محتاج رأيكو ياجماعة بنوع الكويتش للسيراتو....؟؟؟؟

[Tamer86]

أنا من فترة باظ معايا كويتش السيراتو(17\45\215) أصل دخلت في حديدة و قطعتو


لسه بمشي عالسبير و دورت كتير في السوق على الكويتش الكومهو الاصلي بس وقعت بحيرة بسبب الخيارات :

محدش عندو فردة كلو بيبيع طقم كامل يعني 4 مع جنوط و بسعر 6500 جنيه تقريبا
و انا اللي باظ معايا بس فردة كويتش و مايلزمنيش كل دول
و ده يقولك الاصلي نخب اول و اللي في السوق نخب ممتاز أو تاني ...

سؤالي بقى في الخيارات المتاحة:

DANLUP ياباني موديلين يشبهو الكاويتش الاصلي( 1- كاتم صوت . 2- سرعات عالية بس صوتو قالولي برضو عالي)

hankook بنفس الخيارات

Bridgstone برضو بالموديلين دول

maxsis

Lassa تركي موديلو شكل السنبلة صراحة محبيتوش

الأسعار بين 450 لحد 800 جنيه

صراحة خيارات كتيرة بس انا ماعرفش اوي فحكاية الكويتش قلت اسألكو الاول

ايه رأيكو ....؟؟؟؟؟

[medo_elgezy]

فى حاجة اسمها فيدرال محترمة قوى و الكومهو الايكستا و الاتنين سرعات دبل فى و سعرهم عندنا فى مصر 380-480 ميزدوش عن كده
و بالنسبة للاصلى فهو فعلا مبينزلش غير على العربية بس و مش موجود فى السوق

[Tamer86]

فى حاجة اسمها فيدرال محترمة قوى و الكومهو الايكستا و الاتنين سرعات دبل فى و سعرهم عندنا فى مصر 380-480 ميزدوش عن كده
و بالنسبة للاصلى فهو فعلا مبينزلش غير على العربية بس و مش موجود فى السوق

متشكر قوي

بس يا صحبي ما لقيتش نفس القياس غير دول اللي قلت عليهم

هي الفيدرال كوري برضو؟؟

[Hosam_Optrawy]

لو فى امكانيه تجيب بيردجستون هات طبعا

انا لو مكانك هاجيب هانكوك هو اقرب حاجه للكومهو وكويس وسعره مناسب

[Tamer86]

لو فى امكانيه تجيب بيردجستون هات طبعا

انا لو مكانك هاجيب هانكوك هو اقرب حاجه للكومهو وكويس وسعره مناسب

ازايك حسام باشا

انت شايف كده؟

انا فعلا شفت عربيات سيراتو هانكوك بس مش 17
دول اساسي مش كده؟

انا بيهمني مايأثرش عالتوازن و الثبات بتاع العربية و ما تعملش بلالين عشان لوبروفيل و كمان شكلو يكون زي الكومهو الاصلي 17

عن الشكل انا عجبني الهانكوك و البريدجستن بس ماعرفش حاجة عن الاداء

[NoRmAl]

أنا رأيي بريدجستون يا تامر لأنه كمان أدائه كويس أوى
وبعديه الهانكوك
هو كدا كدا بينزل فى بعض العربيات الى عندنا من كوريا
ومع ذلك أنا بتاعتى جى معاها كاوتش أسمه "نكسن" Nexen
أنا شايفه كويس أوى أوى وباخد بيه نقر عادى خالص والحمد لله ولا الهوا
يعنى مش بعامله أى معامله خاصه
وبصراحه طول النهار أكحت فيه فى الرصيف وأنا بركن أو بطلع والراجل عامل بأصله الصراحه
أسأل عليه بردو
وربنا معاك

[M.almaghraby]

خليك فالكومهو لانك حضطر تغير الطقم كله علي 60 الف كيلو

[xShadow]

أنا من رأيي جيب حاجة نص نص دلوقتي تستحمل معك لحد ماتحتاج تغير ال كاوتش كلو، و لم تيجي تغير الطقم كلو هات بريدج ستون .. و أنا إن شاء الله ناوي لما أغير بردو أجيب بريدج ستون الكاتم للصوت ده

[Tamer86]

أنا رأيي بريدجستون يا تامر لأنه كمان أدائه كويس أوى
وبعديه الهانكوك
هو كدا كدا بينزل فى بعض العربيات الى عندنا من كوريا
ومع ذلك أنا بتاعتى جى معاها كاوتش أسمه "نكسن" nexen
أنا شايفه كويس أوى أوى وباخد بيه نقر عادى خالص والحمد لله ولا الهوا
يعنى مش بعامله أى معامله خاصه
وبصراحه طول النهار أكحت فيه فى الرصيف وأنا بركن أو بطلع والراجل عامل بأصله الصراحه
أسأل عليه بردو
وربنا معاك

ازايك يا نورمال؟
هو باين سمعة البريدجستن نظيفة قوي و مالي دماغي
بس هسأل على النكسن برضو اظن شوفتو عند معرض بس مااستفسرتش عنو

[Hosam_Optrawy]

ازايك حسام باشا

انت شايف كده؟

انا فعلا شفت عربيات سيراتو هانكوك بس مش 17
دول اساسي مش كده؟

انا بيهمني مايأثرش عالتوازن و الثبات بتاع العربية و ما تعملش بلالين عشان لوبروفيل و كمان شكلو يكون زي الكومهو الاصلي 17

عن الشكل انا عجبني الهانكوك و البريدجستن بس ماعرفش حاجة عن الاداء

كله هايعمل بلالين للاسف

هو المقاس دا كدا

انت بس خلى بالك

[Tamer86]

خليك فالكومهو لانك حضطر تغير الطقم كله علي 60 الف كيلو

ماهو الكومهو ما بينزلش غير مع العربية و مالقيتش في السوق عشان كده انا هغير مش عشان في مشكلة في الكومهو ابدا

انا لسه 20 الف و له بدري عال60 و تغيير الطقم ولازمني حاجة امان

متشكر يا دكتور

أنا من رأيي جيب حاجة نص نص دلوقتي تستحمل معك لحد ماتحتاج تغير ال كاوتش كلو، و لم تيجي تغير الطقم كلو هات بريدج ستون .. و أنا إن شاء الله ناوي لما أغير بردو أجيب بريدج ستون الكاتم للصوت ده

أصل بسافر كتير يا صاحبي و مقدرش اجري في العربية لو مش مطمن للكويتش و موضوع الامان
بس فعلا زي ما قلت البريدجستن شكلو كويس قوي

شكرا ليك

[Tamer86]

كله هايعمل بلالين للاسف

هو المقاس دا كدا

انت بس خلى بالك

اه معاك حق

بس الحمد لله سواقتي هادية و ببعد عن النقر و الحفر قد ماقدر

ماشي 20 الف في الكومهو الاساسي الحمد لله بدون اي مشكلة او بلالين
لولا المسمار الجامد اللي بوظلي الكويتش ده

[samer_007]

السلام عليكم

انا لقيت الموضوع دة وانا بقالي اسبوع بدور على عجل للعربية بتاعتي

سيراتو مقاس 16

عندي بلونة في العجل وماشي حوالي 40000

الي موجود في السوق وكويس وكل الناس بتشكر فية البريدجستون فعلا بس خلي بالك لانو منو انواع بحسب بلد الصنع

نصيحة علشان تقلل من البلونات ودة مش كلامي دة كلام واحد صاحبي عندة محل عجل

في حاجة اسمها Extra Load او XL ده بيني ان العجل علية شبكة حديد لتقوية الأجناب علشان تتحمل وزن اكبر وبالتالي لما تاخد مطب العجل مش بيطبق بسهولة وبيتحمل

نصيحة بلاش نيكسون وخليك في البريدجستون او الميشلين


اخوكم سامر

[Tamer86]

السلام عليكم

انا لقيت الموضوع دة وانا بقالي اسبوع بدور على عجل للعربية بتاعتي

سيراتو مقاس 16

عندي بلونة في العجل وماشي حوالي 40000

الي موجود في السوق وكويس وكل الناس بتشكر فية البريدجستون فعلا بس خلي بالك لانو منو انواع بحسب بلد الصنع

نصيحة علشان تقلل من البلونات ودة مش كلامي دة كلام واحد صاحبي عندة محل عجل

في حاجة اسمها Extra Load او XL ده بيني ان العجل علية شبكة حديد لتقوية الأجناب علشان تتحمل وزن اكبر وبالتالي لما تاخد مطب العجل مش بيطبق بسهولة وبيتحمل

نصيحة بلاش نيكسون وخليك في البريدجستون او الميشلين


اخوكم سامر

متشكر صديقي

هو Extra load أو XL بيكون مكتوب عالكويتش؟؟ أو فين بالزبط؟؟

[Ahmed Samy]

انا قطعت و عملت بلالين في تلات فرد

غيرت واحدة بكومهو فييتنامي و شغالة

و غيرت اتنين بنيكسين كوري

نيكسين أفضل من الكومهو

أحن و أكثر مقاومة للبلالين



أو عى تشتري فردة 17 غالية

كله رايح في البلونة

تحيا مصر و شوارع مصر و نقر شعب مصر الأصيل