اقصى سرعه ممكنه

[esslynx]

اولا و قبل كل شئ انا اسف لو الكلام ده هيزعل حد بس بصراحه برضه لو حد زعل يتفلق بغض النظر عن الموضوع السخيف اللى بقيت بشوفه كتير فى اى قسم هنا مش شرط قسم معين" ايه اقصى سرعه جبتها بالبطه البلدى اللى انت سايقها !!!" سخافه الموضوع انه على الاقل 90% سايقين عربيات اقل من 2000 cc يعنى من الاخر راكبين جمل مقارنه بالعربيات الحقيقيه اللى مليه الدنيا يعنى عمرى فى حياتى ما شفت زى الهبل بتاع انا جبت بالسيراتو 350 على طريق المريخ و لا جبت بالفيرنا 450 على طريق الدلنجات ايه الهطل ده يعنى انت كده بقيت رهيب عصرك ولا الحمدلله السفه بقى منتشر لدرجه العادى يا جماعه اللى بيحب يجرى ينزل يجرى على رجليه على الاقل اخره يوم ما يقع اخره يتعور و شكرا انما 210 ايه بالبصمه !!!! و فئات ايه و مواتير ايه ده احنا شعب مش لاقى ياكل و فرحان بالعضم اللى بيترمى له.. لما كل سنه فوق ال 60000 ايوه 60000 وفيات و اصابات علشان حوادث الطرق ناس فرحانه بالسرعات دى ..ابسط كلمه و برضه اللى يزعل يتفلق علشان الموضوع زاد اوى و الشوارع مش ملك جنابك انت و هو حتى و انت ماشى على طريق صحراوى و فاضى فى ناس ماشيه معاك و عذرك الوحيد انك تجرى لو معاك حد بيموت و برضه ساعتها مش هتجيب 200 و 300 و ارقام الطيارات اللى بتتكتب دى مش كيا و فيرنا
هى بس نصيحه اخيره اللى عايز ينتحر يجيب لتر بنزين و يولع فى نفسه بدل ما يولع فى غيره و ربنا يشفى كل مريض

[M.ABDEEN]

215 بالسيراتو على طريق محور التعمير بالساحل الشمالي
160 بالبيكانتو على طريق العين السخنة

[waleedelpiloot]

[QUOTE=moha4tec;3872792424]يا باشا النيو اسيراتو بتعدى ال 170 مع اى حد على اى طريق نظيف ,متخاطرش و تجرى على اى حته فى الدائرى (لانه فى حتت وحشه اوى )و فى حتتين نظاف وحده منهم فقط تقدر تقفل عداد اى عربيه مش السيراتو فقط و فى الحته دى انا جبت 205 بكل سهوله و كمان بسرعه ومن غير تعب و التجميع كان سريع عكس طريق مصر اسكندريه الصحراوى جبت ال 205 بالعافيه مووووووووووووووت و مسافه طويله و كمان وقت من 170 لحد ال 205 كتير و بالزات من ال 180 .

يعنى متجيش فى مطلع جامد و عاوزها تقفلك عداد كمان (حرام عليك اى عربيه مش هتجيب اكتر من كده )
هل الهوا ضدك
هل العربيه حالتها كويسه و مفهاش مشاكل و بعملها صيانتها الدوريه و الا لا
الكوتش و البلى او البيض و الجنوط فيها رفه و لا لا حجات كتير اوى تخلى العربيه متجبش سرعه عاليه تمام.
كمان مونت من اى بنزينه نظيفه و لا لا (مره مونت منبنزينه معفنه العربيه مكنتش بتجيب ال 150 الا بالعافيه لدرجة ان لانوس عدى منى و طار و زعلت اوى ,بس مع التفويله الجديده الاداء الحمد لله رجع تمام .


لا انا بعملها الصيانة فى التوكيل و كلو تمام والجنوط مظبوطة ونيتروجين 32
ممكن يكون فعلا الطريق او الهواة هية الحتة الى انتا بتقول عليها دى فين؟؟

[matrex777]

225 بجولف 6 كوبيه على طريق السخنه

200 سيراتو هاى لاين سعودى على المحور وانا رايح ميدان لبنان بس كان الساعه 4 الفجر

[DR.M]

ههههههههه
انا كده مش بسوق

من فضلكم بلاش السرعة
ربنا يسترها على كل مستخدمي الطرق

[moha4tec]

اولا و قبل كل شئ انا اسف لو الكلام ده هيزعل حد بس بصراحه برضه لو حد زعل يتفلق بغض النظر عن الموضوع (السخيف )اللى بقيت بشوفه كتير فى اى قسم هنا مش شرط قسم معين" ايه اقصى سرعه جبتها( بالبطه البلدى) اللى انت سايقها !!!" (سخافه) الموضوع انه على الاقل 90% سايقين عربيات اقل من 2000 cc يعنى من الاخر( راكبين جمل )مقارنه بالعربيات الحقيقيه اللى مليه الدنيا يعنى عمرى فى حياتى ما شفت زى(( الهبل بتاع انا جبت بالسيراتو 350)) على طريق المريخ و لا جبت ((بالفيرنا 450 ))على طريق الدلنجات( ايه الهطل )ده يعنى انت كده بقيت رهيب عصرك ولا الحمدلله (السفه )بقى منتشر لدرجه العادى يا جماعه اللى بيحب يجرى ينزل يجرى على رجليه على الاقل اخره يوم ما يقع اخره يتعور و شكرا انما 210 ايه بالبصمه !!!! و فئات ايه و مواتير ايه ده (احنا شعب مش لاقى ياكل و فرحان بالعضم اللى بيترمى له).. لما كل سنه (فوق ال 60000 ايوه 60000 وفيات) و اصابات علشان حوادث الطرق ناس فرحانه بالسرعات دى ..ابسط كلمه و برضه اللى( يزعل يتفلق)علشان الموضوع زاد اوى و (الشوارع مش ملك جنابك )انت و هو حتى و انت ماشى على طريق صحراوى و فاضى فى ناس ماشيه معاك و عذرك الوحيد انك تجرى لو معاك حد بيموت و برضه ساعتها مش هتجيب ((((200 و 300 و ارقام الطيارات))) اللى بتتكتب دى مش ((كيا و فيرنا))
هى بس نصيحه اخيره اللى عايز ينتحر يجيب(((( لتر بنزين و يولع فى نفسه)))) بدل ما يولع فى غيره و ((((((((((ربنا يشفى كل مريض)))))))))))

السلام عليكم
متشكرين استاذ esslynx و اسفك سبق مهاجمتك
انت معاك حق فعلا للى بيجرى فى اى حته و فرحان بالسرعه ,
و كمان موضوع المواتير ال 2000 cc اللى الناس مش عارفين يشتروها عشان غاليه .( ده مش زنبهم , و ايضا مش زنبهم ان العصر اللى احنا فيه اصبحت السياره مطلب ضرورى نظرا لبعد المسافات , و لتوفير الوقت و المجهود, و ايضا 1600 عشان توفير استهلاك البنزين عن ال 2000 cc و انت طالع .
و كل ده و الناس عيشه و متاقلمه (مش معنى انى اشترى عربيه من 60 الى 120 الف ان انا شحات ,و كمان مش معنى انى مبسوط و فرحان بالعربيه اللى حيلتى ان انا ........... زى اللى حضرتك قلته و كلام العضمه ده ,او انى كلب مثلا .و الا هى الكحكه فى ايد اليتيم عجبه .
و ايضا اللى معاه عربيه 3000cc , 4000cc <200000000000cc انه مبسوط بيها و نديله الحق كمان انه يجرى زى ما هو عايز و انه السيد و احنا ال........... .
السيراتو و الفيرنا اه بيجروا و يعدوا ال 200 و لكن عمرهم ما هيجيبوا 350 او 450 (العداد اخره 220 )
حضرتك قلت كميه الفاظ و اهانات و كلام خارج عن النص و خالفت قوانين المنتدى
مش معنى انك ليك وجهنة نظر انك تشتم فى اى حد تانى و الا اه
السيراتو و الفيرنا ........ هسيب رجالة الفرنا و السيراتو يردوا فى النقطه دى ........الفيرنا و السيراتو بيوصلوا 200

و حضرتك بكده بتستفز اعضاء القسمين هيونداى و كيا و كمان اى عربيه مش غاليه.او فى متناول الاعضاء.

ارقام الطيارات حضرتك مظنش تعرفها الا لو انت طيار (و ده موضوع تانى اقدر اناقشك فيه زى ما حضرتك عايز).

السيراتو و الفيرنا : عربيات اسعدت الشعب اللى حضرتك وصفته بانه فرحان بالعضم اللى بيترمي له ,ده تشبيه للشعب سىء للغايه ,حضرتك كده مش عارف بتشبهنا بايه ........... حضرتك كده كتير اوى .
الشوارع ملك الشعب كله

السطر الاخير انت اكيد مش اصدك النصيحه ,
حضرتك كتبت كميه تلميحات و عبارات سب و قزف ,
و ربنا فعلا يشفى كل الناس زى ما حضرتك قلت.
ارجو ان تتقبل كلامى بصدر رحب , و يا ريت مكنش طولت على حضرتك ,و متطلع لنقاش هادف و فى حدود اللياقه و احترام مشاعر الاخرين.
ارجوا من الاداره التدخل لمنع مثل هذه المهاترات و الشتائم حفاظا على سمعة المنتدى و قوانينه .
الاستاذ الفاضل كريم رئيس المنتدى ارجو التدخل السريع و الحاسم فى مثل هذه المواقف ,
و السلام خير ختام.
60000 وفيات حضرتك جبت الرقم ده منان ارجو ذكر المصدر لو سمحت
شرفت الموضوع و ياريت متجريش اخر الجرى وحش اوى
انا اسف انى اتفهمت غلط
انا قصدى ارد على المشككين فى العربيه و اللى مبهدلين الدنيا من غير تجربه فقط سماعى.

فى السرعه الهلاك
و بيعلى الاستهلاك
و يا فتى كفياك
انك بتتنفس هواك
و ربك هداك
للبعد عن الهلاك
و اللى مش شايفاه عنيك
الهى رب العرش يحميك

[esslynx]

طيب كويس نص الكلام برضه عن السرعه مفيش فايده يعنى ... ماشى لما قلت انه الناس معاها عربيات اقل من 2000cc الغرض مكنش انها عربيات رخيصه و فى متناول الناس الغرض انها عربيات عاديه بغض النظر عن الساده و العبيد اللى انت بتتكلم عنهم !!!! تانى حاجه حضرتك واخد الكلام على نفسك ليه انا لو شتمت لو معتبر كلمه هبل و هطل شتيمه فدى اقل حاجه تتقال لاى و احد " سايق عربيه المقروض فى متناول الاعضاء و كماااااااان وسيله مواصلات للمسافات و التوفير.. الخ" يعنى مش من عيله مالكه و لا الشارع كان من اراضى جده و هو بيجرى براحته لمجرد انه يشوف اقصى سرعه للعجله اللى هو راكبها و الكلام مش موجه لملاك الفيرنا و السيراتو لانه واضح انها زى معاداه الساميه كده و مكنتش اعرف انه شرف العربيه غالى كده
موضوع السرعات بتاعت الطيارات انا مش فاهمه بس يعنى لو ليك علاقه بالطيران من قريب او من بعيد يبقى انت اكتر واحد فاهم يعنى ايه سرعه و عارف انه مكانها الجو و عارف انه حتى فى الجو متحددلك سرعه متقدرش تعديها و لا تقفل عداد !!!
موضوع الوفيات تقدر تدور عليه فى جوجل براحتك بس اهو لينك على الماشى "مصر الاولى عالميا-اخيرا - فى وفيات الحوادث"
جريدة شباب مصر ـ أسبوعية تصدر عن حزب شباب مصر
و بالنسبه للاساءه للشعب المصرى انا معايه الجنسيه فبلاش كلام كبير احسن
برضه انا بضم صوتى لصوتك وبقول للاستاذ كريم منير انه فعلا مواضيع السرعه دى بتسئ للمنتدى اللى المفروض يبقى قدوه و ناس كتير ببتعلم منه و اول حاجه بنتعلمها انه السرعه مميته و لو فعلا حد مستغنى عن عمره ممكن يموت لوحده مش لازم يولع فى الناس حوليه لمجرد انه عايز يشوف 200 على العداد و يبفى فاهم انه فى ناس بتبقى عايزه تروح بيتها بدل المستشفى او حته تانيه و ربنا يشفى و يهدى الكل و اقرأ الفاتحه للناس اللى اتحرقت على 180 مش 200

[explorist]

215 بالسيراتو على طريق محور التعمير بالساحل الشمالي
160 بالبيكانتو على طريق العين السخنة

انا بقى جبت 300 على طريق المحور عند ميدان لبنان مع ان العداد اخره 260

[moha4tec]

طيب كويس نص الكلام برضه عن السرعه مفيش فايده يعنى ... ماشى لما قلت انه الناس معاها عربيات اقل من 2000cc الغرض مكنش انها عربيات رخيصه و فى متناول الناس الغرض انها عربيات عاديه بغض النظر عن الساده و العبيد اللى انت بتتكلم عنهم !!!! تانى حاجه حضرتك واخد الكلام على نفسك ليه انا لو شتمت لو معتبر كلمه هبل و هطل شتيمه فدى اقل حاجه تتقال لاى و احد " سايق عربيه المقروض فى متناول الاعضاء و كماااااااان وسيله مواصلات للمسافات و التوفير.. الخ" يعنى مش من عيله مالكه و لا الشارع كان من اراضى جده و هو بيجرى براحته لمجرد انه يشوف اقصى سرعه للعجله اللى هو راكبها و الكلام مش موجه لملاك الفيرنا و السيراتو لانه واضح انها زى معاداه الساميه كده و مكنتش اعرف انه شرف العربيه غالى كده
موضوع السرعات بتاعت الطيارات انا مش فاهمه بس يعنى لو ليك علاقه بالطيران من قريب او من بعيد يبقى انت اكتر واحد فاهم يعنى ايه سرعه و عارف انه مكانها الجو و عارف انه حتى فى الجو متحددلك سرعه متقدرش تعديها و لا تقفل عداد !!!
موضوع الوفيات تقدر تدور عليه فى جوجل براحتك بس اهو لينك على الماشى "مصر الاولى عالميا-اخيرا - فى وفيات الحوادث"
جريدة شباب مصر ـ أسبوعية تصدر عن حزب شباب مصر
و بالنسبه للاساءه للشعب المصرى انا معايه الجنسيه فبلاش كلام كبير احسن
برضه انا بضم صوتى لصوتك وبقول للاستاذ كريم منير انه فعلا مواضيع السرعه دى بتسئ للمنتدى اللى المفروض يبقى قدوه و ناس كتير ببتعلم منه و اول حاجه بنتعلمها انه السرعه مميته و لو فعلا حد مستغنى عن عمره ممكن يموت لوحده مش لازم يولع فى الناس حوليه لمجرد انه عايز يشوف 200 على العداد و يبفى فاهم انه فى ناس بتبقى عايزه تروح بيتها بدل المستشفى او حته تانيه و ربنا يشفى و يهدى الكل و اقرأ الفاتحه للناس اللى اتحرقت على 180 مش 200

السلام عليكم
لا تعليق

[moha4tec]

انا بقى جبت 300 على طريق المحور عند ميدان لبنان مع ان العداد اخره 260

حلوه حلوه (ازاى ازاى ازاى .............)
ممكن ذكر نوع العربيه
و رقم مبيض المحاره
و نوع السيراميك المستخدم.
عبووووووووووووووود
ههههههههههههههههههه

[OmarElsalhy]

190 طريق العين السخنة الساعة 5 العصر bmw 316 مودبل 92
190 طريق القاهرة اسكندرية الصحراوي الساعة 10:30 الصبح وفي نفس اليوم الساعة 1:00 بالليل

[M.ABDEEN]

انا بقى جبت 300 على طريق المحور عند ميدان لبنان مع ان العداد اخره 260

يا ريت حضرتك تقولنا نوع العربية ايه اللي جابت 300 !!!!!!
وبعدين السرعات ديه الواحد بيجيبها لحظات وخلاص لان ربنا هو الستار وهي مرة ومتكرريتش العمر مش بعزقة

[sheko2013]

انا بقى جبت
60 فى صلاح سالم
80 فى طريق النصر
واخيرا عديت ال100 بس كان يوم جمعة الصراحة وكنت مخلى كل اللى فى العربية باصين على العداد
واوعدكم احاول اخف من تهورى المرات الجايه

[sheko2013]

وعلى فكره يا جماعة كان فى موضوع لما قريته هنا على المنتدى اثر فيا جدا ولاهى يا ريت اللى مقارهوش يقراه
ده اللينك http://www.nilemotors.net/Nile/10122-160.html

[explorist]

حلوه حلوه (ازاى ازاى ازاى .............)
ممكن ذكر نوع العربيه
و رقم مبيض المحاره
و نوع السيراميك المستخدم.
عبووووووووووووووود
ههههههههههههههههههه

العربية زاستاقا موديل 60 فول اوبشن وهاى لوكس كمان
ربنا يشفى العقول يعنى مصدق اللى جاب 2000 و215 فى شوارع بلدنا المحترمة ومش مصدق انى اجيب 300 بزبستافتى يا راجل دا المحور اقسى سرعة فيه عند ميدان لبنان 10 ك/س