صدمة من سمير ريان واستشارة لاصحاب الخبرة

[BOOGIE]

لسا من نص ساعة جى من عند سمير ريان كنت بسال عن السيراتو الى ب 104 الف الجنط ال16 و بعد ما عرفت عنها كل حاجة بسالهم ينفع اقسط مع بنك ناصر الاجتماعى قلولى لا مبنتعملش معاه و بنتعامل مع كل البنوك الا بنك ناصر
مردتش اسالو ليه لانى كنت مصدوم طبعا الناس هتسأل ليه بنك ناصر ما البنوك الى بتمول كتيييييييير اوى
انا بنسبالى ولدى بيشتغل فى البنك فا العربية الى هتجى عن طريق البنك عندو هتبقى الفائدة % 4.2
فا ينفع تسعدونى لو حد يعرف معرض بيبيع خليجى و بيقسط مع بنك ناصر الاجتماعى عشان نفسى انضم لاسرة السيراتو ولكم جزيل الشكر

[as_samman]

السلام عليكم
يوجد معرض محترم جدا
معرض ابو حته في طريق النصر بمدينة نصر بعد مسجد
رابعة العدوية و قبل طيبة مول

[raedegypt]

جابر عبد الشهيد عربيات سعوديه 100% واسعارة حلوة

[BOOGIE]

طيب هل بيتعملو مع بنك ناصر وخصوصا لو العربية خليجى مش وكيل ارجو الافادة

[medo_elgezy]

يا باشا خليك عند جابر والله عنده زمة عن غيره وانا مجرب

[NoRmAl]

بص المعارض بتخاف من ناصر لأنه بطىء جدا وتعاملتهم وحشه وبيحصل تأخير فى الورق وتأخير فى التمويل وبيعزبهم
أذا والدك بنكى يبقى كويس ولو شغال فيه كمان يبقى ممتاز
هو هيفهم المعرض أنه هو الى هيتابع الورق بنفسه وهما فى البنك طالما بنكى هيخلصوا الورق على طول ومش هيقرفوه
فأختار المعرض الى أنت عايزه وأقنعه بناصر
أبو حته انا جبت عربيتى منهم من أحمد سيف
راجل محترم ولغايه دلوقتى بيكلمنى يسألنى العربيه عامله أيه!!!

[waleedelpiloot]

اييييييييييييييييييييية دة انتا كمان يا نورمال من ابو حتة احمد سيفف بصرررررررة يا هندسة
راجل تبص فى وشة تحس ان مصر لسة فيها خير بجد ربنا يباركلة

[NoRmAl]

اه والله رجل محترم وفعلا بيتصل بيا يسأل العربيه عامله أيه لغايه دلوقتى
تصور!

[mohammed_abas_7]

شوف جابر عبد الشهيد سعودى وجميع المعارض تتعامل معة
وبالنسبة للفئة اللى ب 104 الف جنط 16 يا ريت تقولى على مواصفتها لانى عايز حاجة فى حدود السعر دة
والف شكر مقدما

[adelahmed007]

بص المعارض بتخاف من ناصر لأنه بطىء جدا وتعاملتهم وحشه وبيحصل تأخير فى الورق وتأخير فى التمويل وبيعزبهم
أذا والدك بنكى يبقى كويس ولو شغال فيه كمان يبقى ممتاز
هو هيفهم المعرض أنه هو الى هيتابع الورق بنفسه وهما فى البنك طالما بنكى هيخلصوا الورق على طول ومش هيقرفوه
فأختار المعرض الى أنت عايزه وأقنعه بناصر
أبو حته انا جبت عربيتى منهم من أحمد سيف
راجل محترم ولغايه دلوقتى بيكلمنى يسألنى العربيه عامله أيه!!!

الموضوع مش خوف التجار من بطء بنك ناصر .. انت فاهم غلط ع فكره .......
الموضوع ان بنك ناصر بيطلب فاتوره من التاجر لو العربيه خليجى وده اللى بيمتنع عنه التاجر .. انما لو العربيه وكيل كل الاجراءات بتمشى طبيعى جداً

[engahmedsamy]

المعارض معظمها مابيتعاملش مع بنك ناصر علسان بياخر الفلوس عشان حكومة

[adelahmed007]

لسا من نص ساعة جى من عند سمير ريان كنت بسال عن السيراتو الى ب 104 الف الجنط ال16 و بعد ما عرفت عنها كل حاجة بسالهم ينفع اقسط مع بنك ناصر الاجتماعى قلولى لا مبنتعملش معاه و بنتعامل مع كل البنوك الا بنك ناصر
مردتش اسالو ليه لانى كنت مصدوم طبعا الناس هتسأل ليه بنك ناصر ما البنوك الى بتمول كتيييييييير اوى
انا بنسبالى ولدى بيشتغل فى البنك فا العربية الى هتجى عن طريق البنك عندو هتبقى الفائدة % 4.2
فا ينفع تسعدونى لو حد يعرف معرض بيبيع خليجى و بيقسط مع بنك ناصر الاجتماعى عشان نفسى انضم لاسرة السيراتو ولكم جزيل الشكر

هو رفض لان بنك ناصر بيطلب فاتوره من التاجر .. فنصيحتى ليك اشترى وكيل عشان والدك يستفيد من فائده 4.2% بدل من 6%

[NoRmAl]

الموضوع مش خوف التجار من بطء بنك ناصر .. انت فاهم غلط ع فكره .......
الموضوع ان بنك ناصر بيطلب فاتوره من التاجر لو العربيه خليجى وده اللى بيمتنع عنه التاجر .. انما لو العربيه وكيل كل الاجراءات بتمشى طبيعى جداً

مش متأكد من المعلومه دى الحقيقه
أنا كنت هشترى عربيتى تقسيط لأن والدى و والدتى بنكيين فكنت هاخد فايده كويسه
وفعلا أتكلمت مع كذا معرض وكانت شكواهم من البطء فى التعامل وتأخير الفلوس والورق ومحدش جابلى سيره عن أى فواتير!
ولما فهمتهم أنى هتابع الورق بنفسى وهيكون فيه سرعه قالولى أذا كان كدا خلاص!!
ناصر معروف بتأخره فى دفع الفلوس ودا الى بيقرف الناس منه
على أى حال مش هيخسر حاجه لو عرف يقنع معرض بالى أنا قلته
هو المستفيد أولا و أخيرا

[BOOGIE]

الف مليون شكر ليكو جميعا افدتونى جدا انا هكلم سمير ريان تانى و اشوف اية نظامة و لو مرديش هشوف ابو حتة او جابر عبد الشهيد
فى حاجة نسيت اقولها و انا عند سمير ريان بسألو على ال سيراتو المانيول الخليجى قلى مفيش مانيول خليجى مع ان فية واحد فى شرعنا جايب سيراتو مانيول جنط 16 و مريات فيها اشارة والكاسيت فية aux والتكيف بكر وفيها ايرباج بس مفيهاشabs وسعرها 96
من ناشونال موتوز فالخبتنى بصراحة
هل فى الفئة دى موجودا خليجى ولا لا