عايز حد بيبع قطع غيار أصلية غير الجندي

[أبو صلاح]

بدور على الحاجات دي لعربية كيا ريو 2001
بس عايزها اصلي (زي اللي بتتباع في التوكيل)
سير كاتينة (سعر التوكيل 195 بدون الضريبة)
أويل سيل كرنك (سعر التوكيل 35 بدون الضريبة)
أويل سيل كامة (سعر التوكيل 10 بدون الضريبة)
بلية سير الكاتية (سعر التوكيل 95 بدون الضريبة)
الاجمالي 387 بالضريبة

طبعا اعتقد ان ده استهبال
انا بغير الحاجات بعد 20000 ك
السبب الرئيسي هو ترشيح زيت من عند الاولسيهات والميكانيكي قالي ان سير الكاتينة اللي راكب نوع تجاري مش الاصلي وده عمره الافتراضي لا يتعدى 20 الف ك وقالي بالمرة نغير البلية

السبب اني بطلب محل غير الجندي هو انه مش عنده الحاجات دي أصلي موجودة كوري بس (هو اللي قالي كده)

[أحمد الجندى]

فيه حلمى سليمان اللى فى التوفيقية هو على الشارع من برة قدام سنترال رمسيس علطول ده اشهر واحد فى الكيا على حسب معلوماتى وفيه حد كمان بعديه مش فاكر اسمه ، بس أنا بجيب كل حاجاتى من عند حلمى سليمان واسعاره بتبقى من الآخر زى الجندى كده .

وفى محل تانى اسمه بيبو فى معروف قدام ناصية أبو طارق جيبت منه شوية حاجات رفايع قبل كده .

[mnassar1983]

محمد عاصم في دمشق مصر الجديده

[أبو صلاح]

الناس دي بتبيع اصلي ويقولك ده اصلي ولا كوري زي الجندي كده

ولا يقولك على كله أصلي وخلاص

[أبو_يوسف]

طب والحاجات اللي عند نافع ظروفها ايه؟
لان اسعاره حلوة بس غالبا بتبقى كوري ومش اصلي بس نضيفة

[أبو صلاح]

طيب سؤال تاني
السير الدايكو الايطالي المفروض انه بيقعد كام كيلو ؟

[city_ct]

فى الغالب أنك ممكن تعرف الأصلى من الكورى عن طريق علبة قطعة الغيار و كيس تغليفها. قطع غيار كيا الأصلية يكون عيها شعار كيا أو كيا و هيونداى معا و أحيانا يكون مكتوب عليها (Made by KIA) .

أما الكورى فبالطبع لا يوجد عليها اللوجو الخاص بشركة كيا أو هيونداى.