لأصحاب الخبرة مشكلة تعبتنى جدا فى سيفيا 99 اوتوماتيك

[solom_eslam_2008]

في مشكلة بيقع فيها اي فني فيشة حساس البوابة وفيشة حساس الايدل الاتنين زي بعض بالظبط وبيركبوا مكان بعض دي حاجة والحاجة التانية ان الكاتينة لو مش مظبوطة او فيها سنة واحدة بس تعمل كدة لان انتا عندك حساس كامة

[samirayad]

بحس ان العربية بتزوم و rpm بيعلى شوية وينزل تانى ساعات وهى ماشية وساعات وهى واقفة وقبل ما تبطل لمبة الأعطال بتنور

طبعا بنشكر الأخ max_zero

لتوضيح الدياجرام الهندسى لدواير الكنترول

ولفت نظرى موضوع علبة الكانستر

ومع الكلمتين اللى أنا أقتبستهم من كلام الأخ : صاحب المشكله

المفروض نعرف

هل قام بالأطمئنان على عمل علبة الكانستر ولا لا

لأن لو خرطوم تصريف الهواء الموجود على العلبه ومفتوح على الجو
كان مسدود

أو حساس فتح بنزين العلبه وأرساله لمجمع هواء الدخول كان فيه مشكله

حتحصل مشاكل زى اللى موجوده حاليا وتبطل المكنه معاه بسبب

توافر الفرصه لظاهرة الأنسداد البخارى vapour lock

يعنى دايرة البنزين حتبقى مليانه هواء بالهبل ( لأن مفيش هواء بيتصرف من علبة الكانستر للجو )

وبكده حيكون العيب فى دايرة البنزين


__________________________

والحقيقه النت تعبان عندى جدا اليومين دول
ومعرفتش أنزل الكتالوج حتى
والصور بتنزل بصعوبه

بس ماشى الحال
وحنفكر من خلال الدياجرام الموضوع حاليا

[samirayad]

وبمعنى آخر

لو منظومة التخلص من أبخرة البنزين مكنتش شغاله صح

وبيتم التخلص من الهواء المختلط بالبنزين فى الدايره صح

المكنه حتبطل مع تشبع دايرة البنزين بالبخار الكثيف ( هواء + بنزين )

يعنى طلمبة البنزين حتضخ بنزين مشبع بهواء كتير

وبالتالى الرشاشات فى بعض الأحيان مش حضخ بنزين صح

وبالتالى المكنه من الوارد تبطل فجائيا

[gaballa1971]

شكرا لجميع الأخوة الأعضاء لمساهمتم لحل المشكلة وخصوصا الباشمهندس سمير والأخ ماكس الرائع بصراحة انا مش عارف اقول ايه ربنا يخليكو
والحمد لله المشكلة اتحلت بعد تعب كثير وكانت فى صمام يسمى egr خاص بإعادة تدوير غازات العادم لآنه بيتسد من كثرة الكربون ومن البنزين المغشوش للأسف مع انى بحط 92
وياريت لو الأعراض دى ظهرت عند اى اخ من الأ عضاء يستفيد من هذه التجربة لأن الصمام ده سمعت انه لازم يتغير على 50 او 60 الف كم
وشكرا لسعة صدركم

[samirayad]

الحمد لله

ومبروك يا أخى

[max_ziro]

الحمد لله انها تمت بخير و اتحلت
و العفو ياباشا انا معملتش حاجة ولله ..

[godaa]

ممكن يكونالكنترول فى مشكله