استفسار هل هناك اي مشاكل في الكيا سيراتو ( كوبيه ) ؟؟؟

[Ahmed Samy]

أنا مش خبير كوبيه :)

بس خبير سيراتو عادة ههههههه


بص ...

ركوب الكوب فيه شوية حاجات لازم تتقبلها :

1 - العرية أوطى من السيراتو و ما فيش شكوى من وطيها برضه بس مع التحميل .......يمكن
2 - الجنط ال17 .....انت هاتقرا في الموضوع التاني ...بس فكرة انك تغير جنط الطوب ب16 يبقى حراااام حرااااام حرااام عليك تلاتة حرام هههههههه
3 - البابين بس
4القر و النق اللي لازم تدوق منه حته اول ماتجيبها

[M.ABDEEN]

أنا مش خبير كوبيه :)

بس خبير سيراتو عادة ههههههه


بص ...

ركوب الكوب فيه شوية حاجات لازم تتقبلها :

1 - العرية أوطى من السيراتو و ما فيش شكوى من وطيها برضه بس مع التحميل .......يمكن
2 - الجنط ال17 .....انت هاتقرا في الموضوع التاني ...بس فكرة انك تغير جنط الطوب ب16 يبقى حراااام حرااااام حرااام عليك تلاتة حرام هههههههه
3 - البابين بس
4القر و النق اللي لازم تدوق منه حته اول ماتجيبها

رقم 4 هي دي اللي عليها العين يا دوك :b4_007:

[goodzila]

ههههههههههههههه
اصلكوا مش عارفين يا جماعه لما جيبت الجين 2 برضه اخدت عين والناس كلها بتحسد والحسد مذكور في القران بس الحمدلله دايما كانت بتيجي سليمه معايا في الجين 2 وربنا يسترها في الكيا
موضوع الجنط ده هو الحاجه الوحيده اللى مقلق منها وهسأل فيها في التوكيل لما اجي اشتريها ان شاء الله
بالنسبه ان العربيه واطيه شويه مش هاحس بالكلا مده لان الجين 2 برضه واطيه علي الارض
اااااااه موضوع البابين ده هو اكتر حاجه مضايقاني
بس عندي سؤال هل الكنبه اللى ورا نفس مساحه الكنبه الى في السيراتو العاديه ؟؟ ولا اضيق ولا ايه ؟؟

[Hesham_77]

أنا أسف يا جماعة الامتحانات وهندسة منها لله :(( يا باشا أنا معايا koup مفيهاش أي مشاكل الحمد لله وأي استفسارات أنا تحت أمرك بس أهم حاجة خلي بالك من الار والحسد عشان أنا لبست زلطة في الإزاز
وأي اسئلة تحت أمرك

[goodzila]

ربنا يباركلك فيها يارب
طيب قولي ايه نظام الكنبه اللى ورا ؟ ضيقه ولا زي السيراتو العاديه ولا ايه ؟؟؟
وكمان مقلق جدا من حوار الجنوط 17 دي
وعايز اعرف السرعه القصوي للعربيه كام ؟ العداد بتاعها يعني ؟ لان الجين 2 اللى معايا عدادها 240
وربنا معاك في الامتحانات :)

[goodzila]

؟؟؟؟؟؟؟؟؟؟؟؟؟؟؟

[Hesham_77]

بص يا باشا هي كا مساحة أنا مركبتش elcerato العادية بس هي واسعة ومريحة لو حد أقل من ١٨٥ سم أما الجنط فهو محتاج تمشي ب حرص شوية بس متقلقش وهي عددها ٢٢٠ كم وربنا يخليك ويا رب معايا ومع كل ال ف هندسة ربنا يطلعني منها على خير يا رب وأي استفسارات أنا معك يا باشا :))

[NoRmAl]

على فكره هى نفس مساحه الكنبه الخلفيه للسيراتو السيدان بالظبط
فلو ركبت العاديه..هى زيها بالظبط

هشام أنت فى هندسه أيه :))

[think_pad]

يا باشا توكل على الله
العربيه كويسه جدا وهيا معايا بقالها 6 شهور وماشي بيها 11 ألف كيلو ومفيش أي مشاكل الحمد لله
بالنسبه لموضوع الكاوتشات ده محتاج شويه حرص بس عشان النقر الجامده الي في الشارع
وعلى فكره أنا بدخل بالعربيه دي في مدقات في وسط الجبل والعربيه كويسه جدا الحمد لله

[Hesham_77]

على فكره هى نفس مساحه الكنبه الخلفيه للسيراتو السيدان بالظبط
فلو ركبت العاديه..هى زيها بالظبط

هشام أنت فى هندسه أيه :))

أنا في هندسة AUC يا normal باشا خلصت وواخد summer بعيد عنك :(( إنت ف هندسة إيه :))؟

[goodzila]

الف الف شكر يا وحوش السيراتو
ربنا يخليكم يارب يا شباب
وبالتوفيق ليك في كليتك ياباشا هندسه اكيد صعبه
وربنا يعيينا احنا كمان :d
انا كنت مقلق جدا من موضوع مساحه الكنبه اللى ورا بس طالما نفس العاديه يبقى تمام جدا
لاني واخد فكره عن الكوبيه انها ضيقه من ورا زي الهيونداي كوبيه كمثال
بالنسبه للكاوتش فا ربنا يستر بقي بس انا عايز اعرف سعر العربيه الاصلي من التوكيل اعرفه ازاي ؟ لازم اروح التوكيل ؟ مفيش موقع رسمي مقدم الاسعار ؟
لان المعارض اسعارها مختلفه عن بعض واللى اعرفه ان في فئتين من السيراتو كوبيه وباسعار مختلفه

[Hesham_77]

الف الف شكر يا وحوش السيراتو
ربنا يخليكم يارب يا شباب
وبالتوفيق ليك في كليتك ياباشا هندسه اكيد صعبه
وربنا يعيينا احنا كمان :d
انا كنت مقلق جدا من موضوع مساحه الكنبه اللى ورا بس طالما نفس العاديه يبقى تمام جدا
لاني واخد فكره عن الكوبيه انها ضيقه من ورا زي الهيونداي كوبيه كمثال
بالنسبه للكاوتش فا ربنا يستر بقي بس انا عايز اعرف سعر العربيه الاصلي من التوكيل اعرفه ازاي ؟ لازم اروح التوكيل ؟ مفيش موقع رسمي مقدم الاسعار ؟
لان المعارض اسعارها مختلفه عن بعض واللى اعرفه ان في فئتين من السيراتو كوبيه وباسعار مختلفه

لا لا لا يا باشا هي أوسع كتير من هيونداي كوبيه وبل نسبة للكوتش متقلقش وتوكل على الله وربنا معنا كلنا إن شاء الله هندسة صعبة بس جميلة في نفس الوقت :)) بل نسبة للأسعار فهي فئتين للوكيل EX ود ب-١٢٠٠٠٠ جم و SX ب-١٣٦٠٠٠ جم وفي الخليجي SX highline د زي الأنا جبتها ب-١٣٣٠٠٠ جم وأي إستفسار متترددش يا باشا

[goodzila]

الخليجي دي ايه نظامها يا باشا ؟
هي هي الـ sx ولا ايه ؟
ولو هي هي ليه اقل منها في السعر بـ 3 الاف ؟

[NoRmAl]

أنا في هندسة AUC يا normal باشا خلصت وواخد summer بعيد عنك :(( إنت ف هندسة إيه :))؟

أنا هندسه عين شمس فى باكالريوس وفاضلى شهر كدا وأعد فى بيتنا :))))
أنت سنه كام؟
وواخد summer دى بجد ربنا يكون فى عونك مش عارف أيه الى جبرك على كده :)))

[NoRmAl]

الخليجي دي ايه نظامها يا باشا ؟
هي هي الـ sx ولا ايه ؟
ولو هي هي ليه اقل منها في السعر بـ 3 الاف ؟

الخليجى زايده عن الوكيل تقريبا مرايا تعتيم وأهم حاجه طبعا الesp
بس طبعا ملهاش ضمان
تقدر تجبها وتشترى ضمان من تكنو وان عن طريق عرض المنتدى