تقييم وتفتيح كيداهم على الدولى الساحلى وتقييم شخصى

[AHMED1718]

انا اخيرا جت الفرصة اللى مستنيها بقالى كتير انى افتح الماتور واختبرها على السرعات العالية بعد 5000 كم علشان مجتش فرصة لسفر على طرق مفتوحة قبل كده

وبصراحة مش بحب اهلك فيها بهلك ف الرينو

المهم انا قاعد اسمع ف اشاعات وكلام غريب من يوم مجبتها ومن قبل ما اجيبها ان اخرها 180 و التكييف مش اد كده وان ثباتها نص نص

انا بعون الله سافرت اسكندرية من سيناء ف طريق الدولى الساحلى لبلطيم ل.....

التقييم بتاع العربية فوق كل التوقعات الحمد لله

السرعة 190 كم/س مرتاح جداا ومش اخر الدواسة العربية صوتها عالى بس كويس بالنسبة للسرعة (ملحوظة العربية مانيوال )
وممكن تجيب اكتر مع وجود التكييف .
التكييف شغال (ممتاز مش حاسس بالدنيا برااا) الكلام ده بعد صلاة الضهر

الحمولة 3 ركاب + الشنطة متقفلة

العيب الوحيد الى شايفه فيها بس ميعتبرش عيب للشباب المشكلة لو والدتك قاعدة ورا ،العربية بتتنطط على مطبات الهوا اوى من ورا وطبعا مش لزيز لو اللى راكب ورا حد كبير
طبعا كل عارف ده علشان المساعدين اللى ورا قصيرة شوية علشان حوار الثبات ده بس انا مش تاعبنى او عاملى مشكلة

عيب تانى بسيط بس انا شايفه ف كل الجديد ( لما يبقا الريح ف جنب العربية او فى وشها بيأثر تأثير ملحوظ لما تيجي تعدى من جنب عربية وانت ماشى بسرعة تفوق ال 150 كم /س

الخلاصة :-

العربية تستحق كل مليم اتدفع فيها وربنا يبارك فيها ويبارك لكل اللى راكبينها
ويبارك للى راكبين حاجة تانيا بردو


اه فيه ميزة ممتازة نسيتها (العداد محدش يشوفه غير اللى سايق )

[moha4tec]

مبروك يا باشا على العربيه و التجربه و التفتيح .
جالك قلب تجرى و حد كبير او صغير راكب معاك ,ربنا يقويك و يستر طرقك .
فعلا لو فى هوا جامد هيقلل سرعة العربيه شويه .
و موضوع مطبات الهوا فى كل العربيات دلوقتى و هو مع الوقت العربيه بتنعم و بتبقى احسن.

على فكره التفتيح اللى انا فاهمه عدم السير بسرعه ثابته لمده او مسافه طويله و السير على كل غيار لاخره و من ثم التدرج و التخفيض بطريقه متكرره صعودا و هبوطا .

[medo_elgezy]

على البركه يا عم احمد تعيش و تدوب و تفتح وربنا يباركلك فيها

[AHMED1718]

مبروك يا باشا على العربيه و التجربه و التفتيح .
جالك قلب تجرى و حد كبير او صغير راكب معاك ,ربنا يقويك و يستر طرقك .
فعلا لو فى هوا جامد هيقلل سرعة العربيه شويه .
و موضوع مطبات الهوا فى كل العربيات دلوقتى و هو مع الوقت العربيه بتنعم و بتبقى احسن.

على فكره التفتيح اللى انا فاهمه عدم السير بسرعه ثابته لمده او مسافه طويله و السير على كل غيار لاخره و من ثم التدرج و التخفيض بطريقه متكرره صعودا و هبوطا .

الله يبارك فيك ياباشا

بالنسبة للهوا انا مش قصى بيقلل سرعة العربية انا قصدى بيعوم العربية شوية

وبالنسبة عدم السير بسرعة ثابتة لمدة طويلة (ده ف التليين )والسير على كل غيار ده لاخره ده بعد التليين واثناء التفتيح

بس انا الحمد لله لينت تليين افترا والنتيجة كانت الحمد لله مرضية انا تقربا مطلعتش بره المدينة من ساعة ماستلمت العربية واقصى سرعة جبتها قبل الالف كانت 80 كم/س وبعد الالف مزودتش عن 120 130 لغايط ال 5000 كم فكنت خلاص هطق يعنى عايز استمتع بقا كفايا

[AHMED1718]

على البركه يا عم احمد تعيش و تدوب و تفتح وربنا يباركلك فيها

الله يخليك نعيش بأمر ربنا ونفتح دى تساهيل بس مش عايزينها تدوب

[Ahmed Samy]

اه فيه ميزة ممتازة نسيتها (العداد محدش يشوفه غير اللى سايق )

مراتي بتتجنن من الميزة دي

ههههههههه

[alzwawy]

100000000000000 مبروك يا معلم و فعلا ميزه ان محدش يشوف العداد غير الي سايق دي جاااااااامده جدا

[AHMED1718]

الله يبارك فيكو يارجالة

[M.almaghraby]

مبروك يا باشا

بس ياريت تغير عنوان الموضوع :dd

[AHMED1718]

مبروك يا باشا

بس ياريت تغير عنوان الموضوع :dd

الله يبارك فيك بس اسم الموضوع اغيره ليه ؟

[M.almaghraby]

عشان " كيداهم " ههههههههههه

[AHMED1718]

عشان " كيداهم " ههههههههههه

[د.محمود صلاح]

حلوة حكاية العداد ...

[M7amD_7amDy]

على البركة يامعلم وربنا يباركلك فى ست الكل :)

[M.Osama]

العربيه في الجنط 17 مقرفه جدا للي قاعدين ورا !! تحس انها متعدله عشان يركبلها 17 مش نازله اصليه !!