مشكلا ملهاش حل يا سيراتوية

[ramy_mostafaa]

يا جماعة انا معاي عربية كيا سيراتو 2008 خليجي كانت كويسة جدا معايا وكنت علطول بمدح فيها لغاية مطلعلي عيب فيها حيرني جدا وحير كل الكهربائيين والميكانيكين في الاول كانت بتغيب معايا في الدواره غير الاول كانت بتدور بسرعة دلوقتي الموضوع اختلف لازم تتعبني شويا لغاية متدور والموضوع ده كان تعبني لغاية مبدأت أتعود عليه كل لما أروح لحد يخليني أغير حاجة غيرت فلتر البنزين وغيرت البوجيهات وغيرت فلتر الهواء ونظفت الحساسات وفي حاجة كمان مستغربلها كل لما أجي أحطها على كمبيوتر ميقرهاش مش عارف ايه السبب واحد يقولي في جزء عندك من الكنترول طاير وفي واحد يقولي ان العربية دي مش متعرفة عنده على الجهاز وبعد كدا سكت خلاص قلت مش مشكلا اهم حاجة انها بتدور في الاخر طلع عيب تاني لسا جديد كل الكهربائيين بيقولو انه نفس العيب بس زاد شويه بقيت لما اجي أطلع بيها في الاول تقعد تنتش معايا لغاية متسحب مرة واحده كل مره على كدا اجي اقف واطلع بيها تنتش شويا بعد كدا تسحب مبحسش بالموضوع ده وانا ماشي هوا بس في بداية الطلعة بس بعد كدا بتمشي عادي نفسي ياجماعة بجد اي يعرف السبب يقولي عليه ولكم جزييييييييييييييييير الشكر......
والسلام عليكم.

[morasystem]

غالبا هو الكنترول يونت لأن هو المسئول عن دوران الموتور و تنظيم حركة الموتور بين النقلات بم إن حضرتك استبعدت البوجيهات و الرشاشات و كل الكلام ده ... لازم حضرتك تروح للتوكيل أو مركز معتمد يكشفوا عليها لأن الكونترول يونت دى عاملة زى الحيطة اللى بتقع .. تقعد تنقص كل يوم طوبة لحد ما تختفى ... كان فيه زميل لينا فى المنتدى هنا نيو سيراتو حصلت معاه حاجة برضه فى الكونترول يونت بس المشكلة كانت إن العربية مش بتنقل للرابع


ده اللينك بتاعها: http://www.nilemotors.net/Nile/152992-a.html

[QaTaR]

راجع على الكويلات لو عندك او البوبينه

وان شاء الله باقي الاعضاء
يفيدوك

[alzwawy]

غالبا هو الكنترول يونت لأن هو المسئول عن دوران الموتور و تنظيم حركة الموتور بين النقلات بم إن حضرتك استبعدت البوجيهات و الرشاشات و كل الكلام ده ... لازم حضرتك تروح للتوكيل أو مركز معتمد يكشفوا عليها لأن الكونترول يونت دى عاملة زى الحيطة اللى بتقع .. تقعد تنقص كل يوم طوبة لحد ما تختفى ... كان فيه زميل لينا فى المنتدى هنا نيو سيراتو حصلت معاه حاجة برضه فى الكونترول يونت بس المشكلة كانت إن العربية مش بتنقل للرابع


ده اللينك بتاعها: http://www.nilemotors.net/nile/152992-a.html

لأ ياباشا مشكله ابو ليلي كانت ان الفتيس مش بيقري غير ال 3 لا بيقري اول ولا تاني ولا رابع مش رابع بس ولا حاجه

[gazzar91]

غالبا هو الكنترول يونت لأن هو المسئول عن دوران الموتور و تنظيم حركة الموتور بين النقلات بم إن حضرتك استبعدت البوجيهات و الرشاشات و كل الكلام ده ... لازم حضرتك تروح للتوكيل أو مركز معتمد يكشفوا عليها لأن الكونترول يونت دى عاملة زى الحيطة اللى بتقع .. تقعد تنقص كل يوم طوبة لحد ما تختفى ... كان فيه زميل لينا فى المنتدى هنا نيو سيراتو حصلت معاه حاجة برضه فى الكونترول يونت بس المشكلة كانت إن العربية مش بتنقل للرابع


ده اللينك بتاعها: http://www.nilemotors.net/nile/152992-a.html

بس الكونترول يونيت بتاع الفتيس بيبقى غير بتاع المحرك...
بس العربية شكلها فيها ecu بايظ.. يا رب يكون كلامي غلط... و الله أعلم
في رعاية الله

[max_ziro]

راجع على الكويلات لو عندك او البوبينه

وان شاء الله باقي الاعضاء
يفيدوك

كنت هقول نفس الكلام + اسلاك البوجيهات
كان عندى نفس الاعراض و غيرت اسلاك البوجيهات و اتحلت الحمد لله
بس ف الاغلب كل العيوب الى حضرتك بتقولها دى عيوب رشاشات
الى هيا التقطيع و التنتيش و تأخير الدوارة
و الله اعلم ...

[rouaame]

أحسن حاجة تروح التوكيل وتريح نفسك

[M.Zaher]

تأخير الدوارة ده بيكون بسبب الرشاشات
و التنتيش ممكن الرشاشات او البوبينا
جرب بوبينا تانيه

[haythamkmal]

90% دة مشكلة طلمبه البنزين

[ayman2]

كلمه مشكله تكتب هكذا مشكله وليست مشكلا كما تفضلت ... واعتذر عن هذا الرد البعيد على الموضوع وارجو من الاداره التصحيح

[sharlsamhon]

المشكلة دي غالبا تكون ف المارش...و الله أعلم

[M.ABDEEN]

احتمال تكون المشكلة في الرشاشات

[hondaaaa]

المشكلة دي غالبا تكون ف المارش...و الله أعلم

اسمع كلامة المشكلة فى المارش ...ههههههههههههههه او ممكن تكون فى الشكمان..الناس بسم الله ماشاء الله تقريبا الناس قالتلك غير العربية قطعة قطعة

نصحتى ليك انك تروح التوكيل وتشوف مشكلة الكمبيوتر فى الاول ..لان الكمبيوتر هو الا هيبينلك العطل فين لزم الاول تتاكد ان الكمبيوتر عندك مفهوش مشكلة ...روح التوكيل اعرف حتى العيب فين وبعدين صلحوا برة مش مشكلة لو مستغلى الصيانة فى التوكيل

[ahmed_su]

من تحليلى لكلامك المشكلة تنحصر فى الرشاشات بها سدد جزئى

ويجب اختبارها خارج المحرك

السبب الاخر ملفات الاشعال العربية دى بداية من 2007 يوجد بها

ملف اشعال(بوبينة) لكل بوجيه مش متأكد من موديل 2006 اذا كان نفس

الوضع ,علشان كده لازم تتاكد من كل كويل على حدا

والاهم من ده كله لما يكون العطل غير عادى سيبك من الميكانيكى والكهربائى

وروح لمركز متخصص او الوكيل ... الفرق يستاهل لانك هتدفع اكتر

للمكانيكيا والكهربائى وهتلف على اكثر من واحد وكلهم هيجربوا

ويلعبو فى العربية .

[tamermagdy]

يا جماعة انا معاي عربية كيا سيراتو 2008 خليجي كانت كويسة جدا معايا وكنت علطول بمدح فيها لغاية مطلعلي عيب فيها حيرني جدا وحير كل الكهربائيين والميكانيكين في الاول كانت بتغيب معايا في الدواره غير الاول كانت بتدور بسرعة دلوقتي الموضوع اختلف لازم تتعبني شويا لغاية متدور والموضوع ده كان تعبني لغاية مبدأت أتعود عليه كل لما أروح لحد يخليني أغير حاجة غيرت فلتر البنزين وغيرت البوجيهات وغيرت فلتر الهواء ونظفت الحساسات وفي حاجة كمان مستغربلها كل لما أجي أحطها على كمبيوتر ميقرهاش مش عارف ايه السبب واحد يقولي في جزء عندك من الكنترول طاير وفي واحد يقولي ان العربية دي مش متعرفة عنده على الجهاز وبعد كدا سكت خلاص قلت مش مشكلا اهم حاجة انها بتدور في الاخر طلع عيب تاني لسا جديد كل الكهربائيين بيقولو انه نفس العيب بس زاد شويه بقيت لما اجي أطلع بيها في الاول تقعد تنتش معايا لغاية متسحب مرة واحده كل مره على كدا اجي اقف واطلع بيها تنتش شويا بعد كدا تسحب مبحسش بالموضوع ده وانا ماشي هوا بس في بداية الطلعة بس بعد كدا بتمشي عادي نفسي ياجماعة بجد اي يعرف السبب يقولي عليه ولكم جزييييييييييييييييير الشكر......
والسلام عليكم.

انصحك تطلع علي توكيل كيا فرع القطامية و قابل المهندس محمد هاشم ( مهندس شاطر جدا ) و ان شاء اللة هيكون الحل علي ايدة