إعـــــــلان

Collapse

.

,
See more
See less

لكل اللى بيحب وبيكره كيا سيراتو , شوفوا الموضوع دا

Collapse
X
 
  • Filter
  • الوقت
  • Show
Clear All
new posts

  • #16
    تسلم ايديك على الموضوع الجميل

    بس احب ابدي رأيي على بعض الردود


    مع احترامي للجميع أولا .. مش محتاجة كلام

    احنا مينفعش نقارن كوري بالماني !!

    بس لو هتيجي تقارن وماله ..

    الماني قوة وشكل ومعمرة .. بس تعالى لو خبطتلك فانوس قولي هتدفع كام فيه !!

    ولا مقص اتكسر لا قدر الله !! مبلغ وقدره !! وكمان ده لو لقيتها الماني الماني في مصر ومكنتش مستوردها كمان او بتتجمع زي كورولا مثلا في جنوب افريقيا !!


    اه الالماني مش عايز مقارنة مع غيره ولا حتى الياباني .. بس كل حاجة وليها ناسها وليها مميزاتها وعيوبها

    الماني قوي وشكل .. بس سعر عربياته غالية وقطع غياره غالية ومش أي حد يصلحه !!

    ياباني .. ممتاز مش عايز كلام بس ده لو كان ياباني 100% ومفيش على ما اعتقد ياباني 100% دلوقتي في مصر .. نادر قوي
    وكمان شوف اسعارهم ايه دلوقتي ..لانسر 2010 كاملة بومة في حدود 130 الف جنيه !! اتمنى مكونش غلطان وارحب بأي تصحيح في المعلومات

    :)

    السيراتو او الكوري عموما منكرش ان فيه عيوب .. مثلا جنط 17 !! حاجة بسيطة !! مقارنة بسعر العربية الممتاز.. محتاجة قطع غيار وماله رخصية مقارنة بالالماني او الياباني ..

    تجميعها ممتاز من 0-100 .. وده اللي هتحتاجة .. لانك مش هتتسابق كل يوم مثلا ولا حتى هتجري فوق ال 120 عشان المخالفات اللي بتيجي حتى لو انت مش ماشي بالعربية :)
    [CENTER][mshosh3]http://img443.imageshack.us/img443/8327/image418copy.jpg[/mshosh3][/CENTER]

    Comment


    • #17
      بسم الله الرحمن الرحيم .. الاخ العزيز محمد حمدى حضرتك قولت ان معلوماتى ضعيفة جداا بس انا فى كلامى مقولتش اى معلومات عن اى حاجة الكلام كلام عام عن شبابنا فى مصر انه بيحب شكل العربية بس مش اكتر بيحب يتمنظر وانا بأكد ان واحد عاوز يتمنظر بالعربية وبيفهم مش هيشترى سيراتو لاننا عمرنا ما سمعنا حد بيقول دى راكب سيراتو ... انما بنسمع ده راكب بى ام راكب ميرسيدس راكب اوكتافيا راكب رينو راكب بيجو و اظن كلنا شباب وعارفين الكلام ده كلها وشكرا على النصيحة بصراحة ده كان اول موضوع عن السيراتو اقراه .. شكرا يا باشا

      و الاخ العزيز Gundal حضرتك عارف قيمة الاوربى وان محدش يقدر يقارن الكورى بأى عربية اوربية او يجيب شركة كيا لاقل شركة عربيات فى اوربا الفرق شاسع ومعظم الناس عارفة بس احب اوضح ان انا مثلا او اشتريت عربية لازم اقول عليها أحسن عربية مش فى الدنيا لا فى العالمين عشان دى فلوسى اللى انا شقيان فيها انا مراعى ده كويس لكن من الذكاء والعقل ان احط فلوسى فى عربية ذات جودة وقيمة ومحترمة عربية قوية متينة تستحمل السنين سيبك من فرق السعر بين الكورى والالمانى وخليك مع عقلك انا دلوقتى لما افكر اشترى سيراتو هاى لاين بكام 127000 تقريبا طيب انا ممكن ازود عشرة الالاف واشترى مثلا رينو فلوانس وفى الاخر اسمها شركة رينو حاجة نضيفة وموضوع قطع الغيار من ناحية الاسعار التفوق للكورى سعرها اقل تمام لكن عشان العربية اصلا رخيصة ومش ليها جودة عالية...

      وانا والله انا مش بهاجم العربية لكن بتكلم فى ان الواحد لو حكم عقله ممكن يوصل للحاجة الاحسن والافضل مش كل حاجة اهتم بالمظاهر والانوار اللى جوه العربية والحاجاات العجيبة دى

      Comment


      • #18
        المشاركة الأصلية كتبت بواسطة Taj مشاهدة المشاركة
        بسم الله الرحمن الرحيم .. الاخ العزيز محمد حمدى حضرتك قولت ان معلوماتى ضعيفة جداا بس انا فى كلامى مقولتش اى معلومات عن اى حاجة الكلام كلام عام عن شبابنا فى مصر انه بيحب شكل العربية بس مش اكتر بيحب يتمنظر وانا بأكد ان واحد عاوز يتمنظر بالعربية وبيفهم مش هيشترى سيراتو لاننا عمرنا ما سمعنا حد بيقول دى راكب سيراتو ... انما بنسمع ده راكب بى ام راكب ميرسيدس راكب اوكتافيا راكب رينو راكب بيجو و اظن كلنا شباب وعارفين الكلام ده كلها وشكرا على النصيحة بصراحة ده كان اول موضوع عن السيراتو اقراه .. شكرا يا باشا

        و الاخ العزيز Gundal حضرتك عارف قيمة الاوربى وان محدش يقدر يقارن الكورى بأى عربية اوربية او يجيب شركة كيا لاقل شركة عربيات فى اوربا الفرق شاسع ومعظم الناس عارفة بس احب اوضح ان انا مثلا او اشتريت عربية لازم اقول عليها أحسن عربية مش فى الدنيا لا فى العالمين عشان دى فلوسى اللى انا شقيان فيها انا مراعى ده كويس لكن من الذكاء والعقل ان احط فلوسى فى عربية ذات جودة وقيمة ومحترمة عربية قوية متينة تستحمل السنين سيبك من فرق السعر بين الكورى والالمانى وخليك مع عقلك انا دلوقتى لما افكر اشترى سيراتو هاى لاين بكام 127000 تقريبا طيب انا ممكن ازود عشرة الالاف واشترى مثلا رينو فلوانس وفى الاخر اسمها شركة رينو حاجة نضيفة وموضوع قطع الغيار من ناحية الاسعار التفوق للكورى سعرها اقل تمام لكن عشان العربية اصلا رخيصة ومش ليها جودة عالية...

        وانا والله انا مش بهاجم العربية لكن بتكلم فى ان الواحد لو حكم عقله ممكن يوصل للحاجة الاحسن والافضل مش كل حاجة اهتم بالمظاهر والانوار اللى جوه العربية والحاجاات العجيبة دى
        بص يافندم انا هاقولك خلاصة الموضوع من وجهة نظرى اولا مافيش حد فينا مش نفسة يركب بى ام الفئة التالتة او الخامسة او مرسيدس اى فئة من الفئات لان لو اى حد فينا ببساطة كدة ربنا كرمة بحاجة من دول مش هيفكر انة ينزل منها صح؟
        نيجى بقى للشباب ووجهة نظرهم بلاش اعمم خليها من وجهة نظرى انا انا جارى معاة هوندا سيفك 2009 الشيب الجديد مش حرام لما يكون شاريها full option ب 160 الف جنية ودلوقتى عايز يبعها مش هاقولك اتحطلك فيها كام عى شان ماتتخضش
        اما للرينو شوف كام واحد فى مصر راكبها بالتالى اسعار قطع الغيار واسعار اعادة البيع عاملة ازاى نفس الهوندا بالظبط والكلام دة عن تجربة انا بنزل سوق مدينة نصر كتير وبشوف بعينى الكلام دة ناهيك عن اسعار قطع الغيار هية غالية صحيح بس بتعيش انا على فكرة كان معاياة اوبل كورسا 2007 قعدت معايا كتير وماحلتش مسمار منها
        ان بالنسبالى لما اشترى السيراتو هكون مقتنع بيها هية مش سوبر كار بس بالنسبة لامكانياتى وفلوسى هاركب عربية محترمة وقطع غيار رخيصة وسعر اعادة بيع كويس
        فى النهاية الوربى عندى المانى فقط غير كدة الامور متشابها الى حد كبير
        لا الة الا انت سبحانك انى كنت من الظالمين

        Comment


        • #19
          الاخ العزير Mastr_n احترم وجهة نظرك لانها وجهة نظر محترمة جدا وتفكير سليم ... وفعلا الناس مختلفة كل واحد له ذوقه ووجهة نظره ودماغه .. بس عارف ايه اللى بيضايق انك تلاقى واحد جاى يقول انها عربية خطيرررة أحسن من عربيات تانية كتير والعربيات التانية عربيات جمده وليها اسم زى السيفيك زى الرينو زى البيجو حاجة تضايق فعلا ومستفزة احيانا اقول لسعادتك مثال فى بنزينة مرة كنت بغسل العربية جه اخ فاضل كان راكب سيراتو الجديدة وكان بيغسل برضه وانا معايا رينو الجديدة جاى يسألنى عن رأيى فى العربية بيتاعتى قلت والله كويسه الحمدلله قام قالى انا سامع عنها كلام مش حلو قلت له خير قولى يا اخى قالى بص قام فتح الباب اللى ورا وقفله قالى تقيل قلت بس كده قالى لا العربية مش حلوة اوووى عندك مثلا السيراتو أحسن عرفت انا ان الموضوع موضوع السيراتو وقلت فى نفسى بلاش تجادل الاحمق اللى معندوش سعة صدر وتفكير وقالى ان السيراتو احسن من عربيات تانية كتير زى السيفيك واحسن من عربيتى الفلوانس كان مستفز اووووى بس اقنعته ركبته العربية وخليته يشوف الرفاهية اللى جوه بصراحة خرج بهتان .... المهم الخلاصة من القصة ان معظم اصحاب السيراتو طالعين السما بيها على الفاضى انا مش بقلل منها والله العظيم على فكرة شكلها خطيرررر جداااا وابدعت كيا فى تصميمها لكن نحكم العقل قبل ما نتكلم بجد ورحم الله امرؤ عرف قدر نفسه وجزاك الله خير على ردك العزيز وجهة نظرك محترمة اووى

          Comment

          Working...
          X