سؤال لمالكي الكارينز

[karemof]

السلام عليكم ,
كنت عايز أعرف من حضاراتكو مدى ثبات واتزان الكرينز , أحد الأعضاء كان رد عليا في الموضوع ده http://www.nilemotors.net/Nile/154913-a.html "برجاء المساعدة في قرار الشراء يا رجالة كيا"
و قال انها بتلعب على 80 بس أنا مستغرب شوية, برجاء الإفادة

[NoRmAl]

لا لا كان فيه موضوع عن كل عضو جاب بيها كام وقالوا أنها مش ثابته أوى بعد ال160
والبعض الاخر وصل الى 190 وشكر فى الثبات
على أى حال من الاحوال لا يمكن تكون 80

[Sherif Sharaf]

الأخ الفاضل، أنا أحد ملاك الكارينز (يعنى السؤال ده ليا :) :)
أقدر أقولك إن الكارينز ثابتة جداً جداً والحمد لله
أنا جبت بيها لحد 170 وكان ممكن أزود وثباتها كان أكثر من رائع
متقلقش خالص من نقطة الثبات دى ( مش فى الكارينز أبداً)

[MMMERO]

انا اقدر اقول لك من واقع تجربتى الشخصية فى حالة ان الطريق حلو ومافيش تيارات هواء شديدة (مطبات هواء) انا جيبت بيها حتى 185 وكانت ثابتة جدا ودة كان فى طريق السخنة من القاهرة للسخنة اما طريق العودة فعلشان كان كل مطبات هواء فمعرفتش اجيب اكتر من 150 ودة للتجربة فقط ومش ناوى امشى على السرعات دة تانى خالص وانصح الجميع بعدة السرعة نهائي حتى لو العربية ثابتة بس طبعا حتى 120 فى طريق السخنة انا مس حاسس انى معدى ال 100 اصلا فطبعا كلام ال80 دة اى كلام

[karemof]

شكرا لكل ردودكم.

طيب سؤالين كمان
- الكارينز محتاجة طريقة خاصة في القيادة نظرا لحجمها وأبعادها, شكلها كدة محتاجة بركينج سينسور
- هل يمكن تغيير ارتفاع الدركسيون

[mohamedwahid]

نعم يمكن تغيير ارتفاع الدركسيون

[Khaled_Nowaihy]

شكرا لكل ردودكم.
الكارينز محتاجة طريقة خاصة في القيادة نظرا لحجمها وأبعادها, شكلها كدة محتاجة بركينج سينسور

لا على الاطلاق .... انا كنت مرعوب من حكاية الركنة لكن الآن باعرف اركن بظهرى بكل سهولة
بشرط أكون شايف المكان اللى حاركن فيه قبل ما ادخل بظهرى بواسطة المرايات

وبعدين طول العربية تقريباً = طول السيراتو أو الأوكتافيا أو الأوبل

[Sherif Sharaf]

موضوع الركنة ده تعود مش أكتر
أنا كان معايا قبلها فيات سينا، طبعاً فرق كبير فى الطول
الموضوع مش محتاج أكتر من شوية وقت عشان تتعود على أبعاد العربية
باركنج سنسور أكيد هيسهل الدنيا شوية فى أى عربية
الدركسيون يمكن تحريكه إلى أعلى أو أسفل

[ehab_osman]

120/130 كم /ساعة عادي جدا

نعم يمكن تغيير ارتفاع الدركسيون

غريبة ؟؟؟ انا مخدتش بالي ابدا................. قولي ازى ارجوك ؟؟؟؟؟؟؟؟؟؟؟؟؟؟؟؟؟؟؟؟؟

ام بالنسبة الي ثبات الكارنيزا انا بمشي بها 120 /130 كم /ساعة ............. عادي جدا وبدون اي مشكلة
موضوع الركنه ... حيعمل ليك مشكلة لمدة شهر لغاية لما تتعودا علي ابعاد العربية .......... الكبيرة

[Khaled_Nowaihy]

استاذ ايهاب
تحت طارة الدركسيون يوجد لسان تشده يصبح الدركسيون حر الحركة لأعلى وأسفل
بعد ضبطه على الوضع المناسب تقفل اللسان تانى

[wael2020]

مساء الخير اسمحولى اعرض مشكله حصلتلى مع كارينز خليجى 2012 وهى باختصار لما بفتح باب العربية وهى دايره بحس برعشه خفيفه وواضحه ولما سالت التوكيل قالى معظم سيارات الكارينز فيها الرعشه البسيطه دى وعلى العموم احنا حننضفلك فلتى الهواء ممكن يكون محتاج تنضيف وهو ممكن اللى بيعمل كده ..وانا بصراحه متردد افيدونى بالله عليكم وشكرا

[Khaled_Nowaihy]

غريبة ....... أول مرة نسمع عن المشكلة دى ....... لو فتحت أى باب بتحصل الرعشة دى وللا إيه ؟؟

تنظيف فلتر الهواء مش شغلانة كبيرة ولاحاجة ..... ممكن أى عامل فى محطة بنزين ينظفه بالهواء

[ansa3a]

عادى فى اى سيارة اذا فتحت اى باب تشعر برعشة فى الباب للأن الباب مثبت فى السيارة ب مفصلات متحركة وهى سبب الرعشة .. المهم الرعشة موجوده بدون فتح ابواب ؟ اذا كانت موجوده يبقى فيه مشكلة اما اذا كانت غير موجوده يبقى مفيش مشكلة وده عادى فى اى سيارة