هل الكيا نيو سيراتو بها تقنية cvvt

[mohnd2]

السلام عليكم ورحمة الله وبركاتة

هل الكيا نيو سيراتو بها تقنية cvvt ولا لا يوجد وهل والتقنية دى

جيدة ام رديئة وهل موجودة بالالنترا ولا لا وما معناها

ارجو الرد

[mohnd2]

اية دة مفيش ولا رد

[yoko]

العربيات الجديده كلها فيها الcvvt وطبعا التكنولوجيا ديه مفيده جدا وكل فكرتها إنها بتحسن المنحنى بتاع العزم بتاع العربيه

[yasserelsayad]

الـ cvvt دا اختصار لـ Continuous variable valve timing والتقنية دى لها مسميات مختلفة فى كذا ماركة
زى Double VANOS فى BMW
VVT فى فورد
DVVT فى دايهاتسو
i-VTEC فى هوندا
MIVEC فى ميتسوبيشى
CVTCS فى نسيان
VVT-i فى تويوتا
CPS فى بروتون
VarioCam فى بورش
S-VT فى مازدا

[tarekabosdera]

السلام عليكم ورحمة الله وبركاتة

هل الكيا نيو سيراتو بها تقنية cvvt ولا لا يوجد وهل والتقنية دى

جيدة ام رديئة وهل موجودة بالالنترا ولا لا وما معناها

ارجو الرد

محرك السيراتو هو نفس محرك الالنترا مع اختلاف طفيف جدا
والاتنين فيهم cvvt والتقنية ده متطورة طبعا ولها فوايد كتير منها اقتصاد استهلاك البنزين واعطاء اكبر عزم ممكن
لكن زي ما قال الاخ بتختلف المسميات من عربية لعربية لكن بتختلف برضه المواصافات الفنية في كل شركة

[gazzar91]

الـ cvvt دا اختصار لـ continuous variable valve timing والتقنية دى لها مسميات مختلفة فى كذا ماركة
زى double vanos فى bmw
vvt فى فورد
dvvt فى دايهاتسو
i-vtec فى هوندا
mivec فى ميتسوبيشى
cvtcs فى نسيان
vvt-i فى تويوتا
cps فى بروتون
variocam فى بورش
s-vt فى مازدا

أحب بس أضيف حاجة بعد إذن حضرتك يا ياسر
الإختلاف مش في الإسم بس.. الإختلاف كمان في آلية تغيير تزامن فتح الصبابات على حسب السرعة الدورانية للمحرك...
بس الغرض واحد.. إحتراق أفضل على السرعات الدورانية rpm العالية... والله أعلم...
آسف للاختصار بس عندي صداع هيفرتك نافوخي!!!!
في رعاية الله...

[mido_1311]

الـ cvvt دا اختصار لـ Continuous variable valve timing والتقنية دى لها مسميات مختلفة فى كذا ماركة
زى Double VANOS فى BMW
VVT فى فورد
DVVT فى دايهاتسو
i-VTEC فى هوندا
MIVEC فى ميتسوبيشى
CVTCS فى نسيان
VVT-i فى تويوتا
CPS فى بروتون
VarioCam فى بورش
S-VT فى مازدا

و التقنيه دي مش موجوده في الهيونداي ولا ايه

[gazzar91]

و التقنيه دي مش موجوده في الهيونداي ولا ايه

هي نفسها cvvt بتاعة كيا بس مش في الفيرنا للأسف
والله أعلم
في رعاية الله...

[gazzar91]

العربيات الجديده كلها فيها الcvvt وطبعا التكنولوجيا ديه مفيده جدا وكل فكرتها إنها بتحسن المنحنى بتاع العزم بتاع العربيه

إيه يا هندزة...
مش كل قط يتقاللو يا مشمش
أستاذ ياسر جاب المفيد في حوار الأسماء على فكرة

[mido_1311]

إيه يا هندزة...
مش كل قط يتقاللو يا مشمش
أستاذ ياسر جاب المفيد في حوار الأسماء على فكرة

الف شكر يا بوب

[yoko]

إيه يا هندزة...
مش كل قط يتقاللو يا مشمش :c_laugh[1]::c_laugh[1]:
أستاذ ياسر جاب المفيد في حوار الأسماء على فكرة

ههههههههه
عارف بس زي ما إنت عارف إني عاين فجبت المختصر

[gazzar91]

ههههههههه
عارف بس زي ما إنت عارف إني عاين فجبت المختصر

قصدك إنك لسة عيان؟؟!!!!
ليه كده؟؟!!!
طمني عليك...
في رعاية الله...

[moha4tec]

الـ cvvt دا اختصار لـ Continuous variable valve timing والتقنية دى لها مسميات مختلفة فى كذا ماركة
زى Double VANOS فى BMW
VVT فى فورد
DVVT فى دايهاتسو
i-VTEC فى هوندا
MIVEC فى ميتسوبيشى
CVTCS فى نسيان
VVT-i فى تويوتا
CPS فى بروتون
VarioCam فى بورش


تمام التمام يا باشا
انا هنقلكوا من موقع تانى معنى ال cvvt
الموضوع منقووووووووووووووووول
مبدأيا V اختصار ل VALVE صمام ( سحب او عادم) و كمان اختصار ل VARIABLE يعنى متغير
فلما تشوفها مكتوبة يبقى تعرف ان الماتور ده فى تكنوجيا التحكم فى توقيتات فتح الصمامات
و ده طبعا بيدى اداء افضل (عزم عالى على مدى RPM واسع) و توفير بنزين و قدرة حصانية عالية و سعة لترية اقل


العزم و ال rpm و علاقتهم بالقدرة (الحصان)
القدرة = العزم rpm X ( علشان تتخيلها جرب سوق عجلة ببدال حتلاقى فى الطلعة الاولانية محتاج عزم عالى من رجلك و بتكون لسة بطىء يعنى عدد لفات رجلك قليلة rpm قليل و لما سرعتك تزيد تلاقى البدال بيخف تدريجيا لغاية لما توصل لاقصى rpm الى هى اقصى سرعة تقدر تبدل بيها تلاقيك مش قادر تقدى عزم على البدال و مش بعيد فى منزل تلاقى البدال عزمة صفر لان قدرتك كده يا توزعها عزم عالى مع rpm قليل يا rpm عالى مع عزم قليل )
لذلك تجد فى مواصفات بعض السيارات انها تحقق اعلى قدرة حصانية عند RPM عالى (و ده يترجم الى قدرة وصول السيارة الى سرعات عالية)
و تحقق اعلى عزم عند RPM اخر متوسط ( و ده يترجم الى قدرة العربية على التسارع (اكتساب السرعة فى وقت قصير)) و ده يفسر مواتير الجاز زى النص نقل تلاقيها 80 حصان بس عزمها جبار يخليها تقدر تجر اوزان ثقيلة بس متقدرش توصل لسرعات عالية زى الملاكى ( مواتير البنزين )
و فى المواتير المتطورة زى ال V-TECH و ال valvetronic دى بتدى اقصى عزم على مدى rpm واسع يعنى بالبلدى العربية تبقى فايقة من اول النقلة لاخرها و ده نتيجة لان الكامات الموجودة على عامود الكامة بتغير وضعها على العامود ( و ده بيدى توقيتات متغيرة لفتح و قفل صمامات السحب و العادم و كذلك زمن متغير للتراكب ما بين فتح الصمامان و بكده بيحقق اعلى عزم من مثلا rpm 2000 حتى rpm 4500)عكس المواتير العادية الكامات متخلقة مع العامود فاعلى عزم عند rpm واحد فقط مثلا 3400

المحركات العادية زى E TEC الموجود فى اللانوس مثلا
عامود الكامة مخلق عليه الكامات فده حيدى اعلى عزم عند RPM محدد مثلا 3400 فى اللانوس
و يعطى اقصى قدرة عند RPM عالى مثلا 5600 و ده نتيجة ان توقيت فتح و قفل الصمامات ثابت و عيب المواتير دى انها متقدرش تحقق اعلى استفادة من عملية الحرق فبالتالى استهلاك بنزين عالى لان هما لما صمموا الكامات حاولوا يستفيدوا بوضع وسط لتحقيق اعلى استفادة ممكنه عند RPM متوسط (لان لو خلوها كويسة على RPM منخفض يبقى حيخسرو الاداء على ال RPM الوسط و العالى و هكذا لو عملوها على العالى حيخسروا الاداء على ال RPM الواطى علشان كده اختاروها فى النص)

اما المواتير VVT-i Variable Valve Timing with Intelligence زى الموجودة مثلا فى الكورولا 1300CC (مع اختلاف المسميات) مثلا بالرغم انه اصغر من ماتور اللانوس بس اداؤه متفوق عنه لان الكامات المركبه على عامود الكامة ممكن تغير وضعها بالنسبة لعامود الكامة مع تغير ال RPM فبالتالى حيبقى توقيت فتح و قفل صمامات السحب و الطرد متغير دائما للوصول بعملية الحرق لاقصى استفادة و توليد اكبر عزم على مدى RPM واسع بعكس ما قلناه سابقا
و فى تسميات متعددة للموضوع ده نتيجة لاختلاف الشركات المنتجة و اشهرهم
صاحبة السبق هوندا V TEC
تويوتا لما غارت منها عملت VVT I و ال I اختصار WITH INTELLIGENCE يعنى (بالذكاء) بيلسنوا على هوندا كان هوندا عملاه بغباء و ده طبعا مش صحيح انا بهرج كلهم كويسين
وفى Continuous variable valve timing CVVTهو بالعربى التوقيت المتغير الدائم للصمامات
و فى حاجات تانيه كتير
يعنى مثلا بيفكرو يلغوا عامود الكامة و يعملو ماتور كهربائى لكل صمام و يبقى التحكم فيه من خلال الكمبيوتر و ده حيبقى طفرة

فيه حروف زى TSI Turbocharger Supercharger Injection فى الفولكس و ده موضوع تانى خالص وده يخلى ماتور 1400 CC يوصل ل 170 حصان باستهلاك بنزين منخفط

و الى عايز يزود او يسأل يبقى شكرا جزيلا
و الله اعلم


S-VT فى مازدا

[mohnd2]

اسف جدا على عدم المتابعة

واشكر كم جميعا على المعلومات