إعـــــــلان

Collapse

.

,
See more
See less

انطباعاتى عن السيراتو بعد الاستلام

Collapse
X
 
  • Filter
  • الوقت
  • Show
Clear All
new posts

  • انطباعاتى عن السيراتو بعد الاستلام

    انا الحمدلله استلمت فعلا امبارح (الاحد) الساعة 9.30 باليل والمفاجاة انى كنت عامل حسابى انى هاخد ورق الافراج بعد يومين او حاجة لقيتهم سلمونى ورق الافراج مع العربية....بصراحة ناس محترمة جدا وخصوصا انى لقيت الكماليات كلها موجودة (طفاية الحريق-المثلث-شنطة الاسعافات-عدة العربية) بس هيا فعلا مفيهاش ولاعة ولا طفاية سجائر لانها عربية صديقة للبيئة......الحقيقة انا قبل ماخد قرار شراء السيراتو كنت محتار بينها وبين اللانسر البوما و اللانترا .....امبارح لما سوقتها من المعرض (مصر الجديدة) لحد البيت (المعادى) حمدت ربنا وشكرته انى خدت قرار شراء السيراتو بصراحة القعدة جوا العربية و خوصوصا لو انت اللى سايق فيها فرق الف مرة بينها وبين اللانسر واللانترا....قعدة السيراتو افخم وتابلوها فعلا تحفة.....انا لما كنت بالتفت على اى عربية سيراتو ماشية فى الشارع او راكنة كنت فاهم ان ده لجمال شكلها الخارجى بس بصراحة التابلوه والصالون من جوه حاجة تانية وخصوصا باليل والتابلوه منور.....فرق شاسع جدا بينها وبين تابلوه لانسر ({غم انى احد عشاق لانسر بوما) بس انا كنت خايف من احساس انى جايب عربية زيرو وحاسس انها قديمة (وده بصراحة اللى كنت هاحسه لو ركبت اى سيراتو مع حد من قرايبى او صحابى وانا معايا لانسر) طبعا المسافة كانت قليلة جدا كانت حوالى 25كم بس كنت مستمتع وانا سايق على غير العادة بالرغم من العادة المصرية المحببة للسواقين لما يلاقوا عربية جديدة يكسروا عليك ويلزقوا فى العربية والكلام ده بس بردو ماتضايقتش..............انا عارف ان انطباعاتى مش هتزود حاجة خصوصا ان وحوش السيراتو هنا قالوا كل حاجة بس انا بردو احي اقول اللى حسيته و خصوصا انى دى رابع عربية اركبها فى حياتى بعد الشاهين (اتعلمت عليها وهيا دى اللى خلتنى اتعامل مع السواقة المصرية) و البولو 96 1300ccطبعا كانت طيارة وهيا دى اللى خلتنى اعرف يعنى ايه غرز و البروتون ويرا ودى جبتها زيرو واخير السيراتو الحمدلله...

  • #2
    - العربية قدام واسعة ماشاء الله و فيه مسافة حلوة جدا بين السواق واللى راكب جمبه وبردو فيه مسافة حلوة بين السواق واللى راكب وراه الا لو السواق طوله معدى 185سم ....
    2- انوار التابلوه والكاسيت خصوصا باليل بتدى شياكة جميلة محستهاش حتى فى الكورولا الجديدة
    3- صوت الكاسيت نقى جدا والسماعات قوتها مناسبة فعلا الا لو سيادتك من هواة رج الشارع وانت ماشى..
    4- العربية بجسمها ده كنت خايف من المناورة بيها بس لقيتها الحمدلله بتاخد المناورات والمنحنيات بسلاسة و خدوا بالكوا انى كنت راكب ويرا 2005 كانت لازقة فى الارض عشان كده انا اتعودت على قدر (كبير بصراحة) من الثبات فى المناورات..
    5- الباور كويس وان كان اتقل من الويرا شوية بس مش تقيل بردو لان باور الويرا هو اللى كان ناعم بزيادة...
    انا طبعا مش هاتكلم ولا فى موتور ولا فى تكييف لانى طبعا لسه ماجربتش حاجة فيهم العربية بتلين بس بردو احب اقول انى امبارح (غصب عنى والله) كبست بنزين لقيت العربية عملت كيك داون حسيت منه ان الموتور ده نفسه يجرى (ربنا يستر عليه منى وعليا منه)...
    بصراحة مش هينفع اشكر فيها كل ده لازم بقى اقول نقطة سلبية وهيا الرؤية الخلفية فعلا انا ماكنتش متصور انى ممكن اخد كل الوقت ده وانا باركن بس فعلا الرؤية الخلفية بتاعتها مش حلوة وخصوصا انى مش جايبها بحساسات ركن لكن متهيألى مع التعود الموضوع هيبقى اسهل....عموما الحمدلله ان ربنا وفقنى واسف لو كنت طولت عليكوا بس الصراحة انا فعلا مبسوط بقرارى ....وربنا يجازيكوا خير

    Comment


    • #3
      الف مبروك ياباشا وربنا يباركلك فيها ويديك خيرها ويكفيك شرها وشر الطريق......
      بالنسبة لموضوع الرؤية الخلفية فانا شايف ان معظم (مش كلها) الشركات متجهة لكده يعني عندك مثلا الشارك والكروز والبيرسونا واتوقع الألنترا الى حد ما بس ده شىء عادي كله هيجي بالتعود باذن الله.....
      اسف للأطالة......
      [CENTER][COLOR=darkred][SIGPIC][/SIGPIC][/COLOR][/CENTER]

      [CENTER][SIZE=2][COLOR=darkred]I don't know the key to success, but the key to failure is trying to please everybody[/COLOR][/SIZE][/CENTER]

      [CENTER][SIZE=4][COLOR=darkred][URL="http://www.nilemotors.net/Nile/149529-a.html"]Alfa = BMW = Toyota[/URL][/COLOR][/SIZE][/CENTER]

      [CENTER][SIZE=3][COLOR=darkred][URL="http://www.nilemotors.net/Nile/157435-splitfire.html"]الحقيقة وراء SplitFire[/URL][/COLOR][/SIZE][/CENTER]

      Comment


      • #4
        المشاركة الأصلية كتبت بواسطة hobaz مشاهدة المشاركة
        الف مبروك ياباشا وربنا يباركلك فيها ويديك خيرها ويكفيك شرها وشر الطريق......
        بالنسبة لموضوع الرؤية الخلفية فانا شايف ان معظم (مش كلها) الشركات متجهة لكده يعني عندك مثلا الشارك والكروز والبيرسونا واتوقع الألنترا الى حد ما بس ده شىء عادي كله هيجي بالتعود باذن الله.....
        اسف للأطالة......
        الله يبارك فيك يا ريس ....ان شاء الله طبعا مع التعود وحفظ ابعاد العربية الموضوع هيبقى احسن باذن الله...

        Comment


        • #5
          الف مبروك
          ربنا يديلك خيرها ويكفيك شرها
          تقيمك المبدئى واقعى وسليم ده فى راى المتواضع طبعا
          موضوع الركنه عندك حق انا اول ما جبتها حسيت انى بتعلم السواقه وكل ما اجى احضن انزل الاقيها بعيد عن الرصيف بس بعد فتره بسيطه من الاستعمال الخفيف بدأت اتعود
          لكن اكتر شئ مضايقنى هو زاويه كسر العجل بمعنى انك لما تيجى تكسر العجل مش بيكسر قوى فلو الركنه ضيقه شويه يبقل هتيجى على كذا مره
          واعتقد ان ده بسبب كبر حجم الكاوتش وعرضه وكذلك الحال فى الملفات لو ملف ضيق يبقى هتدخل الملف على مرتين مثلا علشان متحكش جنب او وش

          Comment


          • #6
            المشاركة الأصلية كتبت بواسطة sefo مشاهدة المشاركة
            الف مبروك
            ربنا يديلك خيرها ويكفيك شرها
            تقيمك المبدئى واقعى وسليم ده فى راى المتواضع طبعا
            موضوع الركنه عندك حق انا اول ما جبتها حسيت انى بتعلم السواقه وكل ما اجى احضن انزل الاقيها بعيد عن الرصيف بس بعد فتره بسيطه من الاستعمال الخفيف بدأت اتعود
            لكن اكتر شئ مضايقنى هو زاويه كسر العجل بمعنى انك لما تيجى تكسر العجل مش بيكسر قوى فلو الركنه ضيقه شويه يبقل هتيجى على كذا مره
            واعتقد ان ده بسبب كبر حجم الكاوتش وعرضه وكذلك الحال فى الملفات لو ملف ضيق يبقى هتدخل الملف على مرتين مثلا علشان متحجش جنب او وش
            الله يبارك فيك ....حضرتك عندك حق فعلا زاوية كسر العجل ضيقة شوية بس ده شئ متوقع من جنوط عريضة زى ال 16 او 17

            Comment


            • #7
              الحمد للة على حسن الاختيار واختيارك فى محلة انا ركبت لانسر بوما كتير لانها مع ناس كتير جدا اعرفها بس لما بيركبوا العربية عندى بيقعدوا يبصوا بصة وهم على التابلوة
              ووكأنهم بيقولوا يارتنى قابلتك من زمان (هانى شاكر)

              المهم الف مبروك يا وحش انك بقيت من العيلة ويارب يديك خيرها ويكفيك شرها وتستعملها فى الخير دايما

              بالنسبة لموضوع الركنة انا اول لما جبتها نزلت اخويا يقف ورا ويرجعنى لكن بالتعود هتلاقى الموضوع سهل جدا
              اما بالنسبة للبوور بتاعها انا شايفة تقيل بس مش مياة زى العربيات التانية ممكن لاقدر اللة يعملك مشاكل على الطريق

              فى النهاية انا مش بعيب فى الانسر دية عربية جميلة بس من وجهة نظرى المتواضعة السيراتو افضل بكتير

              ومتشكرين على تقيممك الجميل عن العربية
              لا الة الا انت سبحانك انى كنت من الظالمين

              Comment


              • #8
                ربنا يباركلك فيها ويرزقك خيرها ويكفيك شرها
                [CENTER][B][FONT=Verdana][SIZE=3]الحمد لله رب العالمين[/SIZE][/FONT]
                [/B][/CENTER]
                [CENTER][CENTER][B][SIZE=3][FONT=Tahoma][FONT=Verdana][SIZE=3] لا اله الا انت سبحانك اني كنت من الظالمين[/SIZE][/FONT][/FONT][/SIZE][/B]
                [/CENTER]
                [/CENTER]

                Comment


                • #9
                  مبروك يا باشا وكمان الف مليون مبروك

                  Comment


                  • #10
                    اللف اللف مبروك ياباشا بس انتا ماقولتش جبت لون اية
                    [I][B][CENTER][COLOR="DeepSkyBlue"]Respect the man's car so the man respect you[/COLOR][/CENTER][/B][/I]

                    Comment


                    • #11
                      الف الف مبروك وربنا يديك خيرها ويكفيك شرها

                      Comment


                      • #12
                        المشاركة الأصلية كتبت بواسطة ramyabdelgawad مشاهدة المشاركة
                        اللف اللف مبروك ياباشا بس انتا ماقولتش جبت لون اية
                        الله يبارك فيك يا باشا انا الحمدلله جبتها لون برونزى
                        المشاركة الأصلية كتبت بواسطة mezo_1978 مشاهدة المشاركة
                        الف الف مبروك وربنا يديك خيرها ويكفيك شرها
                        الله يبارك فيك يا باشا

                        Comment


                        • #13
                          مبروك يا باشا ربنا يبارك لك فيها ويحفظهالك من كل سوء
                          [CENTER][COLOR="Purple"][SIZE="4"]د. أحمد عبد الرحمن
                          ونرجع ثاني: نفسي الناس تبطل تقول الحشيش مفيهوش ادمان[/SIZE][/COLOR][/CENTER]

                          Comment


                          • #14
                            Welcome on board ya man

                            الف مبروك على السنيوره وربنا يديك خيرها ويكفيك شرها وان شاء الله مش هتندم على اختيارك (انا عندى حساسات ) بس على فكره مش مشكله خالص بكره تتعود على ابعادها وتركنها وانت مغمض


                            ملحوظة بسيطه : دايما استنضف بنزينة كويسة وتمون منها على طول أو متحطش بنزين غير من البنزينات الكويسه زى امارات مصر وموبيل ومش كل موبيل كمان لازم تكون بنزينه كويسه وبيهتموا بنضافة التانك بتاعهم عشان موتور العربيه دى حساس وصوته بيعلى والسحب بيقل لو البنزين مش كويس بس متتخضش الفرق مش هيبقى كبير اوى هى بس حاجه ممكن يلاحظها الناس الخبره وبتسوق من زمان وبتركز مع عربياتها

                            وأستمتع يا باشا بالسنيوره
                            [CENTER][B][COLOR=DarkRed]Eng. Mohamed Sabry[/COLOR][/B]

                            CCNA, MCP, MCSA, MCTS, MCITP, hp APS, DCSE (ya rab CCIE insha2allah)
                            [COLOR=DarkOrange]Most people are only alive because it is illegal to shoot them :36_9_4:


                            [/COLOR][/CENTER]

                            Comment


                            • #15
                              ألف مليون مبروك ياباشا وربنا يكرمك فيها ويكفيك شرها
                              [SIZE=6][COLOR=Blue][B][justify]استغفر الله العلى العظيم الذى لا إله إلا هو الحى القيوم وأتوب إليه
                              سبحان الله وبحمده - سبحان الله العظيم[/justify][/B][/COLOR][/SIZE][COLOR=Blue]
                              :satelite:
                              [/COLOR][CENTER][SIZE=5][COLOR=Blue]محمد فاروق[/COLOR][/SIZE]
                              [/CENTER]

                              Comment

                              Working...
                              X