حبه أكسسوارات للسيراتو مشفنهمش قبل كده

[NoRmAl]

السلام عليكم

طبعا أنا فاشل بقالى كتير معملتش موضوع واحد :)
فقلت أقلب كده على أى أكسسوارات جديده أو قديمه لكن مشفنهاش للسيراتو حبيبه القلب :)
طبعا للوهله الاولى لما تشوف كميه الاكسسوارات على المواقع العالميه الكتيره تحس بالحزن فعلا
إننا معندناش ربع الحاجات دى وأقد أيه الناس بره زايطه بالعربيه ومشيكنها أخر حاجه وأحنا بنركب الانزار والسنسور بالتيله
بجد شىء يحسر
المهم دورت على كل الاكسسوارات الى أنا عن نفسى مشفتهاش قبل كده وحاولت أجمعهم منهم الجديد عليكم ومنهم أكيد الى شفتوه قبل كدا

نبدأ بسم الله

دى نواكل لوحدات التحكم فى الازاز للأربع أبواب



ستيكر بيتحط فوق الرير بمبر علشان يحميه متسألنيش من أيه :)



فيول كاب...وبصراحه عاجبانى جدا ونفسى أجبها



نواكل لفتحات التكييف



دا جراب للسمارت كى شكله شيك وعملى...بس طبعا أنا مش ناوى أجيبه وأنتوا عارفين ليه



أو case لريموت أخوانا بتوع الSX بس بردو مش ناوى أجيبه ;)




دول كاربون فايبر دور هاندل مش عارف ممكن يعجبوا حد ولا أيه!









كروم للفوجات









الدواسات المعدن الى عتريس هيموت عليهم :))









كور فتيس إحتمال يعجبوا حد....أذواق :)









ااه البتاع دا بقى أنا هموووووووت عليه ممكن نحط فيه GPS أو DVD وبيدى شياكه وفخامه للعربيه













كره فتيس مانيوال لحبايبنا بتوع ال LX :))





وأخيرا...دور هاندلز بتنور







طبعا لو حد حب يجيب أى حاجه من الحاجات دى فهى من مواقع:

:KSPEC PERFORMANCE: KSPEC KDM Performance Center
Korean Auto Imports
Shark Racing

[mastr_n]

بصراحة تسلم ايدك شوية حاجات جامدة بس عقبال لما توصلنا هنا الحاجات دية كان الواحد العربية قدمت معاة وبيفكر يغيرها
بصراحة الناس دية سابقنا بكتير قوى

[Mshawky]

طب متدينى الموقع اللى عليه الاكسيسوريس ديه اييدى بتاكلنى هههههههههههههه

انا هشترى جراب للريموت الاس اكس والاوكر اللى بتنور ديه بس مش عارف هتاخد كهربا منين ودوسات ونكيل فوجات

[enas75]

ماشاء الله تسلم ايديك.......
بس انا ليا طلب
نورمال لو سمحت ياتجيب صور الاكسسوارات اللي جوه مصر ياتسكت
بلاش زل فينا بقي
حرام عليك

[yasserelsayad]

شكرا يا نورمال باشا على الاكسسوارات دى

طب متدينى الموقع اللى عليه الاكسيسوريس ديه اييدى بتاكلنى هههههههههههههه

انا هشترى جراب للريموت الاس اكس والاوكر اللى بتنور ديه بس مش عارف هتاخد كهربا منين ودوسات ونكيل فوجات

خلى بالك الاوكر مفيهاش الزرار بتاع البصمة عشان لو عند

[Mshawky]

شكرا يا نورمال باشا على الاكسسوارات دى



خلى بالك الاوكر مفيهاش الزرار بتاع البصمة عشان لو عند

لا انا الاوكر عندى مفيهاش بصمه انا هاى لاين بس من غير بصمه وسى دى تشنجر بس

[Eng.Geo]

عاجبني قوي الفيول كاب وجراب الريموت :)
عامل ايه يا نورمال في الأمتحانات؟

[morasystem]

جراب الريموت و الأكرة اللى بتنور جامديـــــــــــــــــــــــــــــــــــــــــــــ ــن جدا

[2faster]

حاجااااااات جامدة

بس اشتري الاول العربية

ههههههههه

مفيش منها للـــ128

[M7amD_7amDy]

عاشت ايديك يانورمال باشا

وانا مش هقول عايز ايه عشان كل الإكسسوارات دى عندى

[Tamer86]

حاجات روعة يا معلم نورمال

و أكتر حاجة عجباتي الشاشة اللي بتتركب مكان الساعة دي أخر شياكة و بتدي العربية فخامة بجد تحفة

تسلم ايدك

أنا كنت ناوي أدلع السيراتو بشوية حاجات كدة
أصل حطيت في دماغي مساند الراس اللي مع شاشة
و هركبلهم dvd تشانجر 6 سيديات في الشنطة ورا الكرسي الخلفي الشمال عشان اللي قاعد و را ممكن يغير السيديات من جوا العربية
ايه رأيكم بالفكرة؟؟

بس مستني شوية على ما خلص امتحاناتي و انشاء الله هركبهم

تحياتي..

[NoRmAl]

بصراحة تسلم ايدك شوية حاجات جامدة بس عقبال لما توصلنا هنا الحاجات دية كان الواحد العربية قدمت معاة وبيفكر يغيرها
بصراحة الناس دية سابقنا بكتير قوى

ربنا يخليك شكرا
وفعلا هما الاكسسوارات عندهم كتير أوى وأحنا لسه بنحبى

طب متدينى الموقع اللى عليه الاكسيسوريس ديه اييدى بتاكلنى هههههههههههههه

انا هشترى جراب للريموت الاس اكس والاوكر اللى بتنور ديه بس مش عارف هتاخد كهربا منين ودوسات ونكيل فوجات

شوقى أنا حاطط اللينكات فى أخر الموضوع تحت
مشفتهمش :))
دانا حاطتهم مخصوص علشان عارف أنك هتسأل :))

ماشاء الله تسلم ايديك.......
بس انا ليا طلب
نورمال لو سمحت ياتجيب صور الاكسسوارات اللي جوه مصر ياتسكت
بلاش زل فينا بقي :i_angr1[1]:
حرام عليك

طيب يعنى لا نجبهم ولا نمتع عنينا :)))
منا متحسر أنا كمان :)))

[NoRmAl]

شكرا يا نورمال باشا على الاكسسوارات دى

شكرا يا ياسر نورت :)

عاجبني قوي الفيول كاب وجراب الريموت :)
عامل ايه يا نورمال في الأمتحانات؟

جيو صديق الشقاء :))
الفيول كاب دا أنا داخل دماغى أوى
والله يا جيو الامتحانات طالعه نازله والواحد مبيعرفش هو عمل أيه غير لما يشوف النتيجه

جراب الريموت و الأكرة اللى بتنور جامديـــــــــــــــــــــــــــــــــــــــــــــ ــن جدا

هى كل حاجه جامده يا مورا والله :)

[NoRmAl]

حاجااااااات جامدة

بس اشتري الاول العربية

ههههههههه

مفيش منها للـــ128

ههههههههه
يا باشا ربنا يكرمك بالى أحسن من السيراتو 100 مره

عاشت ايديك يانورمال باشا

وانا مش هقول عايز ايه عشان كل الإكسسوارات دى عندى

ههههههههه
أنت مخدتش بالك يا حمدى أنى مصورها من عربيتك ولا أيه :))
منور يا باشا

حاجات روعة يا معلم نورمال

و أكتر حاجة عجباتي الشاشة اللي بتتركب مكان الساعة دي أخر شياكة و بتدي العربية فخامة بجد تحفة

تسلم ايدك

أنا كنت ناوي أدلع السيراتو بشوية حاجات كدة
أصل حطيت في دماغي مساند الراس اللي مع شاشة
و هركبلهم dvd تشانجر 6 سيديات في الشنطة ورا الكرسي الخلفي الشمال عشان اللي قاعد و را ممكن يغير السيديات من جوا العربية
ايه رأيكم بالفكرة؟؟

بس مستني شوية على ما خلص امتحاناتي و انشاء الله هركبهم

تحياتي..

الله يخليك يا تامر
وفعلا المساند الdvd جامده جدا وبتدى فخامه كبيره
شد حيلك فى الامتحانات
أنت فى كليه أيه؟

[Ahmed Samy]

هو ده

ماتعرفش كام بوصة ؟؟؟