سؤال مهم جدا اتمني اجابه له

[simon659]

في البدايه مساء وصباح الخير لكل افراد المنتدي :b4_611:
كان في سؤال محيرني شويه ايه الي ممكن يأثر علي كومبيوتر السياره وايه الي بعد الشر الي ممكن يحرقه لو احتاجتو شويه خصوصيه للموضوع انا معايا سيراتو نيو هاي لاين وطبعا بسأل ليها بس اكيد الموضوع عادي في كل العربيات فا ايه رأيكو

[NoRmAl]

يعنى تقريبا مفيش حاجه معينه تقدر تعملها تضر بكمبيوتر العربيه
أنت ملكش أى تعامل مباشر معاه
دا حاجه متوصله بحبه سينسورز وبتدى أوامر لمكونات العربيه على أساس الداتا الى جايلها من السينسورز دى
يعنى هو شغال فى حاله كدا بيقيس حاجات ويستقبل داتا وعلى أساسها يدى أوامر وأنت ولا تعرف حاجه :)
انت سايق وبس :)
فمتقلقش يعنى مفيش فى أيدك حاجه تعملها تضره
وعادهً لما بيحصل فيه حاجه بتكون كدا من عند ربنا

[waleedelpiloot]

تمام يابشمهندس وفى كمان حاجة سعات لما بتتروح تغسل العربية فى البنزينة وتعسل المتور الراجل اوقات كتير بينسى يغطى الكونترول يونيت والمية لاقدرالله بتحرقوا حصلت مع واحد صحبى

[simon659]

طيب حضرتك لو انا بلعب في الكهربا يعني وركبت حاجه غلط ممكن يعمل حاجه في الكومبيوتر يعني بغير الكلاكس ولا بلعب في النور ولا حاجه في الكست

[BrainStorm]

طيب حضرتك لو انا بلعب في الكهربا يعني وركبت حاجه غلط ممكن يعمل حاجه في الكومبيوتر يعني بغير الكلاكس ولا بلعب في النور ولا حاجه في الكست

بيتهيألي لو عملت حاجة زي كده كبيرها الفيوز يضرب ولا حاجة بس مش دي الحاجات اللي تأثر على الكمبيوتر بتاع العربية

[ابو ليلى]

اخطر حاجه انك تشيل كابل البطارية والعربية ممورة او ديرة علطول تبوظ الكنترول

وتحتاج تكوده من جديد وقصه كبيرة العربية مش هدور تماما وده بيحصل فى العربيات

اللى لسه بتكون فى المينا من واحد مش فاهم هو بيعمل ايه .