أسعار السيراتو أنهارده ؟ خليجي وتوكيل ؟

[Ahmed Amin]

ممكن نعرف أسعار السيراتو أنهارده موديل 2010 و 2011 ؟
وأي معرض ترشح لحسن معاملته وأي معرض تحذر منه.

كم كان سعر موديل 2010 أول السنة ودلوقتي ؟ وما الجديد بموديل 2011 عن 2010 ؟

وهل الأفضل خليجي أم توكيل ؟ هل الخليجي له ضمان ؟
وما الفرق بينهم . وأيهما تفضل

أعتذر عن كثرة الأسئلة ولكتني أتمني الأجابة لحيرتي.

[mohammed_abas_7]

متابع باهتمام ............

[abdallahyassin]

انا كمان متابع باهتمام
يارب حد يرد علينا ويدينا المفيد ان شاءالله

[ابو ليلى]

ممكن نعرف أسعار السيراتو أنهارده موديل 2010 و 2011 ؟
حدد بس المواصفه اللى حضرتك تقصدها لان السيراتو موجود منها انواع كتير

وأي معرض ترشح لحسن معاملته وأي معرض تحذر منه.

لو اشتريت توكيل هتلاقى فى اى معرض زياده حوالى الف او الفين فوق السعر الرسمى

لو وكيل طبعا بتروح للموزع المعتمد الاول لو ملقتش المواصفه المطلوبة شوف بالترتيب

جابر عبد الشهيد - سمير ريان لان دول اللى ممكن يبعولك كاش وقسط انما اى معرض تانى

صعب انه يبعلك كاش

كم كان سعر موديل 2010 أول السنة ودلوقتي ؟ وما الجديد بموديل 2011 عن 2010 ؟

نفس الاجابة حدد المواصفه ...... لا يوجد جديد ظهر حتى الان بين الموديلات غير تنويع الاوبشن

وهل الأفضل خليجي أم توكيل ؟ هل الخليجي له ضمان ؟
وما الفرق بينهم . وأيهما تفضل

من حيث العربية لا يوجد فرق غير فى الاوبشن فقط والافضل طبعا وكيل لو لقيت فيه احتباجتك من

موديل - الوان - العربية موجوده من غير انتظار
ملقتش يبقى خليجى لو مستعجل هتلاقى كل اللى انت عاوزه وارخص من الوكيل

الخليجى بتشتريله ضمان بيكون فى الاغلب تبع المعرض وده مهم جدا فى حالة اشتريت خليجى وبيكون ما بين 900ج الى 2500 جعلى حسب عدد السنين

انا شخصيا افضل الوكيل .





أعتذر عن كثرة الأسئلة ولكتني أتمني الأجابة لحيرتي.

واسف اذا تم الرد عليك متأخرا

[abdallahyassin]

انا اتصلت النهارده بالوكيل وسئلت على الفئه اللى هيا sx sr اللى هيا زى اخر فئه بس من غير البصمه والفرش الجلد وقالى انها ب 119.900 جنيه
ونفس الفئه دى اتصلت بجابر عبد الشهيد قالى ب 115 مع زياده فى بعض الكماليات كمان
وقالى ان ال 2011 خلاص نازل فعليا من يوم 5-7 ان شاءالله وانهم بيخلصو من 2010 بس انا مش مصدق الكلام ده والله اعلم

وعلى فكره انا اتصلت بالوكيل وسئلته كذا سؤال يمكن يفيد غيرى ":

لو العربيه خليجى ايه موضوع انى ادخلها الضمان؟
قالى مش ضمان دى حتدخلها الصيانه وتدفع 4000 وليست الضمان

طب ايه لزمه الضمان . يعنى ايه اللى يخلينى اشترى من عندكم ؟
قالى ان الضمان على عيوب الصناعه
بمعنى لو العربيه طلع فيها حاجه بايظه كعيب صناعه حيغيروها

طب ينفع نفس الفئه الى ب جنط 17 اغير الجنط واخليه 16 حتى لو حدفع مقابل مادى؟
قالى مينفعش خااااااالص الكلام ده مش ممكن
قولتله ولا حتى ادفع 1000 جنيه ويتغير
قالى لا يا فندم مش ممكن العربيه بتنزل زى ما هيا
قولتله انا سمعت موضوع ال 1000 ده
قالى مش صحيح
وكان ده واحد من كيا فرع روكسى ومش فاكر اسمه تقريبا هشام حاجه تقريبا


ومن كلامى مع جابر عبد الشهيد انهم بيقدرو يوفروا كل اللى انت عايزه

بس انا لحد دلوقتى مقلق من الخليجى ومش عارف الصح من الغلط الصراحه محتار اوى

[Ahmed Amin]

الف شكر يا أبو ليلي. كلك زوق بصراحة
وأنا قريت موضوع حضرتك من كام يوم مبروك علي العربية وربنا يكفيك شرها وشر العين يارب وتكون حالتها أفضل من الأول.
أنا هاخد لفة تاني لأني أما سمعت أسعار كتير قلقت وبقيت حيران وهستني شوية أما الدنيا تهدي بعد ال 2011 ما تنزل وتاخد سوقها.

بس انا لحد دلوقتى مقلق من الخليجى ومش عارف الصح من الغلط الصراحه محتار اوى

أنا زيك وكنت عايز أجيب الخليجي وكنت وما زلت قلقان
بس عايزك قبل ما تفكر تشتري الخليجي تقرأ موضوع أبو ليلي كويس
وتاخد بنصيحته زي مانا هاخد بيها إن شاء الله لو كان في نصيب وجبت سيراتو أنها تكون توكيل..
مع أني مش حابب أسلوب التوكيل في الرد علي العملاء وأسلوب البيع بسعر أعلي من السوق وأحتكارة للصيانه للعربيات اللي تباع من عنده فقط.
لأنه مفروض توكيل يعني ويشمل كل العربيات الكيا !!
المهم لنك الموضوع أقراه كويس

http://www.nilemotors.net/Nile/152992-a.html

وربنا يوفقك ومتنساش تدعي لأبو ليلي ربنا يكرمه و علي تعبه في كتابته الموضوع وتوصيل تجربته دي لينا.