحب الموضوع

[waleedelpiloot]

طب وحتة لو كلامة صح تبقى ب 25 جنيية بسسسسسس طب يقول 250 كدة ممكن تدخل على الواحد
على العموم انا دايسسس باى سعرررر (بس يكون فى المعقول بردوا ;)) وعلى فكرة فى مسافة بين العداد الكبير و وراة انا اول ما جبت العربية قعدت ابص كويس قوى و اقول ياا لو الواحد ينفع يركب زى بتاعة الsx

[ahmedbahi76]

أنا معاك في النور الأحمر ده ودايس بس بكام ؟؟؟؟؟؟؟؟؟

[yasserelsayad]

تقريبا النور اللى فى العدادات دا عامل زى ورق العداد اللى بتبقى عند بتوع الاكسسورات يعنى مش فتحة وبيطلع منها النور

[morasystem]

تقريبا النور اللى فى العدادات دا عامل زى ورق العداد اللى بتبقى عند بتوع الاكسسورات يعنى مش فتحة وبيطلع منها النور

طب الله يخليك بصلى عليها كويس و يا ريت لو عرفت تصورهالنا صورة و العداد مطفى ... يعنى حاول مثلا تطفى العداد خالص و سلط أى مصدر نور خارجى على العدادات علشا نتأكد إذا كان فيه مسافة ولا لأ بسن العداد و البلاستيك الاسود اللى حواليه

[yasserelsayad]

دى صور العداد و هو منور وهتلاحظ انها زى ما قلت عاملة زى ورق العداد بتاع الاكسسوارت

[NoRmAl]

طبعا محدش راكب ex ومنفسوش يركب النور دا :))
أنا دايس

[morasystem]

دى صور العداد و هو منور وهتلاحظ انها زى ما قلت عاملة زى ورق العداد بتاع الاكسسوارت

أولا شكرا يا باشا جدا على التصوير الجامد ده و على سرعة الاستجابة بس انا كدة احترت أكتر

ثانيا لو افترضنا إن ورقة العداد نفسها شفافة و مطلعة القرص الأحمر اللى فى النص ... امال الArch الكبير ده طالع منين ... لو افترضنا إنه هو كمان ورق عدادات .... ازاى منور أحمر و جايله نور منين ... أكيد فيه لمبة فوقيه و هى دى اللى الراجل كان بيتكلم عليها ... بس هل معنى كدة إن ورقة العداد كلها تتغير ؟؟؟

ثالثا ده تصورى لشكل ورقة العداد ...

[waleedelpiloot]

طب حتى لو هيا امبة حمرا بس ازاى بيبقى اللون مدرج كدة من اصفر ل احمر؟؟؟؟؟؟؟؟؟
انا فعلا برجح انها تكون ورقة


بس مممكن ياmora تقولنا الراجل بتاع التوكيل انتا قلتلوا اية وقاللك اية بلظبط

[morasystem]

بص انا فى الأول اتصلت ب 19542 علشان أخد نمرة EIT أبورواش علشان أتصل قبل الساعة 4 لأن هم بيقفلوا الساعة 4.. المهم كلمتهم و ردت عليا واحدة قلتلها لو سمحتى انا عربيتى EX و كنت عايز أركب اللمبة الحمرا اللى فوق العداد لرياضى بتاع ال SX قالتلى مش فاهمة ازاى ... قلتلها اللى هى اللمبة الحمرا اللى شبه ال Arch اللى فوق عداد السرعة ... قالتلى طب ثوانى خليك معايا ... بعد دقيقة و نص كدة ردت عليا واحدة تانية ... قلتلها نفس الكلام ... بعد شوية رد عليا واحد ثالث قلتله لو سمحت انا عربيتى EX خليجى و كنت عايز أسأل على سعر اللمبة الحمرا اللى شبه ال Arch اللى بتركب فوق عداد النيو سيراتو ال SX قاللى 25 جنيه يافندم بس احنا مبندخلش خليجى ... قلتله طب و دى ممكن تركب للعداد العادى بتاع ال EX قاللى أيوة ممكن تركب بس احنا مش بندخل عربيات خليجى ... قلتله شكرا ... سلام سلام

[NoRmAl]

بص انا فى الأول اتصلت ب 19542 علشان أخد نمرة eit أبورواش علشان أتصل قبل الساعة 4 لأن هم بيقفلوا الساعة 4.. المهم كلمتهم و ردت عليا واحدة قلتلها لو سمحتى انا عربيتى ex و كنت عايز أركب اللمبة الحمرا اللى فوق العداد لرياضى بتاع ال sx قالتلى مش فاهمة ازاى ... قلتلها اللى هى اللمبة الحمرا اللى شبه ال arch اللى فوق عداد السرعة ... قالتلى طب ثوانى خليك معايا ... بعد دقيقة و نص كدة ردت عليا واحدة تانية ... قلتلها نفس الكلام ... بعد شوية رد عليا واحد ثالث قلتله لو سمحت انا عربيتى ex خليجى و كنت عايز أسأل على سعر اللمبة الحمرا اللى شبه ال arch اللى بتركب فوق عداد النيو سيراتو ال sx قاللى 25 جنيه يافندم بس احنا مبندخلش خليجى ... قلتله طب و دى ممكن تركب للعداد العادى بتاع ال ex قاللى أيوة ممكن تركب بس احنا مش بندخل عربيات خليجى ... قلتله شكرا ... سلام سلام

غريبه أوى
هو فى حاجه ب25 جنيه دلوقتى :)))