ايه رايكم؟

[night_phoenix]

انا اعتقد ان الموضوع ده مكانه العام بس سامحوني انا حبيت ابداه هنا عشان احب اعرف راي اصدقائي السيراتاويه الاول لانهم اهم ناس عندي في بيتنا الكياوي
و اتمني الادارة تسامحني عشان محطتوش في العام مباشرة بس انا بحب اتونس براي اخواتي في البيت هنا

انا بقالي فترة مخنوق من السلوك العام المصري عموما ( بصفتي عجوز شويه ) بحس اني هقرفع من الاستهتار و الامبالالاة الموجوده

سؤالي يا اصدقائي :

ايه الي فاضل من الذوقيات و السلوك المحترم في اسلوب القياده في الشارع المصري . هل فاضل حاجه؟
ولا الاخلاق (وده رايي) اصبحت من التاريخ القديم و الاساطير
حد بيشوف حاجه تدل علي الذوق؟ الاخلاق؟ الاحترام؟ الادب؟ حسن السلوك؟

انا رايي الشخصي ان والحمد لله الذي لا يحمد علي مكروه سواه الاخلاق بح بح رااااحت
بس خلاص

[NoRmAl]

لا هى موجوده بس ضعيفه جدا جدا
لما تعرف تعدى لما تكسر من غير أشاره
ومتعرفش وأنت مدى أشاره
يبقى عليه العوض

[alzwawy]

انا الي بيحنني انها تبقي اشارتك و تلاقي العسكري مش عارف يوقف الشارع و انت مش عارف تمشي او ميبقاش في عسكري اصلا و الناس مترداش تقف برده بيجننوني الحركتين دول و يا سلام لو واحده طالعه من شارع علي شارع رئيسي تلاقيها طالعه راميه و تقوم طالعه في نصف الشارع طيب يا حاجه متطلعي في حارتك الاول و بعدبن خديها واحده واحده مش لازم يعني تطلعي علي نص الشارع علي طول
وماشي الحال اهي موجوده ب نسبه ضعيفه

[VTEC]

قليلين اوى اللى تلاقيهم ملتزمين دلوقتى

الملتزم هو اللى بقى غريب اليومين دول

لكن لسه فى ناس بتلتزم وعندها زوق

انا مره شفت واحد رتبه (كبيره يعنى مش اى كلام ) ورابط الحزام ومش مفيم ولا زينون ولا حتى معلق نسر بصراحه فرحت لما شفته عشان اللى زيه قليلين جداً دلوقتى

[NoRmAl]

قليلين اوى اللى تلاقيهم ملتزمين دلوقتى

الملتزم هو اللى بقى غريب اليومين دول

لكن لسه فى ناس بتلتزم وعندها زوق

انا مره شفت واحد رتبه (كبيره يعنى مش اى كلام ) ورابط الحزام ومش مفيم ولا زينون ولا حتى معلق نسر بصراحه فرحت لما شفته عشان اللى زيه قليلين جداً دلوقتى

تلاقيه كان ساحبها من حد

[VTEC]

تلاقيه كان ساحبها من حد

ده حتى كان زوق جداً كان فى عربيه عطلانه عالشمال وهو كان على يمينى وخلانى اعدى :)

بس بجد زوق مش طبيعى فى مصر حيث الاغلبيه لا تعرف الذوق

[night_phoenix]

قليلين اوى اللى تلاقيهم ملتزمين دلوقتى

الملتزم هو اللى بقى غريب اليومين دول

لكن لسه فى ناس بتلتزم وعندها زوق

انا مره شفت واحد رتبه (كبيره يعنى مش اى كلام ) ورابط الحزام ومش مفيم ولا زينون ولا حتى معلق نسر بصراحه فرحت لما شفته عشان اللى زيه قليلين جداً دلوقتى

اتمني يجي يوم لو انا عايش وموجود في مصر اتمني يكون 20% بس (وده حلم ) في اخلاق الرتبه ده
هوة اكيد محترم و ابن ناس بس فين الي زيه نااااااااااااااااااااااااااااااااااااااااااااااااا ااااااادر

[devilishtigers]

اتمني يجي يوم لو انا عايش وموجود في مصر اتمني يكون 20% بس (وده حلم ) في اخلاق الرتبه ده
هوة اكيد محترم و ابن ناس بس فين الي زيه نااااااااااااااااااااااااااااااااااااااااااااااااا ااااااادر

+1111111111
حضرتك عندك حق
دا شخص واحد من كام شخص مثله . بس يارب نشوف زيه كتير