اخطر مشكلة فى السيراتو - الجزء الثانى

[ابو ليلى]

انا فعلا مقدر مجهودك وتعبك معايا بس استحالة افتكر انا فعلا شوفت الكنترول ومسكته بس

صعب جدا اقدر اجاوبك وفى نقطه تانية ان المهندس قلى العيب مش من الكنترول يونت

وهو مصمم على كده .

انا بشكرك جدا لانك اهتميت وبتحاول تساعد جزاك الله كل خير

[Qmax]

انا فعلا مقدر مجهودك وتعبك معايا بس استحالة افتكر انا فعلا شوفت الكنترول ومسكته بس

صعب جدا اقدر اجاوبك وفى نقطه تانية ان المهندس قلى العيب مش من الكنترول يونت

وهو مصمم على كده .

انا بشكرك جدا لانك اهتميت وبتحاول تساعد جزاك الله كل خير

ماهو واحد قالك العيب منه والتاني قال العيب مش منه والاتنين مهندسين

وانا كمان بقول انه سليم ومفهوش عيوب لكن في اجزاء محتاجه اعادة لحام

واللي فيه الخير يقدمه ربنا

واحنا اخوات يا باشا لا شكر على واجب

[medociv]

السلام عليكم ورحمة الله وبركاته
معلش هي عين قوية حبيتن وربنا يفرج همك وقدر الله وماشاء فعل هو ابتلاء اصبر واحتسب وادعو الله بان يرفع عنك هذا البلاء وكله في ميزان حسناتك باذن الله
انا فعلا مقدر حرقة الدم والاعصاب والعطلة
وربنا معاك

[alzwawy]

كان الله فى العون يا أستاذ وائل

وإن شاء الله خير وربنا هيكرمك بإذن الله

انا متفائل خير :)

ــــــــــــــــــــــــــــــــــــــــــــــــــ ـــــ

وخير اللهم اجعله خير كنت نايم وجاتلى سوسو ( السيراتو ) ولابسة أبيض فى أبيض ووشها منور وضربالى العالى وعاطية إنتظار ومشغلة أغنية حماقى ( عارفة أحلى حاجة فيكى ايه )

وقالتلى سوسو أختى بتاعت أبو ليلى أعصابها تعبانة بس شوية ( قولتلها مالها )

قالتلى عشان كان فى واحد غتيت كان قاعد على الشنطة ورا وهيا راكنة وكانت متضايقة

ومعرفتش تتصرف وأبو ليلى سايبها لوحدها فى الشارع من غير حتى مايغطيها

فخدت على خاطرها وجاتلها حالة (استبحس نفسواى شنطاوى) وهتاخد شوية وقت كده

وخلاص هتبقى كويسة بس اصبروا عليها ودلعوها شوية

قولتلها فيكى الخير والله وكتر خيرك وربنا يكرمك ويكتر من أمثالك

وراحت جايبة على الإستيبترونيك وعملت حتة امريكانى وإختفت زى الصاروخ وبتلعبلى إشارات يمين وشمال من بعيد :f_eyeb1[1]:

بس كده يا أبو ليلى شوفت بقه أدى بشرة خير أهى يا كبير

إضحك بقه

اه حمدي بقي بيقول نكت و استلم الرايه في الكتابه من ابوليلي لأنه مش فايق يكتب بمزاج من الواضح ان كلنا لما بنحب نكتب بنبدع
ابدع يا عم حمدي ابدع

[alzwawy]

يا ابو ليلي زعلتني والله بعد ماعرفت ان المشكله اتحلت و الحمد لله خلاص رجعت كتبت انها رجعت تاني اووووووووووووووووووووف
حرااااااااااااااااااااام عليك يا وكيل كان زمانا مسترياحين حراااااااااااااااام بجد
بس فعلا مفيش احسن منك يا وكيل بس حسبي الله و نعم الوكيل

[M.almaghraby]

يارب يباركلك فيها و العيب ميظهرش تاني ان شاء الله

[softyeg]

ربنا يعينك و يهديلك الحال و ترجع تانى كويسه انا عاوز اقولك حاجه فى الحقيقه معنديش سيراتو بس انا مهندس تحكم و اجهزه فى محطات الكهرباء المهم انا هحاول احلل معاك المشكله بحكم خبرتى فى موضوع كنترولات المصانع

1- المشكله ان عندك العربيه مابتغيرش ساعات و تفضل معلقه على غيار معين صح و لا لا انا فهمت كده .

يبقى الشك لازم يتجه ناحيه الكنترول ينت اللى المسؤله عن الموضوع ده و الاجزاء الميكانيكه اللى بتحكم فيها ليه لان هنا انت عندك احتمالين
اولا: ان الكنترولر يكون بيدى الاشاره للجزء او البلوف او السلونيد و ميكنش السوليند ده بينفذ الامر او ساعات بينفذه و ساعات بيعلق و بالتالى فى ده ياما بحتاج نظافه اة الاحسن انه يتغير احسن.
ثانيا: ان الكنترولور يكون بيهنج مثلا عندى المرحله ده او ميكونش بيطلع الاشاره او ال IC فى مشكله فى اللحام او حتى مشكله فى السوفت وير اللى متحمل عليها مع ان ده صعب لان السوفتير نفسه نازل على كل العربيات التانيه و شغال كويس يبقى المشكله هارد وير اى فى الكرت نفسه و ده ليه اسباب كتير اولها على سبيل المثال عيب صناعه فى ic مثلا و كتير فبيقى احسنللك انك تغيره و بلاش تتعامل معاه كانه موبيل بيزلوه سوف وير فى شارع عبد العزيز لان ده فى عربيتك مش موبيلك و هنا لازم المركز يحاول يكون عنده واحد جديد اسبير و يحطه و يجرب العربيه بيه لفتره و يشوف المشكله اتحلت و لا لا.

2-لو شيكت على الحاجات ده كلها و كله سليم و لكن العيب بيظهر يبقى لازم تشيك على كل الوصلات ليه فى العربيه سواء البور او الكنترول لان اى لوس فى الكونكت بين ممكن يبهدل الدنيا و ده اللى بنسميه العيب الخبيس لانه حاجه تفهه بس بتخليك تلف حولين نفسك لحد ماتلقيه ده ممكن يكون مثلا سلك مش محطوط كويس فى مكانه يعمل مع الحركه كل البهدله ده

وف الاخر ربنا يعينك و يهديلك الحال

[ehab_osman]

بدون دخول فى التفاصيل الفنية

بدون دخول في التفاصيل الفنية ؟؟؟؟؟؟؟؟؟؟؟؟ انا كنت متأكد بنسبة 100 % انك يا عاشق السيراتو ومداح كيا..... حيصل ليك مشكلة ؟؟؟؟؟؟؟؟؟؟؟؟ بسبب ايه ؟؟؟؟
بسبب انك كنت بتعامل عربيتك وكأنها ""خطبتك "" يعنى عريس في فترة الخطوبة ............ بعد الجواز والعشرة مع "" المدام """ اقصد العربية لازم ولابد يطلع مشاكل من حيث لاتدري ولا تعلم يا محترم ؟؟؟؟؟؟؟؟؟؟؟؟؟؟؟؟؟؟؟؟؟؟
بس مرور فترة علي الجواز """ على العربية """ حتصلح كل الامور الامور ..............

تحياتي اليك وارجو الله ان تتحل المشكلةِ

[ابو ليلى]

ربنا يعينك و يهديلك الحال و ترجع تانى كويسه انا عاوز اقولك حاجه فى الحقيقه معنديش سيراتو بس انا مهندس تحكم و اجهزه فى محطات الكهرباء المهم انا هحاول احلل معاك المشكله بحكم خبرتى فى موضوع كنترولات المصانع

1- المشكله ان عندك العربيه مابتغيرش ساعات و تفضل معلقه على غيار معين صح و لا لا انا فهمت كده .

يبقى الشك لازم يتجه ناحيه الكنترول ينت اللى المسؤله عن الموضوع ده و الاجزاء الميكانيكه اللى بتحكم فيها ليه لان هنا انت عندك احتمالين
اولا: ان الكنترولر يكون بيدى الاشاره للجزء او البلوف او السلونيد و ميكنش السوليند ده بينفذ الامر او ساعات بينفذه و ساعات بيعلق و بالتالى فى ده ياما بحتاج نظافه اة الاحسن انه يتغير احسن.
ثانيا: ان الكنترولور يكون بيهنج مثلا عندى المرحله ده او ميكونش بيطلع الاشاره او ال ic فى مشكله فى اللحام او حتى مشكله فى السوفت وير اللى متحمل عليها مع ان ده صعب لان السوفتير نفسه نازل على كل العربيات التانيه و شغال كويس يبقى المشكله هارد وير اى فى الكرت نفسه و ده ليه اسباب كتير اولها على سبيل المثال عيب صناعه فى ic مثلا و كتير فبيقى احسنللك انك تغيره و بلاش تتعامل معاه كانه موبيل بيزلوه سوف وير فى شارع عبد العزيز لان ده فى عربيتك مش موبيلك و هنا لازم المركز يحاول يكون عنده واحد جديد اسبير و يحطه و يجرب العربيه بيه لفتره و يشوف المشكله اتحلت و لا لا.

2-لو شيكت على الحاجات ده كلها و كله سليم و لكن العيب بيظهر يبقى لازم تشيك على كل الوصلات ليه فى العربيه سواء البور او الكنترول لان اى لوس فى الكونكت بين ممكن يبهدل الدنيا و ده اللى بنسميه العيب الخبيس لانه حاجه تفهه بس بتخليك تلف حولين نفسك لحد ماتلقيه ده ممكن يكون مثلا سلك مش محطوط كويس فى مكانه يعمل مع الحركه كل البهدله ده

وف الاخر ربنا يعينك و يهديلك الحال

1- العربية الاول كان الغيار بيكون على التالت فقط لاغير من الثبات الى اخر سرعه والمشكلة دى اتحلت خلاص من اول مرة بمعنى العربية بتجيب كل الغيارات تماما ولكن

العطل مازال موجود على جهاز كشف الاعطال يعنى المشكلة موجوده وملهاش اعراض زى الاول

طيب نيجى نمسح العطل من على الكنترول يونت بواسطه جهاز كشف الاعطال العطل يتمسح وبعد فترة سواء ساعة او يوم او اسبوع يرجع مرة تانية وفى الحالة دى العربية بترجع تانى على الغيار التالت فقط .

اسيب العربية 5 دقائق وادور تانى الاقى كل شى رجع لطبيعته وده معناه ايه ان لاازل العطل متسجل على الكنترول بس مافيش مشكلة لان العربية بتجيب كل الغيارات .

[ابو ليلى]

بدون دخول في التفاصيل الفنية ؟؟؟؟؟؟؟؟؟؟؟؟ انا كنت متأكد بنسبة 100 % انك يا عاشق السيراتو ومداح كيا..... حيصل ليك مشكلة ؟؟؟؟؟؟؟؟؟؟؟؟ بسبب ايه ؟؟؟؟
بسبب انك كنت بتعامل عربيتك وكأنها ""خطبتك "" يعنى عريس في فترة الخطوبة ............ بعد الجواز والعشرة مع "" المدام """ اقصد العربية لازم ولابد يطلع مشاكل من حيث لاتدري ولا تعلم يا محترم ؟؟؟؟؟؟؟؟؟؟؟؟؟؟؟؟؟؟؟؟؟؟
بس مرور فترة علي الجواز """ على العربية """ حتصلح كل الامور الامور ..............

تحياتي اليك وارجو الله ان تتحل المشكلةِ

تشبيه منطقى برده وهكمل الكلام على نفس التشبيه

ايام الخطوبة كنت بقول عليها شعر وامدح فيها لانها هى كده برضه لما خطبتها قلت هى دى شريكة عمرى لان اختارتها مابين كل الناس ( العربيات ) .

اتجوزنا وقلت فى سرى ياسلام عليكى عروسة فعلا ونعمة الاختيار بس مش معنى كده لما تتعب منى وتشتكى من حاجه اسيبها واشتم فيها واقول انا اخد مقلب فيها كده يبقى معنديش اصل

لانها اصيلة ورافعه راسى وسط الناس بجمالها وشياكتها وقوتها لما امشى معها الناس بتعكسها وانا واقف جنبها ببقى هتجنن ولما حد يقولى عروستك طلعت مقلب وهطلقها من كتر المشاكل اللى بينكم اقوله عجبانى كده خاليك فى حالك .

نقعد نتكلم انا وهى فى حوار مينفعش حد تانى يفهمه غيرنا وتقولى انا كويسة وزى الفل بس حاول تفهمنى اكتر انا عاوزه اجرى وافرح وانطلق عاوزه اشوف الدنيا عاوزاك تفسحنى كل يوم
كل يوم من الشغل للبيت ومن البيت للشغل نفسى اشوف الصحراوى ولا ايه رايك نروح شرم الشيخ رديت عليها حاضر من عنيا نروح الصحراوى مشينا ولقيتها بتغنى بصوتها الجبار

انا مش ميبيناله نوياله على ايه

انت تأمر يا استاذ ايهاب حاجه كده على السريع لحد ما بس اخد نفسى

[softyeg]

طيب نيجى نمسح العطل من على الكنترول يونت بواسطه جهاز كشف الاعطال العطل يتمسح وبعد فترة سواء ساعة او يوم او اسبوع يرجع مرة تانية وفى الحالة دى العربية بترجع تانى على الغيار التالت فقط .

اسيب العربية 5 دقائق وادور تانى الاقى كل شى رجع لطبيعته وده معناه ايه ان لاازل العطل متسجل على الكنترول بس مافيش مشكلة لان العربية بتجيب كل الغيارات .

هو انتى كده جبت من الاخر صدقنى الكنترولر ده احتمال 90% هو المشكله فيه سواء كانت عيب صناعه او غيره و من خلال تعاملى اليومى مع اخواته فى الشغل لما بنوقع فى واحد من دول لازم يتغير لان اكتشاف العطل فى الحاجات الهاى تكنولوجى ده بيقى صعب و مكلف احيانا اكتر من انك تغيره حاول تشوف واحد تانى على سبيل التجربه و انا شبه متاكد ان العطل هيطلع منه ان شاء الله و صدقنى الحاجات ده لما بتجنن عندى فى الشغل بتسهرنا ليالى جمبها فى الشغل بنحاول نداديها عشان تشغل ساعات ربنا يهديها و تتعدل و لكن مالموضوع بيطول و يرخم زى حالتك ده مايبقاش حل ادمانا الا التغير و انا اسف على الاطاله و اتمنى ان اكون قدرت قدمتللك اى مساعده
و على فكره موضوع انك بتطفى العربيه و تشغلها تانى ده بيحصل كانك عملت ريست للكنترولر ده يعنى بالبلدى قطعت الباور عنه و رجعتها تانى فيرجع لحالته الطبيعه لفتره و لما يجى يشغل الجزء الموجود فيه المشكله مثلا يكون ال ic بيسخن او اى شئ يعنى بترجع تانى لما تتوفر نفس الظروف اللى بتخليه يخرف فى الشغل اللى بيعمله و ده اكبر دليل بنيت عليه راى فى العطل اللى عندك

[ابو ليلى]

فى البداية اشكرك جدا على اهتمامك بموضوعى ومحاولة تفسير سبب المشكلة

حضرتك عارف سعر الكنترول يونت الخاص بالفتيس سعرها كام حوالى 12000 الف جنيه

وده سعر مبداى ولكن الفكرة لا يوجد تاكيد ان المشكلة بسببه .

انا توصلت لحل معرفش ازاى كان غايب عنى كل ده

بكل بساطة المشكلة كانت ايه ؟

العربية كانت مش بتمشى غير على الغيار التالت بس .

حاليا وضع العربية ايه ؟

العربية بتجيب كل الغيارات تماما بدون اى مشاكل .

وبالتالى فين المشكلة !!!!

لما رحت للمهندس اخر مرة قلى نسيب العربية 5 ايام نجرب ونشوف ولما سالته نفس الاسئلة دى

سرح منى وسكت سالته فى مشكلة حاليا لو مشيت بالعربية رد وقال لا المشكلة تبقى موجوده لو

العربية مشيت على الغيار التالت بس ( السيف مود ) وقال وساعتها هقدر احدد المشكلة منين بالظبط

قلتله طيب وجهاز كشف الاعطال اللى مسجل العطل ....؟ قال ميهمنيش هو مسجل ايه طوال مافيش اى مشكلة واضحة فى العربية .

قلته يبقى السلام عليكم ولما تظهر المشكلة مرة تانية وتكون واضحة ابقى اجى .

واقتعته بكلامى واخدت العربية ومشيت والعربية دلوقتى زى الفل وعندى ثقه ان العطل مش هيرجع تانى .

كان فى جملة قريتها للمرحوم الاستاذ / عبد الوهاب مطاوع

لا تعبر الجسر قبل الوصول اليه

والمعنى ان متقعدتش تفكر ازاى تحل مشكلة من قبل ما تيجى لان كده معناه استهلاك نفسى ومعنوى للانسان لان من الاساس ممكن المشكلة متجيش

هستمتع بعربيتى ومش هشيل هم وغم واحباط ليا وكمان اللى معايا .

[Khaled_Nowaihy]

تشبيه منطقى برده وهكمل الكلام على نفس التشبيه

ايام الخطوبة كنت بقول عليها شعر وامدح فيها لانها هى كده برضه لما خطبتها قلت هى دى شريكة عمرى لان اختارتها مابين كل الناس ( العربيات ) .

اتجوزنا وقلت فى سرى ياسلام عليكى عروسة فعلا ونعمة الاختيار بس مش معنى كده لما تتعب منى وتشتكى من حاجه اسيبها واشتم فيها واقول انا اخد مقلب فيها كده يبقى معنديش اصل

لانها اصيلة ورافعه راسى وسط الناس بجمالها وشياكتها وقوتها لما امشى معها الناس بتعكسها وانا واقف جنبها ببقى هتجنن ولما حد يقولى عروستك طلعت مقلب وهطلقها من كتر المشاكل اللى بينكم اقوله عجبانى كده خاليك فى حالك .

نقعد نتكلم انا وهى فى حوار مينفعش حد تانى يفهمه غيرنا وتقولى انا كويسة وزى الفل بس حاول تفهمنى اكتر انا عاوزه اجرى وافرح وانطلق عاوزه اشوف الدنيا عاوزاك تفسحنى كل يوم
كل يوم من الشغل للبيت ومن البيت للشغل نفسى اشوف الصحراوى ولا ايه رايك نروح شرم الشيخ رديت عليها حاضر من عنيا نروح الصحراوى مشينا ولقيتها بتغنى بصوتها الجبار

انا مش ميبيناله نوياله على ايه

انت تأمر يا استاذ ايهاب حاجه كده على السريع لحد ما بس اخد نفسى

كان مالها الكارينز ؟
طخينة وحنينة وقلبها ابيض ومابتقولش لأ فى السرعة .... بس أول طلعة وبعدين فوررررررررررييييرة
مانتساش ان أ. ايهاب كارينزاوى

عموماً احنا عدايل والموضوع فى بيته
ابعت لك كارينوزتى تعقل عروستك ؟؟

[ابو ليلى]

كان مالها الكارينز ؟
طخينة وحنينة وقلبها ابيض ومابتقولش لأ فى السرعة .... بس أول طلعة وبعدين فوررررررررررييييرة
مانتساش ان أ. ايهاب كارينزاوى

عموماً احنا عدايل والموضوع فى بيته
ابعت لك كارينوزتى تعقل عروستك ؟؟

اختنا التخينة دى انا كنت هتجنن عليها فى الاول بس مهرها كان غالى عليا شويه

تصدق انا نفسى اسوقها واتفرج بقى على الموضيع اللى هتتكتب عليها


كل سنة وانت طيب وعاوزين التورتة والحاجه الساقعة

[د.محمود صلاح]

لا حولو لا قوة إلا بالله .. أنا داخل ابارك لك ولكن قدر الله وما شاء فعل .. حاول مع التوكيل يشوفوها بمهندسينهم المدربين ولو بالمعارف والواسطة .. وارسل للشركة الام يمكن يردوا