ماهو معدل استهلاك السيراتو ( فول تانك ) كم كيلو بيعمل

[flawerblue]

ارجو كم شباب انا حاولت اعرف كم تستهلك السيراتو تقريبا وكمعدل كم كيلو تعمل بالفل تانك

انا من حوالي اسبوع حطيت بنزين فل تانك وصفرت عداد ( ترب ) ومشيت بالعربية حوالي 180 كيلو تقريبا بصف تانك وداخل المدينة والازدحام توقفت فيه ساعات على مدى الاسبوع والتكييف شغال هل هو استهلاك السيراتو كده .؟ ؟؟؟؟

او ان تأثير الازدحام والتكييف يجعلها اكثر استهلاكاً وهل يعني ان استهلاك الوقود حوالي 320 كم للفل تانك ضمن هذه الظروف التي تكلمت عنها .

[bassemforever]

متوسط الاستخدام 210 كيلو لل20 لتر انا لما بفولها العداد بيكتب فى حدود 460 كيلو يعنى لو مشغل التكييف وجوا البلد او بتحرق كتير يعنى ممكن فى حدود ال200 ودة متوسط ال1600 ودة معقول جدابنسبة للفئة دى

[flawerblue]

مشكووووووووووووووووووور

[NaderNabil]

هو تانك السيراتو كام لتر؟؟؟

لأن الأرقام اللي بتحكوا فيها دي غريبة!

الأوكتافيا بفولها ب100 جنيه يعني 55 لتر بتعمل فوق ال 600 كيلو بالتكييف...و الكلام ده جوه البلد...

لو من غير التكييف بتعدي ال 700 مستريح...

و لو على طريق سفر ممكن تكسر ال 800

[NoRmAl]

هو تانك السيراتو كام لتر؟؟؟

لأن الأرقام اللي بتحكوا فيها دي غريبة!

الأوكتافيا بفولها ب100 جنيه يعني 55 لتر بتعمل فوق ال 600 كيلو بالتكييف...و الكلام ده جوه البلد...

لو من غير التكييف بتعدي ال 700 مستريح...

و لو على طريق سفر ممكن تكسر ال 800

52 لتر يا نادر باشا
وأيه الارقام دى يا نادر :))
أنا عربيتى فى أحسن حالاتها عامله 450 بالتكييف
وكانت أسوأ كمان دا كدا أتحسنت :)

[NaderNabil]

الحمد لله على نعمة الأوكتافيا :)

[Ahmed Samy]

السيراتو مش عربية موفرة للبنزين أبدا

و لا تقارن بالأوكتافيا و لا التويوتا أبدا ...........


أفضل رقم عملته السيراتو معايا

طريق الساحل 600 كم طوالي بالتكييف بسرعة 120 - 140 تقريبا


و عمري ما شفت الرقم ده تاني

[ahmedbahi76]

أنا كان معايا تويوتا كورونا 2000 سي سي موديل 1990 أول يد أتوماتيك كاربراتير خليجي لحد سنه ديسمبر 2009 والسنه دي جبت السيراتو 1600 سي سي موديل 2010 سعودي رشاشات تربتونيك أول يد وبصراحه أعتقد ان التويوتا أوفر في البنزين بالرغم من الفروقات الفظيعه في سعه المحرك و نظام الحقن وسنه الصنع والجير بوكس
أخوكم

[moha4tec]

الحمد لله على نعمة الأوكتافيا :)

الاوكتافيا عربيه 200% ممتازه و انا كان نفسى فيها و ربنا يحفظهالك بس هيا فيها مميزات كتير اوى و تستاهل تمنها
و بصراحه اعتماديه عاليه و عربيه جميله اوى و (اوروبى )مينفعش تقارنها بكيداهم لانها فرق فى الفئه و السعر و حجات تانيه كتير .
ارجو انى اكون مطولتش عليك و ان تتقبل كلامى و هو ليس نقد و لكنه نقل لتجربه واقعيه .
و ربنا يديم الموده و النقاش البناء.

[moha4tec]

هو تانك السيراتو كام لتر؟؟؟

لأن الأرقام اللي بتحكوا فيها دي غريبة!

الأوكتافيا بفولها ب100 جنيه يعني 55 لتر بتعمل فوق ال 600 كيلو بالتكييف...و الكلام ده جوه البلد...

لو من غير التكييف بتعدي ال 700 مستريح...

و لو على طريق سفر ممكن تكسر ال 800

يا باشا الزملاء مش عارفين يقيسو كويس احنا نفس معدل استهلاك البنزين زيك بالظبط
بالدليل
انت بتقول اعلى معدل و احسن معدل عندك فى الازكتافيا ال 55 لتر 800 كم
800\55=14.54 يعنى اللتر الواحد بيمشيك 14.54 كم تمام كده
14.54*20 =290.9 يعنى ال 20 لتر بيمشوك 291 كيلو متر تقريبا متفقين لحد كده

خد الاتى بقى معدلات فى السيراتومن كذا عضو معانا مقياس حقيقى فعلى(تجربه واقعيه و ليست كلام منقول):




1-

اقتباس
المشاركة الأصلية كتبت بواسطة Tamer86




سلام

هو المصروف لازم يتحسب باللتر\100كم؟
هو فعلا انا ابتديت افكر ان العداد بتاعي غير عدادتكو؟؟

ليه تحسبو و تتعبو نفسكو؟

اصل العداد بيديك المصروف المتوسط و المسافة المقطوعة برحلتين A,B و كمان المسافة التقريبية لحد التنك ما يخلص؟؟ ولا ايه؟
وبعدين الارقام في العداد بتكون الكم\ليتر مش ليتر\100كم معرفش ايه لازمة تحويلها؟

انا عربيتي بقت 17000كم

و تقريبا جربت كل طرق الحساب و لقيت ان العداد بيديك نسب قريبة جدا من الواقع

مثلا عداد المسافة حتى البنزينة قبل ما يديك 60كم الارقام صحيحة بنسبة 90%
و ده بعد مقارنة مع عداد المصروف الوسطي
و كمان جربت احسبها اكتر من مرة و قارنت بين التفويلة و المسافة المقطوعة

و النتيجة:

داخل المدينة 9-11 كم\ليتر = 180 -220 كم\صفيحة (الاختلاف ده بسبب الشد أو الزحمة)
high way بين 13-14.5 كم\ليتر = 260-290 كم\صفيحة
(طبعا ده يرجع للسرعة
يعني كل ما زادت السرعة عن 100 زاد المصروف) لانها فا فيهاش غير 4 سرعات
كده زى عربية حضرتك بالظبط 290 كم فى 20 لتر (الصفيحه)معدل الاستهلاك (14.5 زى حضرتك بالظبط )فرق حجم التانك )احنا بنفول ب 84 جنيه فقط.بنزين 92
و لما مشيت طريق السفر بسرعة بين 100-90 و كان مصروفها 16.5كم\ليتر (330 كم\الصفيحة)
يعنى كده كمان اكتر من عربيتك 330 كم فى 20 لتر(الصفيحه)معدل الاستهلاك سيراتو 16.5 و اوكتافيا 14.5 و خلى بالك انت تانكك 55 لتر و احنا 52 فقط انا بتكلم على معدل الاستهلاك فقط

بس كان الـECO أخضر طول الوقت تقريبا و المحرك مستريح أوي


انهارده انا زيك بالظبط



2- اقتباس
المشاركة الأصلية كتبت بواسطة hesham_91




متوسط الاستهلاك مع سواقة عنيفة بالتكييف 9.7 ده علي سرعات بين ال 80 و 130 و لما الدنيا

بتبقى زحمة قوي -بتمشي ببطئ- بيوصل ل 10.5 ...مرة علي طريق مصر

اسكندرية كنت سايق هادي عشان الرادار اخري 100 الاستهلاك وصل 5.4 مع التحويلات :10d5c8w1107:


+1111111111

بس 5.4 قليل اكيد انت بتمشى هادى معدتش ال 100كم \ساعه ابدا صح و بتسبها تزيد سلانسيه



3- و دى تجربتى الشخصيه.
قياده هادئه 90 او 100كم\ساعه و ال rpm2500 و معدل الاستهلاك اللحظى بيبقى من 5 لتر الى 7 لتر فى ال 100 كم اوتوماتيك على الغيار الرابع.
و خلى بالكوا التفويله لحد اول تكه فقط للمحافظه على العربيه.علشان الاتى


فول العربيه لحد اول تكه فقط هو ده الصح زى الكتالوج و عموما فى كل العربيات لعدة اسباب منها
1-لتمدد البنزين فى ساعات النهار(خطر الانفجار فى حالات نادره جدا)
2-(استهلاك وقود اعلى)عند ملىء خزان الوقود حتى النهايه تماما وده غلط طبعا يزيد استهلاك الوقود لانه يدخل كميه بنزين اكتر فى ضغطه البنزين الوحده بسبب فرق الضغط العالى اللى فى اتنك وده لحد ما يبقى فى شويه هوا يعملوا اتزان فى فرق الضغط.
3- لازم تسيب شوية هوا عشان العوامه بتاعة التنك متبظش و تفضل سليمه
4 مينفعش تخلص البنزين و تفضى التنك على الاخر عشان لو فى وساخه فى قعر التنك ميشفطهاش و يبوظ الحساسات و يخلى سحب العربيه ضعيف و عاوزه تنضيف
5-اصلان الراجل بتاع البنزينه لما بيتكتك بمسدس البنزين ,الحركه دى بتدى قرايه اعلى و بنزين اقل عن تجربه مع ناس كتير
(يعنى تدفع فلوس =البنزين لحد اول تكه )و على النقيض بعد التفويله للاخر من غير هوا .لا =او اقل من قيمة الفلوس المدفوعه.
يعنى لما تفول للزور بتهدر فلوس مع الوقت و بنزين.


يعنى 20 لتر تعمل 250 بالتكيف طريق سفر طوالى
300 الى 330 من غير تكيف طريق سفر طوالى و الاتنين قياده هاده تماما.90 الى 100 كم \ساعه .و ثابته
20 لتر تعمل220 كم مع القرص الجامد داخل المدينه
20 لتر تعمل 180 الى 220 بالكتير اوى او اقل كمان لما السرعه من 150 الى 200 و قرص غبى افترى اخر حاجه بالستب ترونيك طريق سفر .

خلى بالكوا اللى يكتب و يشارك لازم يكتب مقاس الجنط و عامله معاه كام كم و بيعمل الصيانه الدوريه و الا لا و يكون عامل نفس التجربه و القياسات فى نفس الظروف و ممون من نفس البنزينه و تكون نظيف و مشيك على ضغط الكاوتش ,و حالة العربيه كويسه .و نوع البنزين و من اى بنزينه.
17\45\215 8000كم خليجى هاى لاين من غير بصمه صيانه دوريه ال 1000 كم و 5000كم بمون من بنزينه شل 97% من الوقت علشان نظيفه و بمون على طول بنزين 92.(مره جربت ال 95 كان فى الشد ملوش حل انا حسيت انه فارق عن ال 92 ,بس بصراحه ميستهلش الفرق فى الفلوس كتير حرام).ال 92 كفايه اوى مخلى العربيه تمام التمام.
بصراحه يا جماعه لو عايز توفر بنزين امشى هادى
و لو عايز تشد و تجرى العربيه مش هتقول لا بس هتاكل بنزين جامد زى اى عربيه تانيه
و خلى بالكوا اى عربيه جديده فى اول 5000 كم بيكون استهلاك البنزين عالى ,و بعد كده بيقل
و عموما استهلاك البنزين على حسب رجلك على الدواسه و مؤشر الاستهلاك اللحظى.
و ربنا يوفق الجميع, و ارجو انى اكون افدت الاعضاء الكرام اللى ياما استفدت منهم
و السلام ختام

[Ahmed Samy]

عمري ما شفت 5,4 دي أبدا في الايكونومي

احسن رقم شفته 6,8

و ما شفتوش كتير


و بالسواقة العنيفة بتوصل لـ12 كمان

بلاش حد يقنعني ان العربية دي موفرة في البنزين

لأن الأوكتافيا و التويوتا فعلا أفضل منها و ده عن تجربة سفر بالتلاتة كتير


الجيب ما بيكدبش

[Beeso]

أنا بصراحة أحسن رقم شفته كان 7.2 باين وده كان على طريق اسكندرية وده كانت أول مرة أشوف فيها الرقم ده من ساعة معجبت العربية (15,000 كم دلوقتي) وده كمان عشان أنا مكنتش بحرق خالص وكل ماشي كان هادي معدتش ال 130 تقريبا غير مرتين مثلا

سؤال مهم جدا بنسبلي :

هو انتو عندكم ECO mode أصلا ؟؟؟؟ أصل لو كده يبقى فعلا الله يخرب بيت التوكيل واللي بيعملوا فينا

[Tamer86]

أنا بصراحة أحسن رقم شفته كان 7.2 باين وده كان على طريق اسكندرية وده كانت أول مرة أشوف فيها الرقم ده من ساعة معجبت العربية (15,000 كم دلوقتي) وده كمان عشان أنا مكنتش بحرق خالص وكل ماشي كان هادي معدتش ال 130 تقريبا غير مرتين مثلا

سؤال مهم جدا بنسبلي :

هو انتو عندكم ECO mode أصلا ؟؟؟؟ أصل لو كده يبقى فعلا الله يخرب بيت التوكيل واللي بيعملوا فينا

لأ مظنش في ECO Mode انت تقصد لمبة الايكو اللي في العداد ؟؟؟

أصلها مجرد اشارة على كمية العوادم و تاني اكسيد الكربون (عشان تنبهك بس) ازاي تكون صديق البيئة

و ألوانها :
أخضر = نسبة ممتازة
أبيض = مقبولة
احمر = نسبة الغازات عالية و مضرة

طبعا الموتور لما يكون مصروفو قليل و مرتاح هتشوف اللون الاخضر
و لما يكون بيحرق و بيصرف بنزين زيادة هتشوف اللون الاحمر

يعني مش ايكو مود او نظام توفير و لا حاجة بس اشارة تنبهك للي بيحصل.

الايكو مود ده في الهايبرد بس

أرجو اني كون فهمتك صح .

تحياتي..

[Beeso]

لأ مظنش في ECO Mode انت تقصد لمبة الايكو اللي في العداد ؟؟؟

أصلها مجرد اشارة على كمية العوادم و تاني اكسيد الكربون (عشان تنبهك بس) ازاي تكون صديق البيئة

و ألوانها :
أخضر = نسبة ممتازة
أبيض = مقبولة
احمر = نسبة الغازات عالية و مضرة

طبعا الموتور لما يكون مصروفو قليل و مرتاح هتشوف اللون الاخضر
و لما يكون بيحرق و بيصرف بنزين زيادة هتشوف اللون الاحمر

يعني مش ايكو مود او نظام توفير و لا حاجة بس اشارة تنبهك للي بيحصل.

الايكو مود ده في الهايبرد بس

أرجو اني كون فهمتك صح .

تحياتي..

شكرا إنك وضحتلي بس حتى اللمبة ده شايلينها من العدد فالوكيل تخيل حاجة تحرق الدم طب ده كانت حتفرق معاهأم في كام يعني بس هي سخافة وخلاص

[moha4tec]

عمري ما شفت 5,4 دي أبدا في الايكونومي

احسن رقم شفته 6,8

و ما شفتوش كتير


و بالسواقة العنيفة بتوصل لـ12 كمان

بلاش حد يقنعني ان العربية دي موفرة في البنزين

لأن الأوكتافيا و التويوتا فعلا أفضل منها و ده عن تجربة سفر بالتلاتة كتير


الجيب ما بيكدبش

يا باشا اللى عايز يوفر فى البنزين على حساب الشد و الجرى الجامد يمشى من 60 الى هادى خالص100
و انا سمعت ان فى ابديت للسوفتوير بتاع العربيه فى التوكيل بيوفر فى البنزين و بيظبط موضوع هبوط دواسة الفرامل لما تيجى تدوس بنزين كمان و حجات تانيه
ممكن لو حد عربيته وكيل يسال و يرد علينا بالمعلومه الصح التمام النهائيه
و ممكن حضرتك تجرب تصفر العداد اثناء السفر على الطوالى و شوف هيعملك كام كم
متوسط و لحظى
انا و الله عارف ان انت راجل قديم فى السواقه و العربيات و تفهم اكتر منى بكتير
تقبل كلامى لانى مبحاولش اقول انها بتوفر بنزين و لكن بنقل الواقع و اللى حصل معايا
و السلام ختام