النيو سيراتو...ما لها وما عليها

[Raul_7]

التكييف
تكييف العربيه جيد جدا مش ممتاز
متشتكيش منه الصراحه لكن يعيبه صوت المروحه المرتفع من أول 3
وعلشان هو مش ممتاز هتحتاج تطلع ل3 بالضروره وساعتها هتحس بأزعاج المروحه
مبيأثرش بصوره ملحوظه على سحب أو أداء العربيه تقدر تجرى وتحرق وتشد مع التكييف وهتلاقى الاستجابه
لسه طالع من واحد sx نحاسى على مصر السويس وأنا راجع "مفيش غير سيراتو فى الشوارع بنبلطج على بعض بقى :))" وكنت مشغل التكييف محستش بفرق
الخلاصه تكييف قوى لكن مزعج على 3 غير مؤثر على العربيه ولا أعتبره من عيوب العربيه

أنا بصراحة ركبت مع واحد صاحبي Cerato معرفش EX باين, مش ديه أول فئة ؟

المهم شغل التكييف في مشوار طويل بتاع ساعة كده, وعلى طريق مش زحمة يعني طريق سالك ومع ذلك التكييف تبريده كان ضعيف جدا مع إن درجة التبريد كانت عالآخر, بس التكييف كان يادوب كاسر سخونة الجو وماكانش مبرد خالص.

ده تجربتي مع تكييف ال Cerato

وشكرا عالموضوع الهايل والمحايد.

[NoRmAl]

أنا بصراحة ركبت مع واحد صاحبي cerato معرفش ex باين, مش ديه أول فئة ؟

المهم شغل التكييف في مشوار طويل بتاع ساعة كده, وعلى طريق مش زحمة يعني طريق سالك ومع ذلك التكييف تبريده كان ضعيف جدا مع إن درجة التبريد كانت عالآخر, بس التكييف كان يادوب كاسر سخونة الجو وماكانش مبرد خالص.

ده تجربتي مع تكييف ال cerato

وشكرا عالموضوع الهايل والمحايد.

غريبه يا راؤل أنه كان مشغله على الاخر أنا عايز أقولك أنا لو هتسلق مش هجيبه على 4 لأنه هيبقى مزعج جدا جدا
على أى حال أنا راضى عن التكيف جدا ولسه عامل مشوار للهرم رايح جى فى عز الشمس عامله على 2 وسقعان
قله يكشف عليه بردو
والعفو يا باشا نورتنى
ومبروك على البروتون

[Raul_7]

غريبه يا راؤل أنه كان مشغله على الاخر أنا عايز أقولك أنا لو هتسلق مش هجيبه على 4 لأنه هيبقى مزعج جدا جدا
على أى حال أنا راضى عن التكيف جدا ولسه عامل مشوار للهرم رايح جى فى عز الشمس عامله على 2 وسقعان
قله يكشف عليه بردو
والعفو يا باشا نورتنى
ومبروك على البروتون

الله يبارك فيك يا معلم, بس أنا مبتكلمش على درجة المروحة أنا بأتكلم على درجة التبريد...يعني التبريد كان عالآخر بس أنا كنت قاعد...مش هاقول حران...بس في نفس الوقت مش سقعان.

[SheNo0o]

بجد تقرير اكتر من رائع وفعلا فيه مجمل كل حاجه في العربيه بحياديه تامه
وفعلا اكتر حاجه بتارقني في العربيه ومزعلاني البنزين مش عارف ومش مستوعب هو استهلاكه حلو بس بالنسبه لي انا حرام علياه يفرق معايا بقيت بحطلها بنزين 90 يا راجل بس هو في العادي بالنسبه لاي حد تاني يعتبر ازيد من المعدل الطبيعي
هنجامل اكتر حاجه مزعلاني وخلاص :d

[aljurjani]

قرأت هذا الموضوع الرائع اليوم فقط.. كاتبه عقلية نقدية لا تتكرر كثيرا في منتدى كهذا ومصادرته على التعليقات المجانية في محلها تماماً.

[as_samman]

شكر واجب

بص يا باشا ... الأول هنصفر عداد الtrip ... دور العربية ... سخنها لمدة 30 ثانية زى ما الكتاب ما قال ... هتلاقى متوسط الاستهلاك بقى 13.8 لتر فى ال 100 كيلو و لسة مطلعناش .... بعد كدة اطلع على المحور هتلاقى المعدل عمال يقل يقل يقل لحد ما هيوصل على أخر المحور ل 9.2 لتر فى ال 100 كيلو هنبدأ ندخل فى الزحمة و المعدل ممكن يزيد لحد 9.8 لتر فى ال 100 كيلو ... هنرجع تانى على اكتوبر و المعدل هيبدأ يقل تانى لأننا على الرابع دلوقتى و لمسافة طويلة بسرعة عالية ... فى النهاية بعد ما هنوصل هتلاقى المعدل حوالى 9.5 لتر فى ال100 كيلو ... ده بالنسبة للاستخدام الشبابى للناس اللى بتحب تحرق و كدة

لو هنحرص قوى و نقرط أوى و بعد كل نقلة نرفع رجلنا من على دواسة البنزين علشان العربية تنقل للغيار الأعلى يبقى ممكن نعمل المشوار كله رايح راجع بمتوسط استهلاك حوالى 9 لتر فى 100 كيلو و هو حاجة قياسية جدا جدا جدا بالنسبة لموتور 1600 سى سى داخل شوارع القاهرة

و الحكم فى النهاية للمشوار ككل ... هو أخر قراية لمتوسط الاستهلاك بعد ما تنزل من العربية لأن الكمبيوتر بتاع العربية بيحسب اوتوماتيك معدل الاستهلاك فى كل كيلو العربية بتمشيه و يجمعهم على بعض أولا بأول إنما القراية بتاع العداد مش قراية لحظية

شكراً جزيلاً على الرد
و اسف على تأخري في توجيه الشكر لك

[zezo_22]

تقرير تحفه يانورمال باشا واسمحلي اقول ملاحظه صغيره العربيه بصراحه تحفه ودا الي خلاني عاوز اجيبها تاني بعد ما بعتها مع العلم اني ركبت بعدها تويوتا 2010 (ياباني) بس بجد كنت مرتاح في السيراتو اكتر كتيييير بس قبل ما ابعها كنت بسمع صوت تزيق خفيف في العفشه(جنط 15) ولمبة الارباج نورت فجأة بس عموما العربيه مميزات العربيه أكتر كتير من عيوبها واسف ع الاطاله

[NoRmAl]

بجد تقرير اكتر من رائع وفعلا فيه مجمل كل حاجه في العربيه بحياديه تامه
وفعلا اكتر حاجه بتارقني في العربيه ومزعلاني البنزين مش عارف ومش مستوعب هو استهلاكه حلو بس بالنسبه لي انا حرام علياه يفرق معايا بقيت بحطلها بنزين 90 يا راجل بس هو في العادي بالنسبه لاي حد تاني يعتبر ازيد من المعدل الطبيعي
هنجامل اكتر حاجه مزعلاني وخلاص :d

ألف شكر يا باشا وفعلا البنزين أسوأ عيوبها

قرأت هذا الموضوع الرائع اليوم فقط.. كاتبه عقلية نقدية لا تتكرر كثيرا في منتدى كهذا ومصادرته على التعليقات المجانية في محلها تماماً.

شكرا يا باشا على الكلام الكبير دا :))

تقرير تحفه يانورمال باشا واسمحلي اقول ملاحظه صغيره العربيه بصراحه تحفه ودا الي خلاني عاوز اجيبها تاني بعد ما بعتها مع العلم اني ركبت بعدها تويوتا 2010 (ياباني) بس بجد كنت مرتاح في السيراتو اكتر كتيييير بس قبل ما ابعها كنت بسمع صوت تزيق خفيف في العفشه(جنط 15) ولمبة الارباج نورت فجأة بس عموما العربيه مميزات العربيه أكتر كتير من عيوبها واسف ع الاطاله

شكرا يا زيزو
وعايزين تقرير عن السول أو الكوب بقى إن شاء الله

[A.Gameil]

موضوع مهم و مفيد

[migasunstar84]

اكثر من رائع

[PoweRPassioN]

تسلم على التقرير
بس كنت عايز اعرف لو في فرق بين عفشه السيراتو الsx الجنط ال17 و الكوبkoup؟؟

[NoRmAl]

تسلم على التقرير
بس كنت عايز اعرف لو في فرق بين عفشه السيراتو الsx الجنط ال17 و الكوبkoup؟؟

مفيش فرق غير ان الكوب أوطى من السيدان بـ 1 سم
ودا طبعا يخليها أثبت
والله كويس أن الموضوع لسه بيتقرى :))
نورت :)

[samyvfx]

يا أستاذ نورمال الموضوع لازم يدوم لسببين أولهم علشان أنت اللي كاتبه باسلوبك المميز الحيادي الرائع الواعي
و ثاانياً إنه عن معشوقة العالم مش بس المصريين .. السيراتو
أنا من مالكي أفقر فئة من السيراتو الlx
الفاضية تماماً لا إير باج و لا abs ولا فرش جلد ولا أي حاجة
كنت الأول بعاني من حدفة شمال و الحمد لله ركبت الكاوتش في الخلف زي ما نصحتني و راحت
بس أحب أضيف حاجة صغيرة
نصيحة لكل الملاك سواء للسيراتو أو غيرها
أرجوكم بلاش تجري بالسيارة قوي لأنها خداعة جداً انا ماحستش على طريق الأسكندرية أول يوم رمضان قبل الإفطار على طول
وكنت عاوز ألحق الفطار مع أهلي في اسكندرية إلا وأنا ماشي 190 لفترة و كان معايا زوجتي و إبني
ماكنتش حاسس بالسرعة والثبات مع الزجاج المغلق زي الفل و الطريق لسة معمول
بس لن أكرر هذا أبداً إن شاء الله

المشكلة اللي مقابلاني حالياً هي ريحة الإسطوانة في الزحام و مطلع الكباري .. لأني واخد على قديمو و مش بدوس فرامل و مريح رجلي على الدبرياج و خصوصاً انك مش بتسوق أنت بتصارع مع التكسيات و ميكروباصات الجمعية و الإلترامكو ( من سكان الهرم و شغلي في المهندسين ) رايح راجع معاهم

و أخيراً أشكرك علي الموضوع المميز لثاني مرة

[NoRmAl]

يا أستاذ نورمال الموضوع لازم يدوم لسببين أولهم علشان أنت اللي كاتبه باسلوبك المميز الحيادي الرائع الواعي
و ثاانياً إنه عن معشوقة العالم مش بس المصريين .. السيراتو
أنا من مالكي أفقر فئة من السيراتو الlx
الفاضية تماماً لا إير باج و لا abs ولا فرش جلد ولا أي حاجة
كنت الأول بعاني من حدفة شمال و الحمد لله ركبت الكاوتش في الخلف زي ما نصحتني و راحت
بس أحب أضيف حاجة صغيرة
نصيحة لكل الملاك سواء للسيراتو أو غيرها
أرجوكم بلاش تجري بالسيارة قوي لأنها خداعة جداً انا ماحستش على طريق الأسكندرية أول يوم رمضان قبل الإفطار على طول
وكنت عاوز ألحق الفطار مع أهلي في اسكندرية إلا وأنا ماشي 190 لفترة و كان معايا زوجتي و إبني
ماكنتش حاسس بالسرعة والثبات مع الزجاج المغلق زي الفل و الطريق لسة معمول
بس لن أكرر هذا أبداً إن شاء الله

المشكلة اللي مقابلاني حالياً هي ريحة الإسطوانة في الزحام و مطلع الكباري .. لأني واخد على قديمو و مش بدوس فرامل و مريح رجلي على الدبرياج و خصوصاً انك مش بتسوق أنت بتصارع مع التكسيات و ميكروباصات الجمعية و الإلترامكو ( من سكان الهرم و شغلي في المهندسين ) رايح راجع معاهم

و أخيراً أشكرك علي الموضوع المميز لثاني مرة

يا باشا شكرا على كلامك وذوقك العالى والله
وأنا بجد مستحقش كل دا
شكرا مره تانيه
وخد بالك فعلا لأن السرعه ساعت مبنحسش بيها فعلا
وبخصوص الاسطوانه حاول ترعش بس كدا متضغطش عليها أوى
أنا طبعا متفهم السواقه خصوصا فى الزحمه
نورت الموضوع يا باشا وشكرا مره تانيه على ذوقك