Tweet
السلام عليكم أحبائى بالمنتدى قبل ما هتكلم عن انطباعى فى التعامل مع فرع ابو رواش سوف أتحدث بإختصار عن إنطباعى عن السيارة نيو سيراتو.
أولاً أنا معايا كيا سيراتو 2010 هاى لاين بصراحة يا جماعة انا كان معايا بيجو وكنت خايف من الكورى جداً بس لما استلمت العربية وركبتها والله بسم الله ما شاء الله ثبات ، قوة موتور ، رفاهية ، العربية يا جماعة بجد تمام بس كنت فى الأول متضايق من العفشة بس لما عملت صيانة الألف حسيت ان العفشة نعمت شوية انا طول عمرى بسوق بيجو بس بصراحة السيراتو مش حاسس معاها بإختلاف.
انا مش عايز اتكلم بالتفصيل عن السيارة لأن أعضاء المنتدى اتكلموا كتير انا اليوم بتكلم عن إنطباعى عن صيانة الـ 1000 فى أبو رواش :
* انا حجزت بالتليفون يوم الخميس الساعة 8 صباحاً وكنت الأول وصلت الساعة 7.45 التوكيل وجدت عربية بيكانتو وواخدة رقم 1 إزاى مش عارف وانا اعطوا سيارتى رقم 2 قلت يا واد مش مهم هيدخلوا مع بعض.
* الساعة حوالى 8.10 لقيت المهندس خالد فاروق واقف رحت سلمت عليه وعرفته بنفسى بصراحة راجل جميل استفسرت منه عن شوية حاجات فى العربية وخصوصا العفشة وقالى العربية بعد صيانة الألف هتحس بفرق كبير والعفشة بمرور الأيام بتنعم وطبعاً كعادته مع اعضاء المنتدى وصى المهندس على السيارة صحيح المهندس معملش حاجة (وده إلى هتعرفوا بعد كده) بس أهو الراجل عمل إلى عليه وخلاص.
* كتب المهندس الملاحظات وطلبت منه غسيل الموتور بالفوم وقالى تكلفة صيانة الألف 310 جنيه قلت تمام قالى انزل فى الإستراحة انتظر السيارة نزلت الإستراحة وجدت شاشة البيانات لا تعمل فقلت لعامل البوفيه هى عطلانه ولا ايه قالى ثوانى هطلع اخليهم يشغلوها حتى الساعة العاشرة لم تعمل الشاشة وانا جالس وعلى امل يمكن لسة بيكتبوا بيانات العربيات يمكن .... وبعدين قلت اقوم اشوف أيه الأخبار بنفسى وجدت السيارة خلصت ومنقوعة فى الشمس ولا حتى يندهوا على فى الميكروفون ناس ذوق ذوق الصراحة قلت يا عم كبر دماغك ، رحت على المهندس وسألته العربية خلصت قالى ايوه روح الخازنه وادفع الفلوس رحت الخازنه قالولى المهندس ما جابش الورق رحت للمهندس قالى حاضر (طيب يا عم بتبعتنى ليه ؟) ده سؤال بسأله لنفسى فى سرى المهم قلت اروح ابص على العربية لقيتها مغسوله من بره وغسله اعتقد انها بالمياه فقط لان الكاوتش واضح انه مش مغسول بصابون فتحت العربية وجدت تراب على الكراسى وعلى التابلوه وفرش الابواب فرحت للمهندس وقلت له الكلام ده نده لعامل وقاله يا فلان بفوطه مبلوله وطوق العربية للباشا (والله ناس عسل يا أخونا) والله يا جماعة بزعل لما بلاقى واحد عنده لا مبالاه كده ويحمل الجنسية المصرية - المهم دفعت الفلوس وسألت على الضمان قالى المهندس نازل من فوق مر نصف ساعة ولا شفت حاجة رحت له وقلت له فوق فين وانا اطلع اجيبه وصفلى المكان إدارة الضمان رحت لقيت الباب مغلق سألت السكرتيره قالتلى ثوانى هشوفهم فين اتصلت بمهندسة وقالت لها انا فى اجتماع وهخرج له بعد عشر دقائق وخد عندك يا صحبى نصف ساعة رحت مغلس على السكرتيره راحت طلعت المهندسة وذهبنا للمكتب وفتحت الكمبيوتر وبعد شوية قالولى انت استلمت الضمان ازاى يا جماعة انا لسة اول مرة اجى اعمل صيانة الألف قالولى لأى الجهاز قدامنا اهو بيقول انت استلمت الضمان والله يا جماعة ما استلمت حاجة فين وفين افتكروا انهم نزلهولى على تحت - رحت نازل تحت عند واحده جنب الاستاذ بتاع قطع الغيار سألت على الضمان قالتلى مفيش حاجة نزلت وقعدوا يدورا عليه وبعدين وجدوه مع واحد قاعد معاهم فى نفس المكان وصاحبنا ولا هو هنا بصراحة يا جماعة انا بحسد نفسى على هدوء اعصابى - المهم اخدت الضمان.
* قلت اسأل على دواسات الأرضية الأصلى فى شيخ كده هو المختص بقطع الغيار راجل مش عارف كل ما تسأله على حاجة يرد وهو مكشر وكأنه بيفرق قطع الغيار ببلاش المهم صباح الخير يا عم الشيخ دواسات الارضية الأصلى بتاعت النيو سيراتو موجوده قالى ايوه لسه جاية امبارح رحت سايبة لما لقيته مش طايق نفسه ورحت اشوف الدواسات تستاهل ال750 جنيه ولا لأ سألت قالولى مش موجوده قلت مش موجوده ازاى يا جماعة ده الشيخ بره شاف على الكمبيوتر وقالى جت امبارح - قالولى هو مش عارف.
المهم زهقت ومشيت وانا نادم على التعامل مع هذا التوكيل ونفسى اروح مكان محترم يعامل الناس بإحترام بمعنى انه يحترم الشخص إلى امامه ويحترم وقته ويعطيه خدمة بقدر الفلوس إلى اخدها.
أسف على الإطاله بس كان لازم انقل تجربتى مع فرع ابو رواش - انا بكره هذا المكان
أولاً أنا معايا كيا سيراتو 2010 هاى لاين بصراحة يا جماعة انا كان معايا بيجو وكنت خايف من الكورى جداً بس لما استلمت العربية وركبتها والله بسم الله ما شاء الله ثبات ، قوة موتور ، رفاهية ، العربية يا جماعة بجد تمام بس كنت فى الأول متضايق من العفشة بس لما عملت صيانة الألف حسيت ان العفشة نعمت شوية انا طول عمرى بسوق بيجو بس بصراحة السيراتو مش حاسس معاها بإختلاف.
انا مش عايز اتكلم بالتفصيل عن السيارة لأن أعضاء المنتدى اتكلموا كتير انا اليوم بتكلم عن إنطباعى عن صيانة الـ 1000 فى أبو رواش :
* انا حجزت بالتليفون يوم الخميس الساعة 8 صباحاً وكنت الأول وصلت الساعة 7.45 التوكيل وجدت عربية بيكانتو وواخدة رقم 1 إزاى مش عارف وانا اعطوا سيارتى رقم 2 قلت يا واد مش مهم هيدخلوا مع بعض.
* الساعة حوالى 8.10 لقيت المهندس خالد فاروق واقف رحت سلمت عليه وعرفته بنفسى بصراحة راجل جميل استفسرت منه عن شوية حاجات فى العربية وخصوصا العفشة وقالى العربية بعد صيانة الألف هتحس بفرق كبير والعفشة بمرور الأيام بتنعم وطبعاً كعادته مع اعضاء المنتدى وصى المهندس على السيارة صحيح المهندس معملش حاجة (وده إلى هتعرفوا بعد كده) بس أهو الراجل عمل إلى عليه وخلاص.
* كتب المهندس الملاحظات وطلبت منه غسيل الموتور بالفوم وقالى تكلفة صيانة الألف 310 جنيه قلت تمام قالى انزل فى الإستراحة انتظر السيارة نزلت الإستراحة وجدت شاشة البيانات لا تعمل فقلت لعامل البوفيه هى عطلانه ولا ايه قالى ثوانى هطلع اخليهم يشغلوها حتى الساعة العاشرة لم تعمل الشاشة وانا جالس وعلى امل يمكن لسة بيكتبوا بيانات العربيات يمكن .... وبعدين قلت اقوم اشوف أيه الأخبار بنفسى وجدت السيارة خلصت ومنقوعة فى الشمس ولا حتى يندهوا على فى الميكروفون ناس ذوق ذوق الصراحة قلت يا عم كبر دماغك ، رحت على المهندس وسألته العربية خلصت قالى ايوه روح الخازنه وادفع الفلوس رحت الخازنه قالولى المهندس ما جابش الورق رحت للمهندس قالى حاضر (طيب يا عم بتبعتنى ليه ؟) ده سؤال بسأله لنفسى فى سرى المهم قلت اروح ابص على العربية لقيتها مغسوله من بره وغسله اعتقد انها بالمياه فقط لان الكاوتش واضح انه مش مغسول بصابون فتحت العربية وجدت تراب على الكراسى وعلى التابلوه وفرش الابواب فرحت للمهندس وقلت له الكلام ده نده لعامل وقاله يا فلان بفوطه مبلوله وطوق العربية للباشا (والله ناس عسل يا أخونا) والله يا جماعة بزعل لما بلاقى واحد عنده لا مبالاه كده ويحمل الجنسية المصرية - المهم دفعت الفلوس وسألت على الضمان قالى المهندس نازل من فوق مر نصف ساعة ولا شفت حاجة رحت له وقلت له فوق فين وانا اطلع اجيبه وصفلى المكان إدارة الضمان رحت لقيت الباب مغلق سألت السكرتيره قالتلى ثوانى هشوفهم فين اتصلت بمهندسة وقالت لها انا فى اجتماع وهخرج له بعد عشر دقائق وخد عندك يا صحبى نصف ساعة رحت مغلس على السكرتيره راحت طلعت المهندسة وذهبنا للمكتب وفتحت الكمبيوتر وبعد شوية قالولى انت استلمت الضمان ازاى يا جماعة انا لسة اول مرة اجى اعمل صيانة الألف قالولى لأى الجهاز قدامنا اهو بيقول انت استلمت الضمان والله يا جماعة ما استلمت حاجة فين وفين افتكروا انهم نزلهولى على تحت - رحت نازل تحت عند واحده جنب الاستاذ بتاع قطع الغيار سألت على الضمان قالتلى مفيش حاجة نزلت وقعدوا يدورا عليه وبعدين وجدوه مع واحد قاعد معاهم فى نفس المكان وصاحبنا ولا هو هنا بصراحة يا جماعة انا بحسد نفسى على هدوء اعصابى - المهم اخدت الضمان.
* قلت اسأل على دواسات الأرضية الأصلى فى شيخ كده هو المختص بقطع الغيار راجل مش عارف كل ما تسأله على حاجة يرد وهو مكشر وكأنه بيفرق قطع الغيار ببلاش المهم صباح الخير يا عم الشيخ دواسات الارضية الأصلى بتاعت النيو سيراتو موجوده قالى ايوه لسه جاية امبارح رحت سايبة لما لقيته مش طايق نفسه ورحت اشوف الدواسات تستاهل ال750 جنيه ولا لأ سألت قالولى مش موجوده قلت مش موجوده ازاى يا جماعة ده الشيخ بره شاف على الكمبيوتر وقالى جت امبارح - قالولى هو مش عارف.
المهم زهقت ومشيت وانا نادم على التعامل مع هذا التوكيل ونفسى اروح مكان محترم يعامل الناس بإحترام بمعنى انه يحترم الشخص إلى امامه ويحترم وقته ويعطيه خدمة بقدر الفلوس إلى اخدها.
أسف على الإطاله بس كان لازم انقل تجربتى مع فرع ابو رواش - انا بكره هذا المكان
.gif "Mahf(5)")
Comment